MATHAÏOS 6:4 - Khasi CL Bible (BSI)

⁴ Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

KA BAIBL

⁴ ba kata ka jingai isynei jong me kan ïoh long ha kaba rieh: bad U Kpa jong me uba ïohi ha kaba rieh un ai nong ha me ha kaba paw.”

MATHAÏOS 6:4 ပူးပေါင်းရင်းမြစ်များ

SALM 139:12

hynrei wat ka jingdum kam long kaba dum ïa me, bad ka miet ka phyrnai kum mynsngi. Ka jingdum bad ka jingshai ki long kumjuh ha me.

SALM 17:3

Me tip ïa ka dohnud jong nga. Me la wan ha nga ha ka por miet; Me la ïitbniah ïa nga nadong shadong bad men shym la shem kano kano ka jingkwah basniew hapoh jong nga.

SALM 44:21

Da shisha men jin da la shem ïa kata, namar me tip ïa ki jingmut barieh jong ngi.

PROBERB 25:22

Phin pynlong ïa u ba la thang da ka jinglehrain bad U Trai un ainong ïa phi.

JEREMAÏAH 17:10

Ma nga, U Trai, nga wad ïa ki jingmut bad nga tynjuh ïa ki dohnud jong ki briew. Nga leh ïa uwei pa uwei kat kum ka lynti ba u im, kat kum kaei kaba u leh.”

JEREMAÏAH 23:24

Ym don uba lah ban rieh ha kaba ngam lah ban ïohi ïa u. Hato phim tip ba nga don ha ki jaka baroh ha bneng bad ha khyndew?

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 6:18

khnang ba kiwei kin ym tip ba phi shahjingit — tang U Kpa jong phi, ïa uba ym lah ban ïohi, un tip. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:3

Hynrei haba phi ïarap ïa u briew uba kyrduh, leh ïa ka ha kata ka rukom ba wat u paralok bajan tam jong phi un ym tip shaphang kata.

MATHAÏOS 6:6

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

LOUKAS 14:14

bad men long uba la kyrkhu, namar kim lah ban siew kylliang ïa me. U Blei un siew pat ïa me ha ka sngi ba ki briew kiba bha ki mihpat na ka jingïap.”

LOUKAS 8:17

“Ïa kano kano kaba la buhrieh noh yn wallam shabar ha kaba paw, bad ïa kano kano kaba la tap yn sa lap bad yn sa pynpaw ha kaba shai.

1 KORINTH 4:5

Kumta phim dei ban bishar ïano ïano shuwa ba ka por kaba dei kan poi. Ka jingbishar bakhatduh ka dei ban ap tad ynda U Trai un wan; un wallam ha ka jingshai ïa ki jingbuhrieh ba-dum bad pynpaw ïa ki jingthmu barieh jong ki jingmut ki briew. Bad nangta uwei pa uwei un ïohpdiang na U Blei ïa ka jingïaroh kaba u dei hok ban ïoh.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JUDAH 1:24

Ha uta uba lah ban ri kyndong ïa phi na ka jinghap noh, bad ban wallam ïa phi kiba khlem jingduna bad kiba kmen ha khmat ka burom ka jingdon ryngkat jong u —

JINGPYNPAW 2:23

Ngan pynïap ruh ïa ki nongbud jong ka, bad nangta ki balang baroh kin tip ba nga long uta uba tip ïa ki jingmut bad ki jingkwah jong uwei pa uwei. Ngan siew kylliang ïa uwei pa uwei na pha kat kum kaei kaba u la leh.

1 SAMUEL 2:30

Ma nga, U Trai U Blei ki Israel, nga la kular mynshuwa ba ka ïing jong me bad ka kur ka jait jong me kin shakri ïa nga junom kum ki lyngdoh. Hynrei mynta ngam shah shuh ba kan long kumta. Pynban, ngan pyndonburom ïa kito kiba pyndonburom ïa nga, bad ngan ibeiñ ïa kito kiba ibeiñ ïa nga.