MATHAÏOS 6:18 - Khasi CL Bible (BSI)

¹⁸ khnang ba kiwei kin ym tip ba phi shahjingit — tang U Kpa jong phi, ïa uba ym lah ban ïohi, un tip. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

KA BAIBL

¹⁸ ba kumta men ym pynpaw ha ki briew ba me shah jingit, hynrei, ha U Kpa jong me uba ha kaba rieh; bad U Kpa jong me uba ïohi ha kaba rieh un ai nong ha me ha kaba paw.”

MATHAÏOS 6:18 ပူးပေါင်းရင်းမြစ်များ

MATHAÏOS 6:4

Te kan long ka kam kaba rieh. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

MATHAÏOS 6:6

Hynrei haba phi duwai, to leit sha ka kamra jong phi, khang ïa ka jingkhang, bad duwai sha U Kpa jong phi, ïa uba ym lah ban ïohi. Bad U Kpa jong phi, uba ïohi ïa kaei kaba phi leh ha kaba rieh, un ainong ïa phi.

Ka Shithi U Paul Sha Ki Nong Rom 2:6

Naba U Blei un ainong ïa uwei pa uwei kat kum kaei kaba u la leh.

2 KORINTH 10:18

Naba ka long haba U Trai u pyrkhat bha ïa u briew, ba u briew u long uba la pdiang hun, bad ym haba u briew u pyrkhat bha shaphang ïa lade.

2 KORINTH 5:9

Pynban, palat ban ïa kaei kaei baroh, ngi kwah ban pynsngewbha ïa u, la ngi don ha kane ka ïing hangne lane hangtei.

1 PETROS 1:7

Ka jingthmu jong ki ka long ban pynshisha ba ka jingngeit jong phi ka long kaba sngur. Wat ïa ka ksiar, ïa kaba lah ban pynduh, la phrang da ka ding; bad kumta ïa ka jingngeit jong phi, kaba kham kordor shuh shuh ban ïa ka ksiar, dei ruh ban phrang, khnang ba kan lah ban shah. Te phin sa ïohpdiang ïa ka jingïaroh bad ka burom bad ka jingpyndonburom ha ka Sngi haba ïa U Jisu Khrist yn pynpaw.

1 PETROS 2:13

Na ka bynta U Trai, to pynkohnguh ïa lade ha ki bor synshar baroh: Ha u Patsha uba long ka bor kaba ha khlieh tam,