MATHAÏOS 5:33 - Khasi CL Bible (BSI)

³³ “Phi la ïohsngew ruh ba la ong ïa ki briew ha ki por mynbarim, ‘Wat pynkheiñ ïa ka kular jong phi, hynrei to leh ïa kaei kaba phi la smai ha U Trai ban leh.’

KA BAIBL

³³ “Phi la ïohsngew pat ba la ong ha kiba mynbarim, ‘Men ym smai lamler, hynrei, men ai ha U Trai ïa ki jingsmai jong me.’

MATHAÏOS 5:33 ပူးပေါင်းရင်းမြစ်များ

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 76:11

To ai ha U Trai U Blei jong phi ïa kaei kaba phi la kular ha u; to wallam ki jingai sngewbha sha u, phi baroh ki jaitbynriew kiba marjan. U Blei u pynlong ïa ki briew ban sheptieng ïa u;

EKSODOS 20:7

“Wat pyndonkam ïa ka kyrteng jong nga na ka bynta ki jingthmu kiba sniew, naba nga, U Trai U Blei jong phi, ngan pynshitom ïa uno uno uba pyndonkam thala ïa ka kyrteng jong nga.

LEBITIKOS 19:12

Wat ai ka jingkular ha ka kyrteng jong nga lada phim don jingmut ban bat ïa ka; kata ka wanrah ïa ka jingpynjahburom ïa ka kyrteng jong nga. Nga long U Trai U Blei jong phi.

NAHUM 1:15

Ha khmih, u nonglamktien u wan halor ki lumbah lem bad ka khubor kaba bha! U don ha la ka lynti ban pynbna ïa ka jingjop! Ko ki paid Judah, to rakhe ïa ki Jingkhawai Niam jong phi bad to ai ha U Blei ïa kaei kaba phi la kular kyntang ha u. U bymman da lei lei ruh un ym hiarthma shuh ïa ka ri jong phi. La pynjot thiaw ïa ki baroh!

MATHAÏOS 5:21

“Phi la ïohsngew ba la ong ïa ki briew ha ka por mynbarim, ‘Wat pynïap briew; ïa uno uno uba leh kumta yn wallam sha ka jingbishar.’

MATHAÏOS 5:27

“Phi la ïohsngew ba la ong, ‘Wat klim.’

DEUTERONOMI 23:21

“Haba phi ai kano kano ka jingkular ha U Trai U Blei jong phi, wat pynslem ha kaba pyndep ïa ka, U Trai un bat ïa ka kular jong phi, bad ka long ka pop ban ym pyndep ïa ka.

DEUTERONOMI 23:23

hynrei lada phi kular ei ei da la ka mon sngewbha, kynmaw ban pyndep ïa ka.

DEUTERONOMI 5:11

“ ‘Wat pyndonkam thala ïa ka kyrteng jong nga, naba nga U Trai U Blei jong phi ngan pynshitom ïa uba pyndonkam thala ïa ka kyrteng jong nga.

DEUTERONOMI 6:13

Tiengburom ïa U Trai U Blei jong phi, mane tang ïa u, bad kular ruh tang ha ka kyrteng jong u.