MATHAÏOS 6:27 - Khasi CL Bible (BSI)

²⁷ Hato uno uno na phi u lah ban im kham slem da kaba u khuslai shaphang jong ka?

KA BAIBL

²⁷ Uno te na phi, haba u da khuslai ruh, uba lah ban pyntam shi pruh ïa la ka rynïeng?

MATHAÏOS 6:27 ပူးပေါင်းရင်းမြစ်များ

EKLESIASTIS 3:14

Nga tip ba kaei kaei kaba U Blei u leh kan neh junom. Phim lah ban bynrap ei ei ha ka lane shim noh ïa kano kano na ka. Bad kawei kaba U Blei u leh ka long ban pynlong ïa ngi ban ïeng ha ka jingburom ïa u.

MATHAÏOS 5:36

Wat ym smai da ka khlieh jong phi, naba phim lah ban pynlieh lane pynïong ïa iwei i shñiuh.

MATHAÏOS 6:25

“Dei kane keiñ balei nga ong ïa phi ban ym khuslai shaphang ka jingbam bad ka jingdih kaba phi donkam ban im, lane shaphang ki jaiñ na ka bynta ka met jong phi. Nalor baroh, hato ka jingim kam kham kor shibun ban ïa ki jingbam? Hato ka met kam kham kor ban ïa ki jaiñ?

MATHAÏOS 6:28

“Bad balei phi khuslai shaphang ki jaiñ? Khmih kumno ki 'tiewkhlaw ki san: kim trei lane thain jaiñ na ka bynta ïa lade.

MATHAÏOS 6:31

“Kumta wat khuslai: ‘Nangno ka jingbam jong nga kan wan? lane ka jingdih jong nga? lane ki jaiñ jong nga?’

MATHAÏOS 6:34

Kumta wat khuslai ïa kaba lashai; kan don bun ki jingkhuslai ki jong ka hi. Ym donkam ban kynton halor ki jingjynjar ba kawei pa kawei ka sngi ka wallam.

LOUKAS 10:41

U Trai u la jubab ïa ka, “Martha, Martha! Pha la khuslai bad pha la sngew jynjar halor bun kiei kiei,

LOUKAS 12:11

“Haba ki wallam ïa phi ban shah tian bishar ha ki synagog lane ha khmat ki lyngskor lane ki nongsynshar, wat sngewkhuslai shaphang kumno phin ïasaid da ïa lade lane ïa kaei phin kren.

LOUKAS 12:22

Nangta U Jisu u la ong ha ki synran, “Bad kumta nga ong ha phi ban ym khuslai shaphang ka jingbam kaba phi donkam ban im lane shaphang ki jaiñ kiba phi donkam na ka bynta ka met jong phi.

1 KORINTH 12:18

Pynban, kumba ka long, U Blei u la buh ïa ki dkhot kiba ïapher ha ka met kumba u kwah ïa ki ba kin long.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

1 PETROS 5:7

To buh ha u ïa ki jingkhuslai jong phi baroh, namar u sumar sukher ïa phi.