MATHAÏOS 6:1 - Khasi CL Bible (BSI)

¹ “Da pynthikna ba phin ym leh ïa ki kam niam jong phi ha kaba paw khnang ba ki briew kin ïohi ïa kaei kaba phi leh. Lada phi leh ïa kine kiei kiei ha kaba paw, phin ym ïoh kano kano ka nong na U Kpa jong phi uba ha bneng.

KA BAIBL

¹ “To sumar ban ym leh ïa ka babha jong phi ha khmat ki briew, khnang ba kin khmih ïa phi: lymda kumta, phim don nong ha U Kpa jong phi uba ha bneng.

MATHAÏOS 6:1 ပူးပေါင်းရင်းမြစ်များ

2 SYIEM 10:16

da kaba ong, “Wan bad nga bad khmih da lade haduh katno nga long uba la aiti ha U Trai.” Bad ki la ïashong lang haduh Samaria.

2 SYIEM 10:31

Hynrei u Jehu um shym la kohnguh da ka dohnud baroh ïa ka aiñ jong U Trai, U Blei ki Israel; pynban u la bud ïa ka jingleh jong u Jeroboam, uba la ïalam ïa ki Israel ban leh pop.

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

ESEKIEL 33:31

Kumta ki briew jong nga ki ïawan paidbah ban sngap aïu me don ban ong, hynrei kim leh satia ïa kaei kaba me ong ïa ki ba kin leh. Ki ktien ieit ki long ha ki rymmiang shyntur jong ki, hynrei ki ïai bteng ha ki rukom khwan myntoi jong ki.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

SEKHARAÏAH 7:5

U la ong, “Ïathuh ïa ki briew jong ka ri bad ïa ki lyngdoh ba haba ki shahjingit bad ïambriew ha u bnai basan bad bahynñiew ha kine ki hynñiewphew snem, kam shym dei ha ka jingñiewburom ïa nga.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 16:6

U Jisu u la ong ha ki, “To sumar; to phikir ïa lade pyrshah ïa u thiat ki Pharisi bad ki Saddusi.”

MATHAÏOS 23:13

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi khang ïa ka jingkhang sha ka Hima ki bneng na khmat ki briew, hynrei ma phi da lade hi phim leit rung shapoh, lymne ba phi shah shapoh ïa kito kiba pyrshang ban rung!

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 5:16

Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

MATHAÏOS 5:46

Balei U Blei un ainong ïa phi lada phi ieit tang ïa ki briew kiba ieit ïa phi? Wat ki nonglum khajna ki leh ïa kata!

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 11:35

Pynthikna, te, ba ka jingshai hapoh jong phi kam dei ka jingdum.

LOUKAS 12:1

Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki.

LOUKAS 12:15

Bad u la ïai kren ha ki baroh, “To khmih bha bad sumar ïa lade na kano kano ka jait jinglalot; namar ba ïa ka jingim bashisha jong u briew ym shym la pynlong da kiei kiei kiba u don, kam pher haduh katno u lah ban long uba riewspah.”

LOUKAS 16:15

U Jisu u la ong ha ki, “Phi long kita kiba pynlong ïa lade ban ibiang ha ka jingkhmih jong kiwei ki briew, hynrei U Blei u tip ïa ka dohnud jong phi. Naba kiei kiei baroh ïa kiba la ñiewkordor shikatdei eh da u briew, ki long ki bymdondor ei ei ruh em ha ka jingkhmih U Blei.

ÏOANNIS 12:43

Ki ieit ïa ka jingpynksan u briew ban ïa ka jingpynksan na U Blei.

ÏOANNIS 5:44

Phi sngewtynnat ban ïohpdiang jingïaroh uwei na uwei pat, hynrei phim pyrshang ban ïoh ïa ka jingïaroh na uta uba ma u hi u long U Blei; kumno, te, phi lah ban ngeit ha nga?

KI KAM 3:12

Haba u Petros u la ïohi ïa ki paidbah, u la ong ha ki, “Ko para Israel, balei phi ïakyndit ha kane, bad balei ba phi peit seh ïa ngi? Hato phi pyrkhat ba ka dei da ka bor jong ngi hi lane da ka jingriewblei jong ngi hi ba ngi la pynlong ïa une u briew ban ïaid?

GALATIA 6:12

Ki briew kiba pyrshang ban pynbor ïa phi ban otsher ki dei kito kiba kwah ban pynpaw bad kob ïa ki kam kiba paw shabar. Ki leh ïa ka, la kumno kumno, tang ban lait na ka jingshah pynshitom beiñ na ka bynta ka diengphna U Khrist.

DEUTERONOMI 24:13

pynphai pat ïa ka sha u man la ka janmiet ba un ïoh kup thiah da ka. Te un sngewnguh ïa phi, bad U Trai U Blei jong phi un sngewbha ïa phi.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 2:1

Namar kata ngi dei ban kham batskhem ïa kita ki jingshisha ïa kiba ngi la ïohsngew, kumta ba ngin ym shah rong noh.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

2 ÏOANNIS 1:8

To phin sumar ïa lade, namarkata, khnang ba phin ym duh noh ïa kaei kaba ngi, ngi la trei, hynrei phin ïohpdiang ïa ka bainong kaba pura.