MATHAÏOS 5:7 - Khasi CL Bible (BSI)

⁷ Suk kito kiba isynei ïa kiwei pat; U Blei un isynei ïa ki!

KA BAIBL

⁷ “Suk ki ba-isynei: naba yn isynei ïa ki.

MATHAÏOS 5:7 ပူးပေါင်းရင်းမြစ်များ

2 SAMUEL 17:28

Ki la wanrah ki pliang, ki khra, bad ki jaiñkup thiah, bad ki jingbam ruh ïa u Dabid bad ki rangbah jong u: u kew, u barli, u 'purew, u kew sdieh, u rymbai, u motor, ka ngap, ka ktung dud, ka malai, bad katto katne ki langbrot. Ki tip ba u Dabid bad ki rangbah jong u ki la thngan, ki la sliang, bad ki la thait ha ka ri khlaw.

2 SAMUEL 22:26

A Trai, me long uba ïaineh ha kito kiba ïaineh ha me; bad uba bha nadong shadong ha kito kiba janai.

SALM 112:4

Ka jingshai ka tyngshaiñ ha kaba dum na ka bynta ki briew kiba bha, na ka bynta kito kiba dap da ka jingisynei, kiba bha sbun bad kiba hok.

SALM 112:9

U ai kylluid ïa kiba kyrduh, bad ka jingbhasbun jong u kam ju duh; un long uba donbor bad uba ïoh burom.

SALM 18:25

A Trai, me long uba ïaineh ha kito kiba ïaineh ha me; uba bha nadong shadong ïa kito kiba janai.

SALM 37:26

Ha ki por baroh u ai ei bad u ai kylliang sha kiwei, bad ki khun ki kti jong u ki long ka jingkyrkhu.

PROBERB 11:17

Phi myntoi ïa lade haba phi bha sbun. Haba phi leh ki kam runar, phi pynmynsaw hi ïa lade.

PROBERB 11:25

Long kiba sbun, bad phin manbha. Ïarap ïa kiwei, bad yn ïarap ïa phi.

PROBERB 14:21

Lada phi kwah ban long kiba kmen, to lehsbun ïa kiba duk; ka long ka pop ban ñiewbeiñ ïano ïano.

PROBERB 19:17

Haba phi ai ha kiba duk, ka long kumba phi ai kylliang sha U Trai, bad U Trai un sa siew pat ïa phi.

ISAÏAH 57:1

Ki briew kiba bha ki ïap, bad ym don uba sngewthuh lane wat ban suidñiew. Hynrei haba ki ïap, yn ym don jingjynjar shuh ki ban ktah ïa ki.

DANIEL 4:27

Kumta te, ko Syiem Kynrad, to bud ïa ka jingai jingmut jong nga. Sangeh ban leh pop, to leh ïa kaba dei, bad to sngewsynei ïa kiba duk. Te phin ïailong uba manbha.”

HOSIA 1:6

Ka Gomer ka la kha ïa i khun ba ar — ha kane ka por da i kynthei. U Trai u la ong ha u Hosia, “Pynkyrteng ïa ka, ‘ka Lo-Ruhamah’ namar ngan ym pyn-i jingieit shuh ïa ki briew ka Israel, lane map ïa ki.

HOSIA 2:1

Kumta khot ïa ki para Israel “Ki briew jong U Blei” bad “kiba ieit da U Trai.”

HOSIA 2:23

Ngan pynlong skhem ïa ki briew jong nga ha ka ri bad ngan pynmanbha ïa ki. Ngan pyn-i jingieit ïa kito kiba la ju khot “Lo-Ruhamah,” bad ïa kito kiba la ju khot “Lo-ammi” ngan sa ong, “Phi long ki briew jong nga,” bad kin jubab, “Me long U Blei jong ngi.”

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MARKOS 11:25

Bad haba phi ïeng bad duwai, to map ïa kaei kaei kaba phi lah ban don pyrshah ïano ïano, khnang ba U Kpa jong phi uba ha bneng un map ïa ki jingleh bymdei kiba phi la leh.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

Ka Shithi U Paul Sha Ki Nong Rom 11:30

Na ka bynta jong phi ki Jentil, phim shym kohnguh ïa U Blei mynshuwa; hynrei mynta phi la ïohpdiang ïa ka jingisynei U Blei namar ki Jiw ki la long ki bymkohnguh.

1 KORINTH 7:25

Mynta, ïa kaei kaba phi la thoh shaphang ki briew ki bym pat shongkurim: Ngam don ka hukum na U Trai, hynrei nga ai ïa la ka jingmut kum uwei uba da ka jingisynei U Trai nga long uba lah ban shaniah.

2 KORINTH 4:1

U Blei ha ka jingisynei jong u, u la ai ha ngi ïa kane ka kam ban trei, bad kumta ngim shym la noh mynsiem.

EPHESOS 4:32

Pynban, to lehsbun bad long jemnud iwei ïa wei pat, bad to ïamap iwei ïa iwei pat, kumba U Blei u la map ïa phi ha U Khrist.

KOLOSSAI 3:12

Phi long ki briew jong U Blei; u la ieit bad jied ïa phi na ka bynta jong u hi. Kumta te, phi dei ban kup ïa lade da ka jingsngewsynei, ka jingbhasbun, ka jingsngewrit, ka jingjemnud, bad ka jingïaishah.

1 TIMOTHI 1:13

Hynrei U Blei u la leh-isynei ïa nga namar ngam pat shym la don ka jingngeit bad kumta ngam shym tip ïa kaei kaba nga la leh.

1 TIMOTHI 1:16

hynrei U Blei u la leh-isynei ïa nga khnang ba U Khrist Jisu un ïoh pynpaw ïa ka jingïaishah slem jong u ha kaba ïadei bad nga, uba sniew tam na kiba pop, kum ka nuksa ïa kito baroh ki ban sa ngeit ïa u hadien bad ïohpdiang ïa ka jingim bymjukut.

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

HEBRU 6:10

U Blei um dei uba bishar bymhok. Un ym klet ïa ka kam kaba phi la leh lane ïa ka jingieit kaba phi la pynpaw na ka bynta jong u da ka jingïarap kaba phi la ai bad dang ïai ïarap ïa ki parabangeit.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 3:17

Hynrei ka jingstad kaba wan najrong nyngkong eh ka long kaba sngur; ka long kaba pynïashong suk, kaba jemnud bad kaba pynlong paralok; ka dap da ka jinglehisynei bad ka pynmih ïa ka jingseisoh ha ki kam babha; ka lait na ka jingshah shiliang bad ka jingarsap.

1 PETROS 2:10

Ha kawei ka por phim shym la long ki briew jong U Blei, hynrei mynta phi long ki briew jong u; ha kawei ka por phim shym la tip ïa ka jinglehisynei U Blei, hynrei mynta phi la ïohpdiang ïa ka jinglehisynei jong u.