MATHAÏOS 6:23 - Khasi CL Bible (BSI)

²³ hynrei lada ki khmat jong phi kim long kiba bha, ka met jong phi kan don ha ka jingdum. Kumta lada ka jingshai hapoh jong phi ka long ka jingdum, katno kan long ka jingdum kaba shyrkhei eh!

KA BAIBL

²³ Hynrei, lada ka khmat jong me ka long jngut, ka met jong me baroh kan long dum. Namar kata, lada ka jingshai kaba ha me ka long dum, kata kaba dum kaba katno!”

MATHAÏOS 6:23 ပူးပေါင်းရင်းမြစ်များ

PROBERB 26:12

U briew uba bieit mutlop tam u kham bha ban ïa uno uno uba pyrkhat ba u long uba stad haba um long kumta.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

JEREMAÏAH 4:22

U Trai u ong, “Ki briew jong nga ki long kiba mutlop; kim ithuh ïa nga. Ki long kiba bieit kum ki khynnah; kim don kano kano ka jingshemphang. Ki long kiba tbit ha kaba leh ïa kaba sniew, hynrei ki bym lah ban leh ïa kaba bha.”

MATHAÏOS 20:15

Hato ngam don ka hok ban leh katba nga sngewbit ïa la ka jong ka pisa? Ne phi ïa-bishni namar ba nga long uba sbun?’ ”

MATHAÏOS 6:22

“Ki khmat ki long kum ka sharak ïa ka met. Lada ki khmat jong phi ki bha, ka met jong phi baroh kawei kan dap da ka jingshai;

MARKOS 7:22

ban klim, ban lalot, bad leh baroh kiei kiei kiba sniew; ka jingshukor, ka jingbymdon-burom, ka jingbishni, kaba kren sniew shaphang kiwei, ka jingsarong, bad ka jingbieit —

LOUKAS 11:34

Ki khmat jong phi ki long kum ka sharak ïa ka met jong phi. Haba ki khmat jong phi ki bha, ka met jong phi baroh kawei ka dap da ka jingshai; hynrei haba ki khmat jong phi kim bha, ka met jong phi baroh kawei kan long ha ka jingdum.

LOUKAS 8:10

bad u la jubab, “Ïa ka jingtip ïa kiba rieh jong ka Hima U Blei la ai ha phi, hynrei ha kiwei pat ka wan ha ki pharshi, khnang ba ki lah ban peit hynrei kim ïohi, bad shahshkor hynrei kim shemphang.

Ka Shithi U Paul Sha Ki Nong Rom 1:22

Ki ong ba ki long kiba stad, hynrei ki long kiba bieit;

1 KORINTH 2:14

Uno uno u bym don U Mynsiem, um lah ban ïohpdiang ïa ki jingai kiba wan na U Mynsiem U Blei. Kum uta u briew da shisha um sngewthuh ïa ki; ki long ka jingbieit ha u, namar ïa ka dor jong ki lah ban bishar tang na ka nongrim kaba kynja mynsiem.

EPHESOS 4:18

Kim don bynta ha ka jingim kaba U Blei u ai, naba ki long kiba bieit tasam bad kiba eh dohnud.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

1 ÏOANNIS 2:11

Hynrei uno uno uba isih ïa la u hynmen u para u don ha ka jingdum; u ïaid ha ka bad um tip shano u leit, namar ka jingdum ka la pynmatlah ïa u.