MATHAÏOS 5:45 - Khasi CL Bible (BSI)

⁴⁵ khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

KA BAIBL

⁴⁵ ba phin ïoh long ki khun U Kpa jong phi uba ha bneng: naba u pynmih ïa ka sngi jong u ha ki basniew bad ha ki babha, u phah ruh ïa u slap ha ki bahok bad ha ki bymhok.

MATHAÏOS 5:45 ပူးပေါင်းရင်းမြစ်များ

Ka Kitab U Job 25:3

Hato don mano mano ba lah ban ñiew ïa ki angel kiba shakri ïa u? Hato don kano kano ka jaka kaba ka jingshai U Blei kam lah ban tyngshaiñ?

SALM 145:9

U long uba bha ïa baroh bad u don ka jingsngewsynei ïa baroh kiba u la thaw.

JEREMAÏAH 5:24

Phim ju pyrkhat da lei lei ban pyndonburom ïa nga, wat la nga phah ïa u slap synrai bad ïa u slap pyrem bad ai ha phi ïa ka aïom ot man la ka snem.

MATHAÏOS 5:9

Suk kito kiba trei na ka bynta ka jingsuk; U Blei un khot ïa ki, ki khun jong u!

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

ÏOANNIS 13:35

Lada phi don ka jingieit iwei ïa iwei, te baroh kin tip ba phi long ki synran jong nga. Kumba nga la ieit ïa phi, kumta phi dei ban ieit iwei ïa iwei.”

KI KAM 14:17

Hynrei u la ïai ai ka sakhi ïa ka jingdon jong u da kiei kiei kiba bha kiba u leh: U ai ha phi ïa u slap na sahit bneng bad ïa ki jingthung ha ki por babiang; u ai ha phi ka jingbam bad u pyndap ïa ka dohnud jong phi da ka jingkmen.”

EPHESOS 5:1

Namar phi long ki khun kiba ieit eh jong U Blei, phi dei ban long kum ma u.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

1 ÏOANNIS 3:9

Uno uno uba long u khun jong U Blei, um ïai leh pop, naba ka jinglong blei batynrai jong U Blei hi ka don ha u; bad namar U Blei u long u Kpa jong u, um lah ban ïai bteng ban leh pop.