MATHAÏOS 5:25 - Khasi CL Bible (BSI)

²⁵ “Lada uno uno u wallam ka jingmudui pyrshah ïa phi bad ïalam ïa phi sha ka ïingbishar, to ïapynbeit noh ïa ka jingïakajia bad u katba dang don ka por ha shuwa ba phin poi sha ka ïingbishar. Shisien ba phi la don hangta, un aiti ïa phi sha u nongbishar, u ban aiti ïa phi sha u pulit, bad un set ïa phi ha ka ïingbyndi.

KA BAIBL

²⁵ To ïasuk noh kloi kloi ruh bad uba ïaleh bad me, katba me dang leit ha ka lynti bad u; ba ïoh kumno kumno uta uba ïaleh u ai noh ïa me ha u nongbishar, bad uta u nongbishar ruh u ai noh ïa me ha u shakri, ba yn bred ïa me ha ka byndi ruh.

MATHAÏOS 5:25 ပူးပေါင်းရင်းမြစ်များ

Ka Kitab U Job 22:21

Mynta, ko Job, ïasuk noh bad U Blei bad sangeh noh na kaba pynlong ïa u kum u nongshun; lada phi leh kumta, te un sa kyrkhu ïa phi.

SALM 32:6

Kumta baroh ki briew kiba hok ai kin duwai sha me ha ki por badonkam; haba ka jingshlei jong ka jingjynjar ka wan tur shapoh, kan ym lah ban poi sha ki.

PROBERB 25:8

Wat kyrkieh eh ban leit sha ïingbishar halor kaei kaei kaba phi ïohi. Lada uwei pat u nongsakhi hadien u pynshisha ba phi la bakla, kaei nangta phin leh?

MATHAÏOS 26:58

U Petros u la bud na jngai, haduh ka phyllaw jong ka ïing u Rangbah Lyngdoh. U la leit shapoh ka phyllaw bad u la shong lem bad ki nongap byndi ban khmih kumno kan jia baroh.

LOUKAS 18:3

Bad la don ka riewkynthei ha kata kajuh ka shnong kaba ïai wan sha u bad kyrpad na ka bynta ki hok jong ka, da kaba ong, ‘To ïarap ïa nga pyrshah ïa u nongïaleh pyrshah jong nga!’

2 KORINTH 6:2

Ha sngap aïu U Blei u ong: “Haba ka por ka la poi ïa nga ban pyn-i ïa ka jingshem sngewbha ha phi, nga la ïohsngew ïa phi; haba ka sngi ka la poi ïa nga ban pynim ïa phi, nga la ïarap ïa phi.” To shahshkor! Kane ka dei ka kynta ban pdiang ïa ka jingshem sngewbha U Blei; Mynta, ka dei ka sngi jong ka jingpynim!

HEBRU 12:17

Hadien kata, phi tip, u la kwah ban ïohpdiang ïa ka jingkyrkhu u kpa jong u, hynrei u la shah kyntait; namar um ïohlad shuh ban pynkylla ïa kaei kaba u la leh, la u la wad ïa ka da ki jingjaw ummat.

HEBRU 3:13

Pynban, khnang ba ym don uwei na phi u ban shah shukor ha ka pop bad eh dohnud; phi dei ban ïarap iwei ïa iwei pat ha la ka sngi, katba ka ktien “Mynta” ha ka Jingthoh Bakhuid ka kren ïa ngi.

HEBRU 3:7

Kumta te, kumba U Mynsiem Bakhuid u ong; “Lada phi ïohsngew ïa ka sur ka jong U Blei ha kane ka sngi,