MATHAÏOS 5:3 - Khasi CL Bible (BSI)

³ “Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

KA BAIBL

³ “Suk ki baduk ha ka mynsiem: naba jong ki, long ka hima ki bneng.

MATHAÏOS 5:3 ပူးပေါင်းရင်းမြစ်များ

2 KHRONIKL 33:12

Ha ka jingshitom jong u, u la pynrit ïa lade, u phai sha U Trai U Blei jong u, bad u kyrpad ïa ka jingïarap jong u.

2 KHRONIKL 33:19

Ka jingduwai u syiem bad ka jingjubab U Blei ïa ka, bad ka jingthoh shaphang ki pop kiba u la leh ha shuwa ba un kylla-kaba-mut — ka jingsniew kaba u la leh, ki jaka mane blei thala bad ki durblei jong ka blei Asherah kaba u la thaw bad ki bleithaw kiba u la mane — baroh la buh jingthoh ha Ka Histori jong ki Nongïathuhlypa.

2 KHRONIKL 33:23

Hynrei ym kum u kpa jong u, um shym long uba pynrit ïa lade bad phai sha U Trai; u kham long uba pop ban ïa kaba long u kpa jong u.

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

2 KHRONIKL 7:14

lada ki duwai sha nga bad ki kylla-kaba-mut bad phai noh na ki kam bymman ba ki leh, te ngan shahshkor ïa ki na bneng, ngan map ïa ki pop jong ki, bad ngan pynmanbha biang ïa ka ri jong ki.

Ka Kitab U Job 42:6

Kumta nga la sngewlehrain ïa baroh kaba nga la ong bad nga kylla-kaba-mut ha u pui pui bad u dpei.

SALM 1:1

Suk kito kiba kyntait ïa ka jingai jingmut ki briew basniew ki bym bud ïa ka jingleh ki nongpop lane ïasoh bad kito ki bymdonkam ïa U Blei.

SALM 112:1

A to ïaroh ïa U Trai! Suk uta u briew uba pyndonburom ïa U Trai, uba shem sngewbha ha kaba kohnguh ïa ki hukum jong u.

SALM 128:1

Suk kita ki briew kiba kohnguh ïa U Trai, kiba im ha ki hukum jong u.

SALM 146:5

Suk uta u briew uba don U Blei jong u Jakob ban ïarap ïa u bad uba shaniah ha U Trai U Blei jong u,

SALM 2:12

to khynñiuh bad to nguh dem ïa u, lym kumta ïa ka jingbitar jong u yn pynkhie kynsan, bad phin ïap kyndit. Suk kita baroh kiba leit sha u ban ïoh ka jingïada.

SALM 34:18

U Trai u don hajan jong kito kiba tlot mynsiem; u pyllait im ïa kito kiba duh lut ïa ka jingkyrmen.

SALM 41:1

Suk kito kiba sngewlem ïa kiba duk; U Trai un ïarap ïa ki haba ki hap ha ka jingjynjar.

SALM 51:17

Ka jingkñia jong nga ka long ka mynsiem kaba sngewrit, A Blei; men ym kyntait ïa ka dohnud kaba sngewrit bad ba la kylla-kaba-mut.

SALM 84:12

A Trai Badonbor Baroh, katno suk kito kiba shaniah ha me!

PROBERB 16:19

Ka kham bha ban long uba sngewrit bad sah duk ban ïa kaba long uba meng bad ïoh bynta na ka jinglute jong ki.

PROBERB 29:23

Ka jingsngewmeng kan wanrah ïa ka jinghap jong phi, hynrei lada phi long kiba sngewrit, yn burom ïa phi.

PROBERB 8:32

“Te mynta, ko samla, shahshkor ïa nga. Leh kumba nga ong, bad phin long suk.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 57:15

“Nga long U Blei uba khraw bad uba khuid, uba im shi junom. Nga shong ha ki jaka kiba jrong bad kiba khuid, bad nga im ruh bad ki briew kiba sngewrit bad kylla-kaba-mut, kumta ba ngan pynïoh biang ïa ka jingsngewskhem bad ka jingkyrmen jong ki.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

MIKAH 6:8

Em, U Trai u la ïathuh ïa ngi ïa kaei kaba bha. Kaei kaba u dawa na ngi ka long kane: Ban leh ïa kaei kaba hok, ban pyn-i ïa ka jingieit baneh, bad ban im ha ka jingïasyllok basngewrit bad U Blei jong ngi.

MATHAÏOS 11:25

Ha kata ka por U Jisu u la ong, “Ko Kpa, U Trai ka bneng bad ka pyrthei! Nga ainguh ïa me namar ba me la pyn-i ha ki bymstad ïa kaei kaba me la buhrieh na kiba stad bad kiba la ïoh jinghikai.

MATHAÏOS 11:6

A katno suk ka long ïa kito ki bym don jingartatien shaphang jong nga!”

MATHAÏOS 13:16

“Na ka bynta jong phi, katno kiba donbok phi long! Ki khmat jong phi ki ïohi bad ki shkor jong phi ki ïohsngew.

MATHAÏOS 19:14

U Jisu u la ong, “Shah ïa ki khynnah ba kin wan sha nga bad wat khang ïa ki, namar ka Hima ki bneng ka long ïa kiba kum kine.”

MATHAÏOS 24:46

Katno uba kmen u long uta u shakri lada u kynrad jong u, u shem ba u leh ïa kane haba u wan sha ïing!

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 8:11

Nga pynthikna ïa phi ba shibun kin ïawan na mihngi bad na sepngi bad kin ïashong lem bad u Abraham, u Isaak bad u Jakob ha ka jingkhawai hapoh ka Hima ki bneng.

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

LOUKAS 11:28

Hynrei U Jisu u la jubab, “Pynban, katno kaba kmen long kito kiba shahshkor ïa ka ktien jong U Blei bad kiba kohnguh ïa ka!”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

LOUKAS 22:29

bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

LOUKAS 22:30

Phin bam bad dih ha ka miej jong nga ha ka Hima jong nga, bad phin shong halor ki khet ban synshar halor ki khat-ar jait ki Israel.

LOUKAS 4:18

“U Mynsiem jong U Trai u long ha nga, namar ba u la jied ïa nga ban wallam ka khubor babha ha kiba duk. U la phah ïa nga ban pynbna ka jingpyllaitluid ïa ki koidi bad ka jingpynïoh ïa ka jingimat ha kiba matlah; ban pyllait ïa kiba la shah banbeiñ

ÏOANNIS 20:29

U Jisu u la ong ha u, “Hato me ngeit namar ba me ïohi ïa nga? Katno ki kmen kito kiba ngeit khlem da ïohi ïa nga!”

DEUTERONOMI 8:2

Kynmaw kumno U Trai U Blei jong phi u la ïalam ïa phi baroh shi lynter lynti lyngba ka ri shyiap ha kine ki sawphew snem kiba la dep ba un pyndem ïa phi, u da tynjuh ïa phi ba un ïoh tip aïu phi thmu ban leh, bad la phin kohnguh ne em ïa ki hukum jong u.

JAKOB 1:10

Naba uba riewspah un tlor noh kum u syntiew jong u jingthung ha khlaw.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 2:5

To shahshkor, ko parabangeit ba-ieit jong nga! U Blei u la jied ïa ki briew kiba duk ha kane ka pyrthei ban long kiba riewspah ha ka jingngeit bad ban kam kynti ïa ka hima kaba u la kular ha kito kiba ieit ïa u.

JINGPYNPAW 19:9

Nangta u angel u la ong ha nga, “To thoh ïa kane: Suk kito ïa kiba la khot sngewbha sha ka jingkhawai shongkurim jong U Khunlangbrot.” Bad u angel u la bynrap, “Kine ki long ki ktien kiba shisha jong U Blei.”

JINGPYNPAW 22:14

Suk kito kiba sait pynkhuid ïa la ki jaiñkup bad kumta ki don ka hok ban bam ïa u soh na u dieng ka jingim bad ban leit lyngba ki khyrdop shapoh ka nongbah.

JINGPYNPAW 3:17

Pha ong, ‘Nga long kaba riewspah bad kaba dap babiang; nga don baroh kaba nga donkam.’ Hynrei pham tip haduh katno pha long kaba lanot bad kaba isynei ban khmih! Pha long kaba duk, kaba lyngkhuit, bad kaba matlah.