MATHAÏOS 6:10 - Khasi CL Bible (BSI)

¹⁰ ai ba ka Hima jong me kan wan; ai ba ka mon jong me yn leh ha ka khyndew kumba ka long ha bneng.

KA BAIBL

¹⁰ Wan ka hima jong me. Long ka mon jong me ha ka khyndew, kumba ha bneng.

MATHAÏOS 6:10 ပူးပေါင်းရင်းမြစ်များ

NEHEMAÏAH 9:6

Bad nangta ki Israel ki duwai ïa kane ka jingduwai: “Ma me, Ko Trai, tang ma me hi marwei me long U Trai; me thaw ïa ki bneng bad ki khlur jong ka sahit bneng. Me thaw ïa ka ryngkew bad ïa ka duriaw bad baroh kiba don ha ki; me ai jingim ïa baroh. Ki bor ha bneng ki dem bad ki mane ïa me.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 40:8

Katno nga ieit ban leh ïa ka mon jong me, A U Blei jong nga! nga ri kyndong ïa ka jinghikai jong me ha ka dohnud jong nga.”

ISAÏAH 2:2

Ha ki sngi ban wan u lumbah ha kaba ka Templ ka ïeng un long uba jrong tam na baroh, uba da jrong eh halor ki lumrit baroh. Kiba bun ki jaitbynriew kin tuid sha u,

JEREMAÏAH 23:5

U Trai u ong, “Ka por kan wan haba ngan jied kum u syiem ïa uba hiarpateng na u Dabid uba hok. Uta syiem u ban synshar da ka jingstad, bad u ban leh ïa kaei kaba dei bad kaba hok ha kylleng ka ri.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

SEKHARAÏAH 9:9

To kmen to shadkmen ko ki briew ka Seïon! Pyrta da ka jingkmen phi ki briew jong ka Jerusalem! Ha khmih u syiem jong phi u wan sha phi! U wan ha ka jingrisa bad ha ka jingjop, hynrei ha ka jingsngewrit bad u da shong halor ka kada — halor u khun kada.

MATHAÏOS 12:50

Uno uno uba leh ïa kaei kaba U Kpa jong nga uba ha bneng u kwah ïa u ban leh u long u para jong nga, ka para jong nga, bad ka kmie jong nga.”

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 26:42

Sa shisien U Jisu u la leit noh bad u la duwai, “Ko Kpa jong nga, lada ïa kane ka khuri ka jingshah shitom ym lah ban shim noh lymda nga dih ïa ka, ïa ka mon jong me yn leh.”

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 4:17

Naduh kata ka por U Jisu u la sdang ban ïalap ïa ka khubor jong u: “To phai noh na ki pop jong phi, namar ka hima ki bneng ka la jan!”

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MARKOS 11:10

U Blei u kyrkhu ïa ka jingwan ka hima jong u syiem Dabid, u kpa jong ngi! Ïaroh ïa U Blei!”

MARKOS 3:35

Uno uno uba leh ïa kaei kaba U Blei u kwah ïa u ban leh, u long u para jong nga, ka para jong nga, ka kmie jong nga.”

LOUKAS 19:11

Katba ki briew ki dang shahshkor ïa kane, U Jisu u la bteng bad u la ïathuh ïa ka pharshi ha ki. U la jan poi artat ha Jerusalem, bad ki la tharai ba ka Hima U Blei ka la jan paw.

LOUKAS 19:38

“U Blei u kyrkhu ïa u syiem uba wan ha ka kyrteng jong U Trai! Ka jingsuk ha ki bneng bad ka burom ïa U Blei!”

LOUKAS 22:42

“Ko Pa,” u la ong, “lada me mon, shim noh na nga ïa kane ka khuri ka jingshah shitom. Ym ïa ka mon jong nga, pynban, ïa ka mon jong me yn pyndep.”

ÏOANNIS 4:34

“Ka jingbam jong nga,” U Jisu u la ong ha ki, “ka long ban kohnguh ïa ka mon jong uta uba la phah ïa nga bad ban pyndep ïa ka kam kaba u la ai ha nga ban leh.

ÏOANNIS 6:40

Naba kaei kaba U Kpa jong nga u kwah, ka long ba baroh kiba ïohi ïa U Khun bad ngeit ha u, ki dei ban ïoh ïa ka jingim bymjukut. Bad ngan pynmihpat ïa ki ha ka sngi kaba khatduh.”

ÏOANNIS 7:17

Uno uno uba mon ban leh ïa kaei kaba U Blei u kwah, un tip la kaei kaba nga hikai ka wan na U Blei ne la nga kren ha ka bor jong nga hi.

KI KAM 13:22

Hadien ba la weng noh ïa u, U Blei u la pynlong ïa u Dabid ban long u syiem jong ki. Kane ka long kaei kaba U Blei u la ong shaphang jong u: ‘Nga la shem ba u Dabid u khun jong u Jesse, u long u jait briew uba nga sngewbha, u briew u ban leh ïa baroh kaba nga kwah ïa u ban leh.’

KI KAM 21:14

Ngim shym lah ban pynkohnguh ïa u, kumta ngi la sangeh noh bad ngi la ong, “Ai ba yn leh ïa ka mon jong U Trai.”

KI KAM 22:14

U la ong, ‘U Blei jong ki kpa tymmen jong ngi, u la jied ïa me ban tip ïa ka mon jong u, bad ban ïohi ïa U Shakri bahok jong u, bad ban ïohsngew ïa u ba u kren ha ka sur jong u hi.

Ka Shithi U Paul Sha Ki Nong Rom 12:2

To wat pynïasyriem ïa lade bad ki rukom jong kane ka pyrthei, hynrei to ai ba U Blei un pynkylla dur ïa kaba shapoh jong phi da ka jingpynkylla ïa ka jingmut jingpyrkhat jong phi baroh. Te phin lah ban tip ïa ka mon U Blei — kaei kaba bha bad kaba pynsngewbha ïa u bad kaba janai.

EPHESOS 6:6

Leh ïa kane ym tang haba ki khmih ïa phi, namar ba phi kwah ban ïoh ka jingmynjur jong ki; hynrei, leh naduh ka dohnud baroh ïa kaei kaba U Blei u kwah, kum ki mraw U Khrist.

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

KOLOSSAI 1:9

Na kane ka daw, ngi ju duwai borabor na ka bynta jong phi, naduh ba ngi la ïohsngew shaphang jong phi. Ngi kyrpad ïa U Blei ban pyndap ïa phi da ka jingtip ïa ka mon jong u, da ka jingstad baroh bad ka jingshemphang ba U Mynsiem jong u, u ai.

1 THESSALONI 4:3

U Blei u kwah ïa phi ban long kiba khuid bad kiba lait phar na ka jingjakhlia ka jingawria.

1 THESSALONI 5:18

to long kiba sngewnguh ha kiei kiei baroh. Kane ka long kaei kaba U Blei u kwah na phi ha ka jingim jong phi ha U Khrist Jisu.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 10:36

Phi donkam ban long kiba ïaishah, khnang ba phi lah ban leh ïa ka mon U Blei bad ïohpdiang ïa kata kaba u kular.

HEBRU 10:7

Te nga la ong, ‘Nga hangne, ban leh ïa ka mon jong me, A Blei, kumba la thoh shaphang jong nga ha ka kitab ka Hukum.’ ”

1 PETROS 2:15

Naba U Blei u kwah ïa phi ban pynsngap jar ïa ka jingkren khlem pyrkhat jong ki briew kiba bieit da ki kam babha ba phi leh.

1 PETROS 4:2

Naduh mynta, te, phi dei ban im ïa kaba sah jong ka jingim ha kane ka pyrthei, ka jingim ba la synshar da ka mon U Blei bad ym da ki jingkwah jong ka doh.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 12:10

Nangta nga la ïohsngew ïa ka sur bajam ha bneng kaba ong, “Mynta ka jingpynim jong U Blei ka la wan! Mynta U Blei u la pyn-i ïa ka bor jong u kum u Syiem! Mynta U Messaïah jong u, u la pyn-i ïa la ka bor! Naba ïa uta uba la ïeng ha khmat jong U Blei jong ngi bad uba la mudui ïa ki hynmen ki para jong ngi mynsngi bad mynmiet la bret shabar jong ka bneng.

JINGPYNPAW 19:6

Nangta nga la ïohsngew ïa kaei kaba sawa kum u paid uba bun, kum ka jingsawa jong ka jingkyrhuh jong ka kshaid, kum ki jingtied jam jong u pyrthat. Nga la ïohsngew ïa ki ba ki ong, “To ïaroh ïa U Blei! Naba U Trai, U Blei Badonbor Baroh jong ngi, u long U Syiem!

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.