MATHAÏOS 5:6 - Khasi CL Bible (BSI)

⁶ Suk kito kiba ka jingangnud bakhraw tam jong ki ka long ban leh ïa kaei kaba U Blei u dawa; U Blei un pynhun jrut ïa ki!

KA BAIBL

⁶ “Suk ki bathngan bad ki basliang ïa ka hok: naba yn pyndap ïa ki.

MATHAÏOS 5:6 ပူးပေါင်းရင်းမြစ်များ

SALM 107:9

U la pynhun ïa kito kiba sliang bad pyndap ïa kiba thngan da kiei kiei kiba bha.

SALM 145:19

U pyndap ïa ki jingdonkam jong kito kiba pyndonburom ïa u; u sngew ïa ki jingkyang jong ki bad u pynim ïa ki.

SALM 17:15

Hynrei nga, ngan ïohi ïa me, namar ngam shym leh kaei kaei kaba bakla; bad haba nga kyndit, ka jingdon ryngkat ka jong me kan pyndap ïa nga da ka jingkmen.

SALM 63:5

Ka mynsiem jong nga kan bam bad ïoh jinghun, bad ngan rwai ïa me ki jingrwai ïaroh bakmen.

SALM 65:4

Suk kito kiba me la jied, kito kiba me la wallam ban shong ha ka jaka kyntang jong me. Yn pynkdang ïa ngi da kiei kiei kiba bha jong ka ïing jong me, ki jingkyrkhu jong ka Templ bakyntang jong me.

SALM 84:2

A katno nga kwah hir hir ban don hangta! nga thrang dik dik ban don ha ka Templ U Trai. Da ka dohnud jong nga bad ka doh jong nga nga rwai da kaba kmen ha U Blei uba im.

PROBERB 10:24

Kiba hok ki ïoh ïa kaei kaba ki thrang, hynrei ki riewbymman ki ïoh ïa kata kaba ki sheptieng eh.

PROBERB 21:21

Lehsbun bad lehhok bad phin im slem; kiwei kin burom ïa phi bad kin lehbha ïa phi.

JINGRWAI SOLOMON 5:1

Nga la rung sha ka kper jong nga, ko ba-ieit thep mynsiem jong nga, ko nongleitkurim jong nga. Nga la lum ïa ki musla bad ka mirr jong nga; nga bam ïa ka ngap bad ka rewngap jong nga; nga dih ïa ka waiñ bad ka dud jong nga. To bam, ko ki nongphylliew jingieit, to dih tad haduh ba phin da buaid da ka jingieit.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

ISAÏAH 41:17

“Haba ki briew jong nga ha ka jingkyrduh jong ki, ki wad um, haba ki pdot jong ki, ki la tyrkhong da ka jingsliang, Te nga, U Trai, ngan jubab ïa ki jingduwai jong ki; nga, U Blei jong ki Israel, ngan ym iehnoh ïa ki da lei lei.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

ISAÏAH 65:13

Bad kumta ngan ïathuh ïa phi ba kito kiba mane bad kohnguh ïa nga kin ïoh kyrhai ban bam ban dih, hynrei phi phin thngan bad phin sliang. Ma ki kin shadkmen hynrei ma phi phin jahburom.

ISAÏAH 66:11

Phin ïoh leh sngewbha ha ka jingdap kyrhai jong ka, kum i khunlung ha ka shadem ka kmie jong i.

JEREMAÏAH 31:25

Ngan pynthymmai bor ïa kito kiba la thait bad pynhun da ka jingbam ïa baroh kiba la tlot na ka jingthngan.

LOUKAS 1:53

U la pyndap ïa kiba thngan da kiei kiei kiba bha, bad u la phah noh thylli ïa kiba riewspah.

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

LOUKAS 6:25

Katno kaba shyrkhei ïa phi kiba pahuh mynta; phin sa thngan! Katno kaba shyrkhei ïa phi kiba rkhie mynta; phin sngewsih bad phin ïam!

ÏOANNIS 4:14

Ka um ïa kaba ngan ai ha u kan long ha u ka umpohliew ka ban pynïoh ïa u da ka um kaba ai jingim bad ai ha u ïa ka jingim bymjukut.”

ÏOANNIS 6:27

Wat trei na ka bynta ka jingbam ka ban sa sniew; pynban, trei na ka bynta ka jingbam ka ban neh sha ka jingim bymjukut. Kane ka long ka jingbam kaba U Khun U Briew un ai ha phi, namar ba U Blei uba U Kpa, u la sngewbha ban shonshab ha u.”

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.

JINGPYNPAW 7:16

Lano lano ruh kin ym thngan ne kin ym sliang; ka sngi lymne ka jingshit kyr-ang kan ym thang ïa ki, namar U Khunlangbrot, uba don hapdeng jong ka khet, un long u nongaplangbrot jong ki, bad un ïalam ïa ki sha ki umpohliew jong ka um ba ai jingim. Bad U Blei un ñiad noh ïa ki ummat baroh na ki khmat jong ki.”