MATHAÏOS 6:9 - Khasi CL Bible (BSI)

⁹ Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

KA BAIBL

⁹ Namar kata, phin duwai kumne: “Ko Kpa jong ngi uba ha bneng, long bakhuid ka kyrteng jong me.

MATHAÏOS 6:9 ပူးပေါင်းရင်းမြစ်များ

2 SAMUEL 7:26

Ka nam jong me kan long kaba khraw, bad ki briew kin ong junom, ‘U Trai Nongsynshar u long U Blei halor ki Israel.’ Bad men pynneh ïa ka longïing syiem jong nga ha ki por baroh.

1 SYIEM 8:43

Na bneng, ha kaba me shong, sngap ïa u bad leh ïa kaei kaba u kyrpad ïa me ban leh, khnang ba baroh ki briew jong kane ka pyrthei kin tip ïa me bad kohnguh ïa me kumba ki paid Israel ki leh. Te kin tip ba kane ka Templ ïa kaba nga la tei kan long ka jaka ha kaba yn mane ïa me.

1 KHRONIKL 17:24

Ka nam jong me kan khraw, bad ki briew kin ong junom, ‘U Trai Bakhrawbor baroh u long U Blei ha Israel.’ Bad men pynneh ïa ka longïing syiem jong nga ha ki por baroh.

2 KHRONIKL 20:6

“A Trai U Blei jong ki kpa tymmen jong ngi, me synshar ha bneng halor ki jaitbynriew baroh jong ka pyrthei. Me long uba donbor bad uba khrawbor, bad ym don ba lah ban pyrshah ïa me.

NEHEMAÏAH 9:5

Kine ki Lebi harum ki ai ïa ka jingkhot sha ka jingmane: u Jeshua, u Kadmiel, u Bani, u Hashabneïah, u Sherebaïah, u Hodaïah, u Shebanaïah, bad u Pethahaïah. Ki ong: “Ïeng bad ïaroh ïa U Trai U Blei jong phi; ïaroh ïa u junom la junom! Ai ba baroh kin ïaroh ïa ka kyrteng badonburom jong u, wat la ym don ka jingïaroh ba kynja briew kaba khraw palat.”

SALM 111:9

U pyllaitluid ïa la ki briew, bad u pynlong ka jutang bymjukut bad ki. Uba khuid bad uba khrawbor u long ma u!

SALM 115:3

U Blei jong ngi u don ha bneng; u leh ïa kano kano kaba u mon.

SALM 72:18

To ïaroh ïa U Trai, U Blei ki Israel! Tang ma u hi uba leh ïa kine kiei kiei kiba phylla.

ISAÏAH 37:20

Mynta, A Trai U Blei jong ngi, pyllait im ïa ngi na ki Assyria, kumta ba baroh ki jaitbynriew jong ka pyrthei kin tip ba tang ma me hi me long U Blei.”

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 6:3

Ki ïa-pyrta uwei ïa uwei pat: “Bakhuid, Bakhuid, Bakhuid! U Trai Badonbor Baroh u long uba khuid! Ka burom jong u ka pyndap ïa ka pyrthei.”

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

ISAÏAH 64:8

Hynrei, A Trai, me long u Kpa jong ngi. Ngi long kum ka dewbyrtha, bad me long kum u nongthaw khiew.

ISAÏAH 66:1

U Trai u ong, “Ka bneng ka long ka khet jong nga bad ka khyndew ka long ka jingïuhkjat jong nga. Kaba kumno keiñ ka ïing men tei ïa nga, bad kaba kumno ka jaka ba ngan shong?

ESEKIEL 36:23

Ynda haba ngan pynpaw ha ki jaitbynriew ïa ka jingkhuid ka kyrteng bakhraw jong nga — ka kyrteng ïa kaba phi la pynjahburom hapdeng jong ki — te kin sa tip ba nga long U Trai. Ma nga, U Trai Nongsynshar, nga la kren. Ngan pyndonkam ïa phi ban pyn-i ha ki jaitbynriew ba nga long uba khuid.

ESEKIEL 38:23

Ha kane ka rukom ngan pyn-i ïa baroh ki jaitbynriew ba nga long uba khraw bad uba khuid. Kin sa tip, te, ba nga long U Trai.”

LEBITIKOS 10:3

Te u Moses u ong ha u Aaron, “Kane ka long kaei kaba U Trai u la kren shaphang jong ka mynba u ong, ‘Baroh kiba shakri ïa nga ki dei ban burom ïa ka jinglongkhuid jong nga; ngan pynpaw ïa ka burom jong nga ha la ki briew.’ ” Hynrei u Aaron u shu sngap jar.

HABAKKUK 2:14

Hynrei ka pyrthei kan long ba la dap da ka jingtip ïa ka burom U Trai kumba ki duriaw ki dap da ka um.

SEKHARAÏAH 14:9

Nangta U Trai un long u syiem jong ka pyrthei baroh; uwei pa uwei baroh un mane ïa u kum U Blei bad tip ïa u da kajuh ka kyrteng.

MALAKHI 1:11

Ki briew na kawei ka kut jong ka pyrthei sha kawei pat ki burom ïa nga. Ha man ki jaka ki thang jingiwbih sha nga bad ki ai ïa ki jingkñia ba pdiang hun. Baroh na ki, ki burom ïa nga!

MATHAÏOS 10:29

Naba tang shi pisa phi lah ban thied ar tylli ki sim ïing, pynban ym don kawei ka sim ïing kaba hap ha ka khyndew khlem ka jingshah U Kpa jong phi.

MATHAÏOS 23:9

Bad phim dei ban khot ïano ïano ha kane ka pyrthei ‘u Kpa,’ namar ba phi don tang uwei u Kpa ha bneng.

MATHAÏOS 26:29

Nga ong ha phi, ngan ym dih shuh ïa kane ka waiñ tad haduh ka sngi ba nga dih ïa ka waiñ thymmai bad phi ha ka Hima jong U Kpa jong nga.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 6:14

“Namar lada phi map ïa kiwei ïa ki jingpalat kiba ki la leh ïa phi, U Kpa jong phi uba ha bneng un map ruh ïa phi.

MATHAÏOS 6:6

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 7:11

Phi kiba sniew eh, phi tip kumno ban ai kiei kiei kiba bha ïa ki khun jong phi. Kaba katno tam keiñ, ba U Kpa jong phi uba ha bneng un ai kiei kiei kiba bha ha kito kiba pan na u!

LOUKAS 15:18

Ngan ïeng joit bad leit sha i pa jong nga bad ong, “Ko pa, nga la leh pop pyrshah ïa U Blei bad pyrshah ïa phi.

LOUKAS 15:21

‘Ko pa,’ u khun jong u, u la ong, ‘nga la leh pop pyrshah ïa U Blei bad pyrshah ïa phi. Ngam long shuh uba dei ba yn khot u khun jong phi.’

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

Ka Shithi U Paul Sha Ki Nong Rom 1:7

Bad kumta nga thoh sha phi baroh kiba ha Rom kiba U Blei u ieit bad ba u la khot ban long ki briew jong u hi: To U Blei U Kpa jong ngi bad U Jisu Khrist uba U Trai un ai ha phi ïa ka jingaiei bad ka jingsuk.

Ka Shithi U Paul Sha Ki Nong Rom 8:15

Namar U Mynsiem uba U Blei u la ai ïa phi um pynlong ïa phi ki mraw bad pynlong ïa phi ban sheptieng; pynban U Mynsiem u pynlong ïa phi ki khun jong U Blei, bad da ka bor U Mynsiem ngi pyrta sha U Blei jong ngi, “Ko Kpa! Ko Kpa jong nga!”

GALATIA 1:1

Na u Paul, uba ka jingkhot ban long u Apostol kam shym la wan na u briew ne da ka rukom briew, hynrei na U Jisu Khrist bad U Blei uba U Kpa, uba la pynmihpat ïa u na ka jingïap.

GALATIA 4:6

Ban pyn-i ba phi dei ki khun jong u, U Blei u la phah ïa U Mynsiem jong U Khun jong u ha ki dohnud jong ngi, U Mynsiem uba kyang, “Ko Pa, Pa jong nga.”

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

1 PETROS 1:17

Phi khot ïa u, U Kpa, haba phi duwai ha U Blei, uba bishar ïa ki briew baroh da kajuh ka jingthew, katba kum kaei kaba uwei pa uwei u la leh; kumta te, to pynlut ïa kaba sah ka jingim jong phi hangne ha ka pyrthei ha ka jingtiengburom ïa U.

JINGPYNPAW 4:11

“U Trai bad U Blei jong ngi! Me long uba dei hok ban ïoh ïa ka burom, ka jingpyndonburom bad ka bor. Naba me la thaw ïa kiei kiei baroh, bad da ka mon jong me, la ai ïa ki ban im bad ïa ka jingim.”

JINGPYNPAW 5:12

bad ki la rwai ha ka sur bajam: “U Khunlangbrot uba la shah pynïap u long uba dei hok ban ïohpdiang ïa ka bor, ka spah, ka jingstad, bad ka jingkhlaiñ, ka jingpyndonburom, ka burom, bad ka jingïaroh!”