MATHAÏOS 5:28 - Khasi CL Bible (BSI)

²⁸ Hynrei mynta nga ong ha phi: uno uno uba khmih ïa ka briew bad kwah ban ïoh ïa ka u la hap ha ka jingpynrem jong ka jingklim bad ka hapoh ka dohnud jong u.

KA BAIBL

²⁸ hynrei, nga ong ha phi, ba uno uno ruh uba da khmih ïa ka briew ïa ka ban kwah ïa ka, u la lah klim lypa ïa ka kumta ha la ka dohnud.

MATHAÏOS 5:28 ပူးပေါင်းရင်းမြစ်များ

JENESIS 34:2

Haba u Shekhem u khun jong u Hamor u jait Hib, uba long u khlieh jong kata ka thain, u la ïohi ïa ka, u la shim ïa ka, bad u la batbor ïa ka.

2 SAMUEL 11:2

Ha kawei ka sngi, haba la kham janmiet, u Dabid u la khie na kaba thiah shipor bad u la leit shalor ka tnum ïing jong ka ïingsyiem. Katba u dang ïaid sawdong hangta, u la ïohi ïa ka kynthei kaba dang sum. Ka long kaba bhabriew shikatdei.

Ka Kitab U Job 31:1

Nga la pynlong ka jingkular bakyntang ban nym khmih da ka jingkwah brai ïa ka kynthei.

Ka Kitab U Job 31:9

Lada nga la ikwah ïa ka tnga u paramarjan jong nga, bad ïai ap, ïai rieh, shabar ka jingkhang jong ka,

SALM 119:96

Nga la tip ba kiei kiei baroh ki don u pud; hynrei ka hukum jong me ka long kaba janai.

EKSODOS 20:17

“Wat kwah rhah ïa ka ïing u paramarjan jong phi; wat ikwah ïa ka tnga jong u, lane ïa ki mraw jong u, lane ïa ki masi jong u, lane ïa ki kada jong u, lane ïa kaei kaei ruh kaba dei ka jong u.”

PROBERB 6:25

Wat ai ba phin shah pynshoi ha ka jingbhabriew jong ki, wat shah ba ki khmat jong ki kin pynthame ïa phi.

ESEKIEL 23:16

Ka tang mar shu ïohi ïa ki, ka la dap da ka jingkwah brai bad ka phah nonglamktien sha ki ha Babilonia.

LEBITIKOS 18:20

Wat ïathiah shongkha bad ka tnga jong uwei pat u briew; naba kata kan pynlong ïa me u bymkhuid.

MATHAÏOS 15:19

Namar na ka dohnud jong u ki mih ki jingpyrkhat basniew kiba ïalam ïa u ban pynïap briew, ban klim, bad ban leh ïa kiwei kiwei ki kam bajakhlia; ban lute, ban lamler, bad ban kren sniew ïa kiwei.

MATHAÏOS 5:22

Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

MATHAÏOS 5:39

Hynrei mynta nga ong ha phi: wat pynhiarkput ïa uno uno uba leh sniew ïa phi. Lada uno uno u thab ïa phi na ka ngab kamon, ai ba un thab ïa ka ngab kadiang jong phi ruh.

Ka Shithi U Paul Sha Ki Nong Rom 7:14

Ngi tip ba ka Hukum ka long kaba kynja mynsiem; hynrei nga long u briew uba kynja doh, ba la die kum u mraw ha ka pop.

DEUTERONOMI 22:22

“Lada lap ïa uno uno u briew ba u ïathiah shongkha bad ka tnga jong uwei pat u briew, baroh ar ngut ki dei ban shah pynïap, bad kumta phin pynduh noh ïa kane ka jingbymman na Israel.

2 PETROS 2:14

Kim kwah ban peit ïa kaei kaei hynrei ïa ki kynthei ba leh ïa ki kam ba-ijli; ka jingkwah brai jong ki ïa ka pop kam ju hun. Ki ïalam ïa ki briew kiba tlot sha ka jingriam. Ki dohnud jong ki, ki long kiba la shah hikai ban long kiba lalot. Ki don hapoh ka jingtim jong U Blei!

1 ÏOANNIS 2:16

Baroh kiei kiei kiba dei jong ka pyrthei — kaei kaba ka malade bapop ka brai, kaei kaba ki briew ki ïohi bad kwah, bad baroh kiei kiei kiba ha ka pyrthei kiba ki briew ki sngewsarong — ym don na kane kaba wan na U Kpa; baroh ka wan na ka pyrthei.