MATHAÏOS 5:23 - Khasi CL Bible (BSI)

²³ Kumta hamar ba phin ai ïa ka jingai jong phi sha U Blei ha ka duwan bad hangta phi kynmaw ba u para jong phi u don ei ei pyrshah ïa phi,

KA BAIBL

²³ Namar kata, lada me ainguh ïa la ka jingainguh ha ka duwan, bad hangta me da kynmaw ba u paralok jong me u don ei ei ruh ban mudui ïa me,

MATHAÏOS 5:23 ပူးပေါင်းရင်းမြစ်များ

JENESIS 41:9

Nangta u nongrah khuri u ong ha u syiem, “Nga dei ban phla mynta ba nga la leh bakla.

1 SYIEM 2:44

Me tip biang biang ïa ka jingleh bakla baroh kaba me la leh ïa u Dabid u kpa jong nga. U Trai un pynshitom ïa me namar kata.

SNGEWSYNEI 3:20

Nga ïai pyrkhat ïa ka bad ka mynsiem jong nga ka noh sngewsih.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

HOSIA 6:6

Nga kwah ïa ka jingieit baneh jong phi, ym ka jingkñia da ki mrad. Nga kham kwah ba ki briew jong nga kin ithuh ïa nga ban ïa ki jingainguh thang sha nga.

MATHAÏOS 23:19

A katno phi long kiba matlah! Kaei kaba kham donkam, ka jingai sngewbha ne ka duwan kaba pynlong khuid ïa ka jingai sngewbha?

MATHAÏOS 5:24

to ieh ïa ka jingai jong phi hangta ha khmat jong ka duwan, khie leit shisyndon bad ïasuk bad la u para, bad nangta sa wan pat bad ai ïa ka jingai jong phi sha U Blei.

MATHAÏOS 8:4

Nangta U Jisu u la ong ha u, “To shahshkor! Wat ïathuh hano hano, hynrei khie leit beit beit sha u lyngdoh bad ai un khmih bniah ïa me; te khnang ban pynshisha ha uwei uwei baroh ba me la khiah, ai ïa ka jingkñia kaba u Moses u la hukum.”

MARKOS 11:25

Bad haba phi ïeng bad duwai, to map ïa kaei kaei kaba phi lah ban don pyrshah ïano ïano, khnang ba U Kpa jong phi uba ha bneng un map ïa ki jingleh bymdei kiba phi la leh.

LOUKAS 19:8

U Sakhaïos u la ïeng joit bad u la ong ha U Trai, “To shahshkor, kynrad! ngan ai shiteng na ki jingdon jingem jong nga ha kiba duk, bad lada nga la shukor ïano ïano, ngan siew pat ïa u sa saw shah.”

1 SAMUEL 15:22

Te u Samuel u ong, “Kaei kaba U Trai u kham sngewbha: ka jingkohnguh ne ki jingainguh bad ki jingkñia? Ka kham bha ban kohnguh ïa u ban ïa kaba kñia ha u ïa ka langbrot kaba kynsai tam.