MATHAÏOS 6:7 - Khasi CL Bible (BSI)

⁷ “Haba phi duwai, wat pyndonkam bun ki kyntien bym kit jingmut, kumba ki nongmane blei thala ki leh, kiba pyrkhat ba ki blei jong ki kin ïohsngew ïa ki namar ba ki jingduwai jong ki, ki long kiba jlan.

KA BAIBL

⁷ “Bad haba phi duwai, wat bun ktien bieit kum ki Jentil: naba ki ïamut ba yn sngew ïa ki namar kaba bun ktien jong ki.

MATHAÏOS 6:7 ပူးပေါင်းရင်းမြစ်များ

EKLESIASTIS 5:7

Kam pher haduh katno phi phohsniew, haduh katno phi trei ïa ka kam bymmyntoi, lane haduh katno phi kren, phi dei ban ïeng ha ka jingtiengburom ïa U Blei.

MATHAÏOS 18:17

Bad lada um shahshkor ïa ki, te to ïathuh ïa kaei kaei baroh ha ka balang. Khatduh, lada um shahshkor ïa ka balang, to ñiew ïa u kumba u long u nongmane blei thala lane u nonglum khajna.

MATHAÏOS 26:39

U la leit kham jngai sa katto katne, u la dem khrup ïa lade bad ka khmat sha khyndew, bad u la duwai, “Ko Kpa jong nga, lada ka long kaba lah, to shim noh ïa kane ka khuri ka jingshah shitom na nga! Pynban, ym ïa kaei kaba nga mon, hynrei ïa kaei kaba me mon.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

MATHAÏOS 26:44

Sa shisien pat U Jisu u la iehnoh ïa ki, u la leit noh, bad u la duwai ha ka sien kaba lai, da kaba ong ïa kijuh ki kyntien.

MATHAÏOS 6:32

(Kine ki long kiei kiei kiba ki nongmane blei thala ki ju ïai pyrkhat borabor.) U Kpa jong phi uba ha bneng u tip ba phi donkam ïa kine kiei kiei baroh.

KI KAM 19:34

Hynrei haba ki la ithuh ba u dei u Jiw, ki la ïa-pyrta lang ïa kajuh haduh ar kynta: “Kaba khraw ka long ka Artemis jong ka Ephesos!”