MATHAÏOS 6:33 - Khasi CL Bible (BSI)

³³ Hynrei, to pyrkhat nalor kiei kiei baroh ïa ka Hima U Blei bad ïa kaei kaba u dawa na phi, bad un pyndap ïa phi da kine kiei kiei baroh.

KA BAIBL

³³ Hynrei, phin ïawad shuwa ïa ka hima U Blei, bad ïa ka hok jong u: te ïa kine kiei kiei baroh, yn sa ai lang tam ha phi.

MATHAÏOS 6:33 ပူးပေါင်းရင်းမြစ်များ

1 SYIEM 17:13

“Wat khuslai” u Elijah u la ong ha ka. “Khie leit bad pynkhreh ïa ka jingbam jong phi. Hynrei nyngkong shet ïa u kpu uba rit na kaei kaba pha don bad wanrah ïa u sha nga, bad nangta sa shet ïa kaba sah na ka bynta jong pha bad ïa u khun jong pha.

SALM 112:3

Ka longïing jong u kan long kaba don ba em bad kaba riewspah; bad un roi kyrhai junom.

SALM 37:25

Nga long mynta u riewtymmen; nga la im slem bha, hynrei ngam pat ïohi ba u briew uba bha un shah iehnoh ha U Trai, lane ba ki khun jong u ba ki khrong jingbam.

SALM 37:3

Shaniah ha U Trai bad leh ïa kaba bha; shong ha ka ri, bad shongshngain.

PROBERB 10:3

U Trai um shah ïa ki briew kiba bha ban shahthngan, hynrei u khang ïa ki bymman ban ïoh ïa kaei kaba ki kwah.

PROBERB 28:10

Lada phi leh buit bymman ïa u briew uba hok ban leh ïa kaba sniew, phin hap ha la ka jong ka liewlep. Uba lui lui un ïohnong shibun.

PROBERB 8:18

Nga don ka spah bad ka burom ban ai, ka jingdap kyrhai bad ka jingjop.

EKLESIASTIS 10:2

Ka long kaba ju long ba u briew uba stad u leh ïa kaei kaba dei bad uba bieit u leh ïa ka bymdei.

ISAÏAH 26:9

Mynmiet nga thrang ïa me da ka dohnud jong nga baroh; haba me bishar ïa ka pyrthei bad ki briew jong ka, baroh kin tip kaei ka long ka jingbishar hok.

ISAÏAH 33:6

U ïada borabor ïa la ki briew bad u ai ïa ki ka jingstad bad ka jingtip. Ka jingkynshew spah bakhraw tam jong ki ka long ka jingtiengburom ïa U Trai.

ISAÏAH 45:24

“Kin ong ba dei tang lyngba jong nga yn shem ïa ka jingjop bad ka jingkhlaiñ; hynrei baroh kiba shun ïa nga kin shah pynjahburom.

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MATHAÏOS 5:6

Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

LOUKAS 1:6

Baroh ar ngut ki im ka jingim kaba bha ha khmat U Blei bad ki la kohnguh lut ïa baroh ki aiñ bad ki hukum jong U Trai.

LOUKAS 12:31

Pynban, to pyrkhat ïa ka Hima jong u, bad un pyndap ïa phi da kine kiei kiei.”

ÏOANNIS 5:4

Ki da ap ïa ka jingkhih jong ka um, namar u angel U Trai hateng hateng u ju hiar sha kata ka pungsum ban pynkhih ïa ka um. Ïa u nongpang uba nyngkong uba hiar ha ka pungsum hadien ba la pynkhih ïa ka um la pynkhiah na kano kano ka jingpang kaba u don.

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

KI KAM 20:25

“Nga la ïaid kylleng hapdeng jong phi baroh, da kaba ïalap ïa ka Hima U Blei. Bad mynta nga tip ba ym don mano mano na phi ki ban dang ïohi shuh ïa nga.

KI KAM 28:31

U la ïalap shaphang ka Hima U Blei bad u la hikai shaphang U Jisu Khrist uba U Trai, da kaba kren ha ka jingshlur bad ha ka jinglaitluid baroh.

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

Ka Shithi U Paul Sha Ki Nong Rom 10:3

Kim shym la tip ïa kata ka lynti kaba U Blei u pynlong ka jingïadei hapdeng ki briew bad ma u hi, bad pynban, ki la pyrshang ban thaw hi da la ka jong ka lynti; bad kumta kim shym la pyndem ïa lade ha ka lynti U Blei ban pynlong ka jingïadei bad ki.

Ka Shithi U Paul Sha Ki Nong Rom 14:17

Naba ka Hima U Blei kam long ha kaba bam bad kaba dih, hynrei ka long ka hok, ka jingsuk, bad ka jingkmen kiba U Mynsiem Bakhuid u ai.

Ka Shithi U Paul Sha Ki Nong Rom 8:31

Halor kane baroh, kaei kaba ngi lah ban ong? Lada U Blei u long na ka bynta jong ngi, mano ba lah ban ïaleh pyrshah ïa ngi?

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

1 KORINTH 3:22

U Paul, u Apollos, bad u Petros; kane ka pyrthei, ka jingim bad ka jingïap, ka mynta bad ka lawei — baroh kine ki long ki jong phi, bad ma phi, phi long ki jong U Khrist, bad U Khrist u long u jong U Blei.

2 KORINTH 5:21

U Khrist u la long uba khlem pop, hynrei na ka bynta jong ngi U Blei u la pynlong ïa u ban don bynta ha ka pop jong ngi khnang ba haba ngi don ha u ngin lah ban ïoh bynta na ka hok U Blei.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

2 THESSALONI 1:5

Kane baroh ka pynshisha ba ka jingbishar ka jong U Blei ka long kaba hok, bad kumta phin long kiba bit na ka bynta ka Hima jong u, kaba na ka bynta jong ka phi shahshitom.

1 TIMOTHI 4:8

Ka jingpynmlien ïa ka met ka ai katto katne ka jingbha, hynrei ka jingpynmlien ba kynja mynsiem ka pynmyntoi ha ki liang baroh, namar ka kular ïa ka jingim ha ka mynta bad ha ka lawei.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

2 PETROS 1:11

Ha kane ka rukom, phin ïoh ïa ka hok ba-pura ban rung sha ka Hima bymjukut jong U Jisu Khrist uba U Trai bad U Nongpynim jong ngi.