MATHAÏOS 5:4 - Khasi CL Bible (BSI)

⁴ Suk kito kiba sngewsih; U Blei un pyntngen ïa ki!

KA BAIBL

⁴ “Suk ki basngewsih: naba yn pyntngen ïa ki.

MATHAÏOS 5:4 ပူးပေါင်းရင်းမြစ်များ

ISAÏAH 12:1

Ka sngi ka wan ha kaba ki briew kin rwai, “Nga ïaroh ïa me A Trai! Me la bitar ïa nga, hynrei mynta me pyntngen ïa nga bad mem bitar shuh ïa nga.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 30:19

Ko phi ki briew kiba shong basah ha Jerusalem phin ym ïam shuh lano lano ruh. U Trai u long uba sngewsynei, bad haba phi kyang sha u ban ïoh jingïarap, un jubab ïa phi.

ISAÏAH 35:10

Kin poi sha Jerusalem da ka jingkmen, kin rwai bad kin pyrta da ka jingkmen. Kin long kiba kmen junom, kiba la lait junom na ka jingsngewsih bad ka jingpangnud.

ISAÏAH 57:18

“Nga la ïohi kumno ki im, hynrei ngan pynkhiah pat ïa ki. Ngan ïalam ïa ki bad ïarap ïa ki, bad ngan pyntngen ïa kito kiba ïam sngewsih.

ISAÏAH 66:10

To shadkmen bad ka Jerusalem; to lehkmen na ka bynta jong ka, phi baroh kiba ieit ïa kane ka nongbah! To shadkmen bad ka, mynta phi baroh kiba la ïam pangnud na ka bynta jong ka!

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ESEKIEL 7:16

Ki don ki ban phet ïap sha ki lumbah kumba ki lyngdkhur kiba sheptieng na ki jaka them. Baroh na ki kin ïam sngewsih namar ki pop jong ki.

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

SEKHARAÏAH 12:10

“Ngan pyndap ïa ki khun ki ksiew jong u Dabid bad ïa kiwei pat ki briew jong ka Jerusalem da ka mynsiem ka jingisynei bad ka mynsiem ka jingduwai. Kin ïakhmih ha uta ïa uba ki la dung pynïap, bad kin ïambriew na ka bynta jong u kum kito kiba ïambriew na ka bynta i khun marwei. Kin ïambriew kthang eh, kum kito kiba la duh noh ïa u khun nyngkong jong ki.

LOUKAS 16:25

“Hynrei, u Abraham u la ong, ‘To kynmaw, ko khun jong nga, ba ha ka por ka jingim jong me la ai ha me ïa baroh kiei kiei kiba bha, katba u Lasaros u la ïohpdiang ïa kiei kiei baroh kiba sniew. Hynrei mynta u lehkmen ïa lade hangne, katba me don ha ka jingshitom.

LOUKAS 6:21

Suk ma phi kiba thngan mynta; yn pyndap ïa phi! Suk ma phi kiba ïam mynta; phin rkhie!

LOUKAS 6:25

Katno kaba shyrkhei ïa phi kiba pahuh mynta; phin sa thngan! Katno kaba shyrkhei ïa phi kiba rkhie mynta; phin sngewsih bad phin ïam!

LOUKAS 7:38

bad ka la ïeng hadien jong U Jisu, hajan ki kjat jong u, ka da ïam bad ka da pynjhieh ïa ki kjat jong u da ki ummat jong ka. Nangta ka la ñiad pynrkhiang ïa ki kjat jong u da u shñiuh jong ka, ka la doh ïa ki, bad ka la theh ïa ka jingsleh ba-iwbih halor jong ki.

LOUKAS 7:50

Hynrei U Jisu u la ong ha kata ka briew, “Ka jingngeit jong pha ka la pynim ïa pha; khie leit ha kaba suk.”

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JINGPYNPAW 21:4

Un ñiad noh ïa ki ummat baroh na ki khmat jong ki. Yn ym don shuh ka jingïap, ym don shuh ka jingsngewsih lane ka jingïam lane ka jingpang. Kiei kiei kiba rim ki la jah noh.”