MATHAÏOS 5:9 - Khasi CL Bible (BSI)

⁹ Suk kito kiba trei na ka bynta ka jingsuk; U Blei un khot ïa ki, ki khun jong u!

KA BAIBL

⁹ “Suk ki bapynïasuk: naba yn khot ïa ki, ‘ki khun U Blei.’

MATHAÏOS 5:9 ပူးပေါင်းရင်းမြစ်များ

1 KHRONIKL 12:17

U Dabid u leit ïakynduh ïa ki bad u ong, “Lada phi la wan kum ki paralok ban ïarap ïa nga, nga pdiang sngewbha ïa phi hangne. Ïasoh bad ngi! Hynrei lada phi mut ban die ïa nga ha ki nongshun jong nga, wat la ngam shym la pyrshang ban pynmynsaw ïa phi, U Blei jong ki kpa tymmen jong ngi un tip ïa kata bad un pynshitom ïa phi.”

SALM 120:6

Nga la shong slem eh bad ki briew kiba isih ïa ka jingsuk!

SALM 34:12

Hato phi kwah ban lehkmen ha ka jingim? Hato phi kwah ban im slem bad im suk?

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

MATHAÏOS 5:48

Phi dei ban long kiba janai — kumba U Kpa jong phi uba ha bneng u long uba janai!

LOUKAS 20:36

Kin long kum ki angel bad kim lah ban ïap. Ki long ki khun jong U Blei, naba ki la mihpat na kaba ïap.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

KI KAM 7:26

Ha ka sngi kaba bud u la ïohi ar ngut ki Israel kiba dang ïashoh, bad u la pyrshang ban pynïasuk ïa ki u da ong, ‘Shahshkor, ko rangbah,’ u la ong, ‘phi ïalong para Israel; balei ba phi ïashoh kumne?’

Ka Shithi U Paul Sha Ki Nong Rom 12:18

To leh ïa kiei kiei baroh katba phi lah ban im ha ka jingïasuk bad ki briew baroh.

Ka Shithi U Paul Sha Ki Nong Rom 8:14

Kito ïa kiba la ïalam da U Mynsiem U Blei, ki long ki khun U Blei.

Ka Shithi U Paul Sha Ki Nong Rom 8:16

U Mynsiem jong U Blei u pynïasoh lang ïa lade bad ki mynsiem jong ngi ban pynbna ba ngi long ki khun jong U Blei.

Ka Shithi U Paul Sha Ki Nong Rom 8:19

Ki jingthaw baroh ki ap da ka jingthrang hir hir ba U Blei un pynpaw ïa ki khun jong u.

1 KORINTH 6:6

Pynban, uwei u parabangeit u leit sha ka ïingbishar pyrshah ïa uwei pat bad u ailad ïa u bymngeit ban bishar ïa ka kam!

2 KORINTH 13:11

Bad mynta, ko parabangeit jong nga, khublei! To ïabeh sha ka jingjanai; to shahshkor ïa ki jingkyrpad jong nga, to don kajuh ka jingmut para ma phi, to ïa-im ha ka jingsuk. Bad U Blei ka jingieit bad ka jingsuk un long ryngkat bad phi.

2 KORINTH 5:20

Hangne ngi don, namarkata, da kaba kren na ka bynta U Khrist, la kumba U Blei hi da lade u kyrpad lyngba jong ngi. Ngi kyrpad na ka bynta U Khrist: To ai ba U Blei un pynkylla ïa phi na ki nongshun sha ki paralok jong u!

GALATIA 5:22

Hynrei U Mynsiem u pynmih ïa ka jingieit, ka jingkmen, ka jingsuk, ka jingïaishah, ka jinglehsbun, ka jingbha, ka jingïaineh, ka jingsngewrit, bad ka bor halor lade.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

PHILIPPI 4:2

Nga sngewbha ban kyrpad ïa ka Ïuodia bad ka Suntukhi, ban pyrshang ban ïamynjur kum shi para ha U Trai.

KOLOSSAI 3:13

To ïaishah iwei ïa iwei pat, bad ïamap iwei ïa iwei pat ha man ba uno uno na phi u don ka jingmudui pyrshah ïa uno uno uwei pat. Phi dei ban ïamap iwei ïa iwei pat kumba U Trai u la map ïa phi.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.