MATHAÏOS 5:24 - Khasi CL Bible (BSI)

²⁴ to ieh ïa ka jingai jong phi hangta ha khmat jong ka duwan, khie leit shisyndon bad ïasuk bad la u para, bad nangta sa wan pat bad ai ïa ka jingai jong phi sha U Blei.

KA BAIBL

²⁴ to iehnoh hangta ïa ka jingai jong me ha khmat ka duwan, to khie leit noh ruh, ba men ïasuk shuwa bad uta u paralok jong me, ynda kumta te, men sa wan ainguh ïa ka jingai jong me.

MATHAÏOS 5:24 ပူးပေါင်းရင်းမြစ်များ

Ka Kitab U Job 42:8

Mynta shim hynñiew tylli ki masi lyngraw bad hynñiew tylli ki langbrot shynrang bad leit sha u Job bad ai ïa ki kum ka jingkñia na ka bynta ïa lade. U Job un duwai na ka bynta jong me, bad ngan jubab ïa ka jingduwai jong u bad ngan ym pynjahburom ïa me kumba ka dei hok ïa me. Mem shym la kren ïa ka jingshisha shaphang jong nga kumba u la leh.”

PROBERB 25:9

Lada ma phi bad la u paramarjan phi don ka jingïapher jingmut, ïakren pynbeit para ma phi bad wat pynpaw ïa kino kino ki kam barieh.

MATHAÏOS 23:23

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi ai sha U Blei ïa kaba shiphew wat jong ki jhur pynbang jingbam, kum u pudina, u dill, bad u kumin, hynrei phim suidñiew ban kohnguh ïa ki jinghikai badonkam shisha jong ka Hukum, kum ka jinglehhok bad ka jingisynei bad ka jingbeit. Ïa kine phi dei ban leh, khlem da klet ïa kiwei pat.

MATHAÏOS 5:23

Kumta hamar ba phin ai ïa ka jingai jong phi sha U Blei ha ka duwan bad hangta phi kynmaw ba u para jong phi u don ei ei pyrshah ïa phi,

MARKOS 9:50

“Ka mluh ka long kaba bha; hynrei lada ka duh noh ïa ka jingbang jong ka, kumno phi lah ban pynbang pat ïa ka? “To don ïa ka mluh jong ka jingïalong paralok hapdeng jong phi, bad para ma phi, to im hapdeng ka jingsuk.”

1 KORINTH 11:28

Kumta te, uwei uwei baroh u dei ban ïit nyngkong ïa lade, bad nangta un bam ïa u kpu bad dih na ka khuri.

1 TIMOTHI 2:8

Ha man la ka jingshakri ha ka balang, nga kwah ba ki rangbah kin duwai, ki briew kiba la pynkyntang sha U Blei bad kiba lah ban rah ïa la ki kti ha ka jingduwai khlem jingbitar lane ka jingïakajia.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.