MATHAÏOS 5:37 - Khasi CL Bible (BSI)

³⁷ Shu ong ‘Ho-oid’ lane ‘Em’ — kano kano kawei pat kaba phi ong ka wan na Uta uba Sniew.

KA BAIBL

³⁷ Hynrei, ka ktien jong phi to ai ba kan long kaba, ‘Ho-oid, Ho-oid’; kaba, ‘Em, Em’: naba, kaba tam na kita ka long na ka basniew.”

MATHAÏOS 5:37 ပူးပေါင်းရင်းမြစ်များ

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 13:38

ka lyngkha ka long ka pyrthei; u symbai babha u long ki briew kiba long ki jong ka Hima; ki ñiut ki long ki briew kiba long ki jong Uta u Basniew;

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

MATHAÏOS 5:36

Wat ym smai da ka khlieh jong phi, naba phim lah ban pynlieh lane pynïong ïa iwei i shñiuh.

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

ÏOANNIS 17:15

Ngam kyrpad ba men shim noh ïa ki na ka pyrthei, hynrei nga da kyrpad ba men ri kyndong ïa ki na uta u bymman.

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

EPHESOS 4:25

Nangta, ym don shuh ka jinglamler! Uwei pa uwei u dei ban kren ïa ka jingshisha ha la u parabangeit, namar baroh ngi long ki dkhot ba ïalong lang ha ka met U Khrist.

EPHESOS 6:16

Ha ki por baroh to bat ïa ka jingngeit kum ka stieh; naba da ka phi lah ban pynlip ïa ki sum bameh ding baroh jong u bymman.

KOLOSSAI 3:9

Wat ïa-lamler iwei ïa iwei pat, naba phi la loit noh ïa ka jinglong barim lem bad ki jingmlien jong ka bad ba phi la kup ïa ka jinglong bathymmai.

KOLOSSAI 4:6

Ka jingkren jong phi ka dei ban long borabor kaba sngewbang bad kaba sngewtynnat, bad phi dei ban tip kumno ban ai ka jubab kaba dei ha uwei uwei baroh.

2 THESSALONI 3:3

Hynrei U Trai u long uba ïaineh, bad un pynshaitbor ïa phi bad ri sumar ïa phi na Uta u Basniew.

JAKOB 5:12

Nalor kine baroh, ko parabangeit jong nga, wat pyndonkam da ka jingsmai haba phi pynlong ka jingkular. Wat smai da ka bneng ne da ka khyndew ne da kaei kaei pat. Shu ong “Ho-oid” haba phi mut ho-oid, bad “Em” haba phi mut em, bad phin ym hap hapoh ka jingbishar U Blei.

1 ÏOANNIS 2:13

Nga thoh sha phi, ko ki kpa, namar phi ithuh ïa u uba la long naduh kaba mynnyngkong. Nga thoh sha phi, ko ki khun samla, namar phi la jop noh thiaw ïa Uta u Basniew.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

1 ÏOANNIS 5:18

Ngi tip ba ym don uno uno napdeng ki khun U Blei uba ïai leh pop, naba U Khun U Blei u sumar ïa u, bad u Basniew um lah ban pynmynsaw ïa u.