MATHAÏOS 6:2 - Khasi CL Bible (BSI)

² “Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.

KA BAIBL

² “Namar kata, haba me leh ka jingai isynei, wat put ka ronsing ha shuwa jong me, kumba leh ki nongarsap ha ki synagog bad ha ki lynti shnong, ba kin ïoh burom na ki briew. Shisha nga ong ha phi, ki la ïoh ïa la ka nong.

MATHAÏOS 6:2 ပူးပေါင်းရင်းမြစ်များ

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 37:21

U bymman u shim kylliang, bad um ju pynphai shuh; hynrei u briew uba bha u sbun da ki jingai sngewbha jong u.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

PROBERB 20:6

Baroh ki kren shaphang katno u long uba kohnguh bad baïaineh, hynrei shu pyrshang ban wad ïa uno uno uba long kumta!

EKLESIASTIS 11:2

Buh ïa ki jingthep pisa jong phi ha ki jaka babun — wat ha kiba bun ki jaka — namar ba phim tip da lei lei ka jait jingsniewbok aïu kaba phin ïoh ha kane ka pyrthei.

ISAÏAH 10:6

Nga la phah ïa ka Assyria ban tur ïaleh ïa ka jaitbynriew bym don blei, ki briew kiba la pynbitar ïa nga. Nga la phah ïa ki ban lute, ban tuh bad ban ïuhroit ïa ki briew kum ïa u pui pui ha ki lynti.”

ISAÏAH 58:7

Ïasam lang ïa ki jingbam jong phi bad kiba thngan, bad ai jaka sah ïa kiba duk ki bym don ïing. Ai jaiñphong ïa kito ki bym don jaiñ ban phong, bad wat kyntait ban ïarap ïa la ki jong ki ba-ha-ïing.

ISAÏAH 9:17

Bad kumta U Trai un ym shah ba uno uno u samla un lait phet, bad un ym pyn-i ka jingisynei ïano ïano na ki riewkynthei bad ki khunswet, namar baroh ki briew ki long kiba khlem blei bad bymman bad kaei kaei baroh kaba ki ong ka long kaba sniew. Pynban la katta ruh ïa ka jingbitar jong U Trai yn ym pynkut, hynrei ka kti jong u kan dang ïai kner ban pynshitom.

HOSIA 8:1

U Trai u ong, “Pynsawa ïa ka jingmaham! Ki nongshun ki hiar kynsan shapoh ha ka ri jong nga kum ki pukni! Ki briew jong nga ki la pynkheiñ ïa ka jutang kaba nga la ïateh bad ki, bad ki la ïaleh pyrshah ïa ka jinghikai jong nga.

MATHAÏOS 15:7

Phi kiba arsap! A katno ka long kaba dei haba u Isaïah u la ïathuhlypa shaphang jong phi!

MATHAÏOS 16:3

Bad dang step phyrngab phi ong, ‘Kan sa slap, namar ba ka suiñbneng ka saw bad ka dum.’ Phi lah ban ïathuh lypa ïa ka jinglong ka suiñbneng da kaba khmih ïa ka sahit bneng, hynrei phim lah ban batai ïa ki dak kiba ïadei bad kine ki por!

MATHAÏOS 22:18

U Jisu pat, u la sngewthuh ïa ka jingthmu basniew jong ki, bad kumta u la ong, “Phi kiba arsap! balei phi ïapyrshang ban riam ïa nga?

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 23:6

Ki ieit ïa ki jaka bakor tam ha ki jingkhawai bad ïa ki jaka shong ba la buh kyrpang ha ki synagog;

MATHAÏOS 24:51

U kynrad un ot ïa u lyngkhot lyngkhai bad un pynlong ïa u ban ïoh bynta ïa ka kupar jong ki riewarsap. Hangta un lynñiar bad kyr-iat la ki bniat.

MATHAÏOS 5:18

To kynmaw ba katba ka bneng bad ka pyrthei ki dang sah, ym don iwei i dak iba rit tam lymne i bynta iba rit tam na ka Hukum ïa iba yn pyndam noh — ym haduh kaba kut jong kiei kiei baroh.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:3

Hynrei haba phi ïarap ïa u briew uba kyrduh, leh ïa ka ha kata ka rukom ba wat u paralok bajan tam jong phi un ym tip shaphang kata.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 7:5

Phi u riewarsap! Nyngkong eh weng noh ïa ka lyngkhot dieng na la ka khmat jong phi hi, bad nangta phin lah ban ïohi shai kdar ban khlaw ïa u thiat na ka khmat u para jong phi.

MARKOS 12:39

kiba jied ban buh jaka lypa ha ki synagog bad jied ïa ki jaka babha tam ha ki jingkhawai.

MARKOS 7:6

U Jisu u la jubab ïa ki, “A katno kaba dei ba u Isaïah u la ïathuhlypa shaphang jong phi! Phi long kiba arsap, thik kumba u la thoh: “ ‘Kine ki briew, ong U Blei, ki burom ïa nga da ki ktien jong ki, hynrei ka dohnud jong ki, ka long jngai shisha na nga.

LOUKAS 11:41

Hynrei ai ïa kaei kaba hapoh ki khuri bad ki pliang jong phi ha kiba duk, bad kiei kiei baroh kin long kiba khuid kat kum ka jinglehniam na ka bynta jong phi.

LOUKAS 11:43

“A katno kaba shyrkhei ïa phi ki Pharisi! Phi ieit ïa ki jaka shong ba la buh kyrpang ha ki synagog bad ban shah khublei da ka jingburom ha ki jaka ïew.

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 12:56

A kiba arsap! Phi lah ban khmih ïa ka khyndew bad ïa ka suiñbneng bad ïathuh lypa ïa ka jinglong ka suiñbneng; balei, te, phim tip ïa ka jingmut jong kane ka por ba mynta?”

LOUKAS 13:15

U Trai u la jubab ïa u, “Me uba arsap! Uno uno na phi un law ïa la u masi dab lane ïa la ka kada na ka sem bad ïalam shabar ban ai um ha ka sngi Sabbaton.

LOUKAS 20:46

“To sumar bha pyrshah ïa ki nonghikai ka Hukum, kiba sngewtynnat ban ïaid kylleng ha ki jaiñkup bajynsur bad kiba ieit ban ïoh jingkhublei da kaba burom ha ki jaka ïew; kiba jied ïa ki jaka ba la pynkyrpang ha ki synagog bad ïa ki jaka bakynsai tam ha ki jingkhawai;

LOUKAS 6:24

“Hynrei katno kaba shyrkhei ïa phi kiba riewspah mynta; phi la lah ïoh ïa ka jingim suk!

LOUKAS 6:42

Kumno phi lah ban ong ha u para jong phi, ‘Ko para, sngewbha shah ïa nga ban sei ïa u thiat na ka khmat jong phi,’ pynban phim lah ban ïohi ïa ka lyngkhot dieng ha la ka jong ka khmat? Phi kiba arsap! Nyngkong to shim noh ïa ka lyngkhot dieng na ka khmat jong phi, bad nangta phin lah ban ïohi shai ban sei ïa u thiat na ka khmat jong u para jong phi.

ÏOANNIS 13:29

Namar ba u Judas u long uba bat ïa ka pla pisa, don na ki synran ki la pyrkhat ba U Jisu u la ong ïa u ban leit bad thied ïa kaei kaba ki donkam na ka bynta ka Jingkhawai Niam, lane ban ai ei ei ïa kiba duk.

ÏOANNIS 5:41

“Ngam wad ïa ka jingïaroh ki briew.

ÏOANNIS 5:44

Phi sngewtynnat ban ïohpdiang jingïaroh uwei na uwei pat, hynrei phim pyrshang ban ïoh ïa ka jingïaroh na uta uba ma u hi u long U Blei; kumno, te, phi lah ban ngeit ha nga?

ÏOANNIS 7:18

U briew uba kren ha la ka jong ka bor u pyrshang ban ïoh burom na ka bynta ïa lade hi. Hynrei uba wad ïa ka burom jong uta uba la phah ïa u, u long uba shida, bad ym don ka bymshisha ha u.

KI KAM 10:2

U la long u briew uba riewblei; ma u lem bad ka longïing jong u baroh kawei ki la mane ïa U Blei. U la leh ruh shibun ban ïarap ïa ki Jiw kiba duk bad u ïai duwai ha U Blei.

KI KAM 10:31

‘Ko Kornelios! U Blei u la ïohsngew ïa ki jingduwai jong me bad u la kynmaw ïa ki kam leh-isynei jong me.

KI KAM 10:4

U la khmih shaiñ ïa u angel ha ka jingsheptieng bad u la ong, “Ka dei kaei, ko Kynrad?” U angel u la jubab, “U Blei u la sngewbha ïa ki jingduwai jong me bad ïa ki kam leh-isynei jong me, bad u kloi ban jubab ïa me.

KI KAM 11:29

Ki synran ki la kut jingmut ba uwei pa uwei na ki un phah katba lah bor ban ïarap ïa ki parabangeit kiba shong basah ha Judia.

KI KAM 24:17

“Hadien ba nga la don bun snem shabar na Jerusalem, nga la leit shata ban rah katto katne ka pisa sha ki briew jong nga bad ban ai ki jingkñia.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

Ka Shithi U Paul Sha Ki Nong Rom 12:8

lada ka long ban pynshlur ïa kiwei, ngi dei ban leh kumta. Uno uno uba ïasam bad kiwei u dei ban leh ïa kata da ka jingkylluid mynsiem; uno uno uba don ka iktiar u dei ban trei shitom; uno uno uba pyn-i ka jingsbun ïa kiwei u dei ban leh da kaba kmen.

1 KORINTH 13:3

Nga lah ban ai baroh kaba nga don, bad wat ïa ka met jong nga ïa ka ban thang — hynrei lada ngam don ka jingieit, kane kam myntoi ei ei ïa nga.

GALATIA 2:10

Baroh kaba ki kyntu ka long ba ngin kynmaw ïa kiba kyrduh ha ka kynhun jong ki, kaba nga hi ruh nga da kwah eh ban leh.

EPHESOS 4:28

U briew uba ju tuh u dei ban sangeh noh ban tuh bad to un sdang ban treikam khnang ba un kamai ïa ka jingim hok na ka bynta ïa lade bad ba u lah ban ïarap ïa kiba kyrduh.

1 THESSALONI 2:6

Ngim shym pyrshang ban ïoh jingïaroh nano nano, la ka long na phi lane na kiwei,

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

PHILEMON 1:7

Ka jingieit jong me, ko para ba-ieit, ka la wallam ïa ka jingkmen bakhraw bad jingaimynsiem bajur! Me la pynkmen ïa ki dohnud jong ki briew U Blei baroh.

HEBRU 13:16

Wat klet ban lehbha bad ïarap uwei ïa uwei pat, namar kine ki long ki jingkñia kiba pynsngewbha ïa U Blei.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

1 SAMUEL 15:30

“Nga la leh pop,” u Saul u jubab. “Hynrei la kumno kumno pyn-i ka jingñiewkor ïa nga ha khmat ki nongïalam jong ki briew jong nga bad ki Israel baroh. Ïaleit phai ryngkat bad nga, ba ngan lah ban mane ïa U Trai U Blei jong phi.”