MATHAÏOS 7:11 - Khasi CL Bible (BSI)

¹¹ Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

KA BAIBL

¹¹ Namar kata, lada phi, kiba long bymman, phi tip ïa ka ban ai ïa ki jingai babha ha ki khun jong phi, kaba katno tam ba U Kpa jong phi uba ha bneng un ai ïa kiei kiei ruh ki babha ha kita kiba pan na u?

MATHAÏOS 7:11 ပူးပေါင်းရင်းမြစ်များ

JENESIS 6:5

Haba U Trai u la ïohi haduh katno ka jingsniew jong uwei pa uwei u briew ha ka pyrthei bad katno ki jingmut jingpyrkhat bymman jong ki ha ki por baroh,

JENESIS 8:21

Ka jingiw jong ka jingkñia ainguh ka la pynsngewbha ïa U Trai, bad U la ong ha lade, “Lano lano ruh ngan ym buh ïa ka pyrthei hapoh ka jingtim namar kaei kaba ki briew ki leh; nga tip ba naduh ba ki dang samla, ki jingpyrkhat jong ki, ki long kiba sniew. Lano lano ruh ngan ym pynjot shuh ïa ki jingthaw ba-im baroh, kumba nga la leh ha kane ka sien.

2 SAMUEL 7:19

Pynban, mynta me la leh kham bun, A Trai Nongsynshar; me la pynlong ki jingkular shaphang ki khun ki ksiew jong nga ha ki snem ki ban wan. Bad me shah ïa u briew ban ïohi ïa kane, A Trai Nongsynshar!

Ka Kitab U Job 15:16

Bad ngi dih ïa ka jingbymman la kum ba ka dei ka um; ho-oid, ngi long kiba bamsap; ngim dondor ei ei.

SALM 84:11

U Trai u long u nongïada jong ngi bad u syiem uba donburom; u kyrkhu ïa ngi da ka jingbhasbun bad ka burom. Um kyntait ïa kaei kaei kaba bha na kito kiba leh ïa kaei kaei kaba dei.

SALM 85:12

U Trai un pynlong pynmanbha ïa ngi, bad ka ri jong ngi kan pynmih kyrhai ki jingot.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

ISAÏAH 49:15

Kumta U Trai u jubab, “Hato ka briew ka lah ban klet noh ïa la i khunlung bad ban ym ieit ïa i khun iba ka la kha? Wat la ka kmie ka lah ban klet ïa la i khun, da lei lei ngan ym klet ïa phi.

ISAÏAH 63:7

Ngan ïathuh ïa ka jingieit baïaineh jong U Trai; ngan ïaroh ïa u ïa baroh kaba u la leh na ka bynta jong ngi. U la kyrkhu kyrhai ïa ki paid Israel namar ka jingisynei bad ka jingieit baneh jong u.

JEREMAÏAH 17:9

“Mano ba lah ban shemphang ïa ka dohnud briew? Ym don kano kano kawei pat kaba shukor katta katta; ka pang jur eh ban ïa kaba ïoh jingkoit.

JEREMAÏAH 33:14

U Trai u la ong, “Ka por kan poi haba ngan pyndep ïa ka kular kaba nga la pynlong bad ki paid Israel bad Judah.

HOSIA 14:2

To phai sha u Trai, bad ai ba kane ka jingduwai kan long ka jingainguh sha u: “To map ïa ki pop jong ngi baroh bad pdiang ïa ki jingduwai jong ngi, bad ngin ïaroh ïa me kumba ngi la kular.

MIKAH 7:18

Ym don uwei pat u blei kum ma me, A Trai; me map ïa ki pop jong ki briew jong me kiba la lait im. Mem neh junom ha ka jingbitar, hynrei me sngewbha haba me pynpaw ïa ka jingieit baïaineh jong me.

MALAKHI 1:6

U Trai Badonbor Baroh u ong ha ki lyngdoh, “U khun u burom ïa la u kpa, bad u shakri u burom ïa la u kynrad. Nga long u kpa jong phi — balei phim burom ïa nga? Nga long u kynrad jong phi — balei phim ñiewkor ïa nga? Phi ñiewbeiñ ïa nga, bad pynban phi kylli, ‘Da kumno ngi ñiewbeiñ ïa me?’

MATHAÏOS 23:9

Bad phim dei ban khot ïano ïano ha kane ka pyrthei ‘u Kpa,’ namar ba phi don tang uwei u Kpa ha bneng.

MATHAÏOS 7:10

Lane hato phin ai ha u da u bseiñ haba u pan ïa ka dohkha?

ÏOANNIS 3:16

Naba U Blei u la ieit katta katta ïa ka pyrthei kat haduh ba u la aiti noh ïa U Khun ba tang marwei jong u, ba uno uno uba ngeit ha u un ym ïap noh hynrei un ïoh ïa ka jingim bymjukut.

Ka Shithi U Paul Sha Ki Nong Rom 3:19

Mynta ngi tip ba kiei kiei baroh ha ka Hukum ki dei ïa kito kiba im hapoh ka Hukum, khnang ban pynsangeh ïa baroh ki jingaidaw jong ki briew bad wallam ïa ka pyrthei baroh kawei hapoh ka jingbishar U Blei.

Ka Shithi U Paul Sha Ki Nong Rom 3:9

Haba kumta, hato ma ngi ki Jiw ngi don ha kano kano ka bynta kaba kham bha ban ïa ki Jentil? Ym kumta! Nga la lah pyn-i ba ki Jiw bad ki Jentil ki long kumjuh baroh hapoh ka bor jong ka pop.

Ka Shithi U Paul Sha Ki Nong Rom 8:32

Da shisha ym U Blei, u bym shym la tyngkai wat ïa la u jong U Khun hi, hynrei uba la ai sngewbha ïa u na ka bynta jong ngi baroh! U la ai ha ngi ïa la U Khun — hato un ym ai sngewbha ïa kiei kiei baroh?

GALATIA 3:22

Hynrei ka Jingthoh Bakhuid ka ïathuh ba ka pyrthei hi baroh kawei ka don hapoh ka bor jong ka pop; bad kumta ïa ka jingai ïa kaba la kular halor ka nongrim jong ka jingngeit ha U Jisu Khrist la ai ïa kito kiba ngeit.

JAKOB 1:17

Ka jingai kaba bha baroh bad kaba janai baroh ka wan na bneng; ka wan hiar na U Blei, u Nongpynlong ïa ki jingshai ba kynja bneng, u bym ju kylla lane pynlong jingdum da ka jingpynphai.

1 ÏOANNIS 3:1

Ha khmih haduh katno U Kpa u la ieit ïa ngi! Ka jingieit jong u ka long kaba khraw katta katta ba ïa ngi la khot ki khun U Blei — bad kumta, ha ka jingshisha, ngi long. Dei kane ba balei ka pyrthei kam ithuh ïa ngi: Kam pat la ithuh ïa U Blei.

1 ÏOANNIS 4:10

Kane ka long kaei kaba ka jingieit ka long: Kam dei ba ngi la ieit ïa U Blei, hynrei, ba u la ieit ïa ngi bad u la phah ïa la U Khun ban long ka lynti ha kaba map ïa ki pop jong ngi.