MATHAÏOS 6:16 - Khasi CL Bible (BSI)

¹⁶ “Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

KA BAIBL

¹⁶ “Haba phi shah jingit ruh, wat long kiba 'matsngewsih kum ki nongarsap; naba ki pynkynriang ïa ki khmat jong ki, ba kin pynpaw ha ki briew ba ki shah jingit. Shisha nga ong ha phi, ki la ïoh ïa la ka nong.

MATHAÏOS 6:16 ပူးပေါင်းရင်းမြစ်များ

2 SAMUEL 12:16

U Dabid u la duwai ïa U Blei ba uta u khunlung un koit. Um treh bam ei ei, bad man ka miet u rung sha la ka kamra, bad u thiah ha madan baroh shi miet.

2 SAMUEL 12:21

“Ngim shemphang satia ïa kane,” ki rangbah synshar ki ong ha u. “Katba i khunlung i dang im, phi la ïam na ka bynta jong i bad phim treh ban bam; hynrei mar ïa-ïap ma i, phi la khie joit bad phi la bam!”

1 SYIEM 21:27

Haba u Elijah u la dep kren, u Ahab u la kad ïa la ki jaiñ, u la law ïa ki bad u phong da ki jaiñ khain. Um treh bam, u thiah ha ka jaiñ khain, bad u leit phai da kaba khuslai bad rit mynsiem.

NEHEMAÏAH 1:4

Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

ESTHER 4:16

“To khie leit bad ïalumlang ïa baroh ki Jiw ha Susa; pynlong ka jingshah jingit bad duwai na ka bynta jong nga. Wat bam lane dih ei ei na ka bynta lai sngi bad lai miet. Ki shakri kynthei jong nga bad ma nga, ngin leh kumjuh. Hadien kata, ngan leit sha u syiem, wat la ka long pyrshah ïa ka aiñ. Lada ka dei ïa nga ban ïap na ka bynta kata, ai ngan ïap.”

SALM 109:24

Ki khohsiew jong nga ki tlot na ka jingduna jingbam; ngam long ei ei shuh hynrei sa tang ka snep bad ki shyieng.

SALM 35:13

Hynrei haba ki pang, nga kup da ki jaiñ khain, nga shahjingit khlem bam ïa lade; nga duwai da kaba pyndem ïa la ka khlieh shapoh,

SALM 69:10

Nga pynrit ïa lade da kaba shahjingit, bad ki briew ki rkhiebeiñ ïa nga;

DANIEL 9:3

Bad nga la duwai jur ha U Trai U Blei, da kaba ïasaid bad u, da kaba shahjingit, da kaba phong ki jaiñ khain, bad da kaba shong ha u dpei.

MALAKHI 3:14

Phi la ong, ‘Kam myntoi ban shakri ïa U Blei. Kaei ka jingmyntoi ban leh ïa kaei kaba u ong lane kaba pyrshang ban pyn-i ïa U Trai Badonbor Baroh ba ngi sngewsih na ka bynta kaei kaba ngi la leh?

MATHAÏOS 6:1

“Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

MATHAÏOS 6:2

“Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.

MATHAÏOS 6:5

“Haba phi duwai, wat long kum ki riewarsap! Ki ieit ban ïeng bad duwai ha ki synagog bad ha ki kyndong surok, khnang ba baroh kin ïohi ïa ki. Nga pynthikna ïa phi, ki la ïoh lypa ïa ka jingsiew kaba pura.

MARKOS 2:18

Ha kawei ka sien, ki nongbud jong u Ïoannis u Nongpynbaptis bad ki Pharisi ki dang ïashahjingit. Katto katne ngut ki briew ki la wan ha U Jisu bad kylli ïa u, “Balei ba ki synran jong u Ïoannis u Nongpynbaptis bad ki synran jong ki Pharisi ki shahjingit, katba ki jong me kim shahjingit?”

LOUKAS 18:12

Nga shahjingit ar sien shi taïew, bad nga ai ha me kawei na ki shiphew jong ki jingïoh jong nga baroh.’

KI KAM 10:30

U Kornelios u la ong, “Ka la long kumba ha kane ka por lai sngi mynshuwa ba nga dang duwai ha ka ïing jong nga ha ka por lai baje nohphai sngi. Kynsan u briew uba riam ha ki jaiñ kiba phyrnai u la ïeng ha khmat jong nga, bad u la ong:

KI KAM 14:23

Ha kawei pa kawei ka balang ki la thung ïa ki nongsharai balang, bad da ki jingduwai bad ka jingshah jingit ki la aiti ïa ki sha U Trai, ha uba ki la buh ïa la ka jingshaniah.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

2 KORINTH 11:27

Nga la thait na ka jingtrei shitom; bunsien ngam ju ïohthiah; nga la thngan bad sliang; bunsien ngam shym la don ka jingbam kaba biang, ka jakarieh, lane khlem jaiñkup.

2 KORINTH 6:5

La sympat ïa ngi, la set byndi, bad la shah ktah kti ha u paidbhur; ngi la trei palat bad ngi la duh thiah ne duh bam.