MATHAÏOS 5:22 - Khasi CL Bible (BSI)

²² Hynrei mynta nga ong ha phi: ïa uno uno uba bitar ïa la u para yn wallam sha ka jingbishar, ïa uno uno uba khot ïa la u para ‘Me u bymlarkam ei ei!’ yn wallam ha khmat ka Dorbar Bah, bad ïa uno uno uba khot ïa la u para ‘u bieit bymmyntoi’ un don ha ka jingma ka jingleit sha ka dujok ding.

KA BAIBL

²² hynrei, nga ong ha phi, ba uno uno ruh uba da sngewbitar ïa u paralok jong u khlem nia, kan dei ïa u ban hap ha ka jingbishar: uno uno ruh de u ban khot ïa u paralok jong u, ‘Raka’, kan dei ïa u ban hap ha ka jingbishar bah; uno uno ruh de u ban khot ïa u, ‘Me uba mutlop runar’, kan dei ïa u ban hap ha ka dujok ding.

MATHAÏOS 5:22 ပူးပေါင်းရင်းမြစ်များ

JENESIS 37:4

Haba ki hynmen shynrang jong u ki la ïohi ba u kpa jong ki u kham ieit ïa u Joseph ban ïa ki baroh, ki la isih shibun eh ïa u kat haduh ba kim kren bha kren miat shuh ïa u.

JENESIS 37:8

“Hato me pyrkhat ba men sa long u syiem bad synshar ïa ngi?” Ki hynmen shynrang jong u ki ong. Kumta ki la nang kham isih shuh shuh ïa u namar ki jingphohsniew jong u bad namar kaei kaba ba u la kren shaphang jong ki.

2 SAMUEL 16:7

U Shimei u la tim ïa u bad u ong, “Phet noh! Phet noh! Me u nongpynïap briew! Me u nongkamsniew!

2 SAMUEL 6:20

Hadien kata, haba u Dabid u la leit sha ïing ban khublei ïa la ki ba-ha-ïing, ka Mikhal ka wan mih ban ïakynduh ïa u. “U syiem ki Israel u la pynkhraw nam ïa lade ha kane ka sngi!” ka ong. “U la pynlyngkhuit ïa lade kum u bieit ha khmat ki shakri kynthei jong ki rangbah synshar jong u.”

1 SYIEM 21:4

U Ahab u leit phai sha la ïing, u da sngewsih bad bitar ïa kaei kaba u Naboth u ong ha u. U dem ha la ka jingthiah, u phai shaphang ka kynroh, bad um treh bam ei ei.

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 19:5

U thung ki nongbishar ha kawei pa kawei ka nongbah ba la tei kut jong ka Judah bad u bthah ïa ki:

NEHEMAÏAH 5:8

“Katba ngi lah, ngi la ïathied pat ïa ki para Jiw ïa kiba la die sha ki nongwei. Mynta phi pynlong ïa la ki para ki hynmen jong phi ban die ïa lade ha phi, ki para Jiw jong ki!” Ki nongïalam ki la sngap jar bad kim don ei ei ban ong.

SALM 109:3

bad ki kren ïa kiei kiei kiba sniew shaphang jong nga, ki pyrshah ïa nga khlem daw.

SALM 14:1

Kiba bieit ki ong ha lade, “Ym don Blei.” Ki baroh ki long kiba jakhlia, bad ki la leh ïa kiei kiei kiba shyrkhei; Ym don uwei ruh uba leh ïa kaba dei.

SALM 25:3

Ka jingshahjop kan ym wan ha kito kiba shaniah ha me, hynrei ha kito kiba kloi ban ïeng ïaleh pyrshah ïa me.

SALM 35:19

Wat ai ba ki nongshun jong nga, kito ki nongkren shukor, kin risa ha ka jingshahjop jong nga. Wat ai ba kito kiba isih ïa nga khlem daw kin ïoh kynkok da ka jingkmen halor ka jingsngewsih jong nga.

SALM 37:8

Wat ai ban khuslai ne ban bitar; ka ïalam tang sha ka jingjynjar.

SALM 49:10

Uno uno u lah ban ïohi ba wat ki briew kiba stad ki ïap, kumjuh kum ki briew kiba bieit bad kiba mutlop. Baroh ki iehnoh ïa ka spah jong ki ha kiba hiarpateng.

SALM 69:4

Kito kiba isih ïa nga khlem kano kano ka daw ki kham bun ban ïa ki shñiuh ha ka khlieh jong nga. Ki nongshun jong nga ki ïathuh ki jinglamler pyrshah ïa nga; ki long kiba khlaiñ bad ki kwah ban pynïap ïa nga. Ki la pynlong ïa nga ban pynphai ïa kiei kiei kiba ngam shym la tuh.

SALM 92:6

Kane ka dei kaei kaei kaba uba bieit um lah ban tip; u briew uba mutlop um lah ban sngewthuh:

PROBERB 14:16

Ki briew kiba sngewthuh ki husiar ban kiar na kaba sniew, hynrei ki briew kiba mutlop kim suidñiew bad ki tur ruma kat shaba lap.

PROBERB 18:6

Haba uno uno uba bieit u sdang ïa ka jingïania, u pan kwah ïa ka jingshah sympat.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

SNGEWSYNEI 3:52

“Nga la shah riam kum ka sim ha ki nongshun ki bym don daw ban isih ïa nga.

DANIEL 3:13

Hangta hi, u syiem u la bitar shla bad u la hukum ban wallam ïa ki lai ngut ki rangbah sha u.

DANIEL 3:19

Te u Nebukhadnessar u la bitar, bad ka durkhmat jong u ka la kiew sawlep da ka jingbitar ïa u Shadrakh, u Meshakh, bad u Abednego. Kumta u la hukum ïa ki rangbah jong u ban pynkhluit ïa ka lawar ding hynñiew shah ban ïa kaba mynshuwa.

OBADAÏAH 1:10

“Namar ba pha lute bad pynïap ïa la ki hynmen ki para shynrang, ki khun ki ksiew u Jakob, ïa pha yn pynjot bad pynjahburom junom.

OBADAÏAH 1:12

Pha la dei ban ym risa beiñ halor ka jingshem jynjar jong ki hynmen ki para jong pha ha Judah. Pha la dei ban ym lehkmen ha ka sngi ka jingpynjot ïa ki. Pha la dei ban ym rkhie ïa ki ha ka jingjynjar jong ki.

MATHAÏOS 10:17

To sumar, naba kin don ki briew ki ban kem ïa phi bad ïalam ïa phi sha ka ïingbishar, bad kin sympat ïa phi ha ki synagog.

MATHAÏOS 10:28

Wat sheptieng ïa kito kiba pynïap ïa ka met hynrei ki bym lah ban pynïap ïa ka mynsiem; hynrei to sheptieng ïa U Blei, uba lah ban pynjot ïa ka met bad ka mynsiem ha dujok.

MATHAÏOS 12:24

Haba ki Pharisi ki la ïohsngew ïa kane, ki la jubab, “U la beh noh ïa ki ksuid tang namar ba u rangbah jong ki, u Beelsebul u ai bor ïa u ban leh kumta.”

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MATHAÏOS 18:21

Nangta u Petros u la wan sha U Jisu bad u la kylli, “Ko Trai, lada u hynmen u para jong nga u ïai leh pop pyrshah ïa nga, haduh katno sien nga dei ban map ïa u? Haduh hynñiew sien?”

MATHAÏOS 18:35

Bad U Jisu u la pynkut, “Kata ka long kumno ba U Kpa jong nga uba ha bneng un leh ïa uwei pa uwei na phi lymda phi ïamap ïa la u hynmen u para naduh ka dohnud.”

MATHAÏOS 23:15

“A katno ka long kaba shyrkhei ïa phi ki nonghikai ka Hukum bad ki Pharisi! Phi kiba arsap! Phi leit lyngba ki duriaw bad phi ïaid sha kylleng ki ri baroh ban pynkylla ïano ïano; bad haba phi lah, phi pynlong ïa u ar shah uba dei ban leit sha dujok kumba phi hi, phi long!

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 25:41

“Nangta un ong ha kito kiba ha ka liang kadiang jong u, ‘Khie leit noh na nga, phi kiba hapoh ka jingtim jong U Blei! Khie leit noh sha ka ding bymjukut ïa kaba la pynkhreh na ka bynta u Ksuid bad ki angel jong u!

MATHAÏOS 26:59

Ki rangbah lyngdoh bad ka Dorbar baroh kawei ki la pyrshang ban lap ki sabut lamler pyrshah ïa U Jisu ban pynïap ïa u;

MATHAÏOS 3:17

Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

MATHAÏOS 5:34

Hynrei mynta nga ong ha phi: wat pyndonkam ïa kano kano ka jingsmai haba phi pynlong ka jingkular. Wat smai da ka bneng, naba ka long ka khet jong U Blei;

MATHAÏOS 5:44

Hynrei mynta nga ong ha phi: ieit ïa ki nongshun jong phi bad duwai na ka bynta kito kiba pynshitom beiñ ïa phi,

MARKOS 14:55

Ki rangbah lyngdoh bad ka dorbar baroh kawei ki la pyrshang ban wad ki sakhi pyrshah ïa U Jisu khnang ban pynïap noh ïa u, hynrei kim shym la shem kano kano ruh.

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

LOUKAS 12:5

Ngan pyn-i ha phi ïano ban sheptieng: To sheptieng ïa U Blei, uba, hadien ka jingpynïap, u don ka bor ban bret sha ka dujok. To ngeit ïa nga, u long ma u uta uba phi dei ban sheptieng!

LOUKAS 22:66

Haba ka la long mynsngi, ki tymmen ki san, ki rangbah lyngdoh, bad ki nonghikai ka Hukum ki la ïashem lang, bad ïa U Jisu la wallam ha khmat ka dorbar.

ÏOANNIS 11:47

Kumta ki Pharisi bad ki rangbah lyngdoh ki la lum ïa ka dorbar bad ki la ong, “Ngin ïaleh kumno? Peit ïa ki kambah baroh kiba une u briew u la leh!

ÏOANNIS 15:25

Kane, pynban, kaba la dei ban jia, khnang ba ïa kaei kaba la thoh ha ka Hukum jong ki kan urlong shisha: ‘Ki la shun ïa nga khlem daw ei ei.’

ÏOANNIS 7:20

“Me don u ksuid hapoh jong me!” u paidbah u la jubab. “Mano ba pyrshang ban pynïap ïa me?”

ÏOANNIS 8:48

Ki la kylli ïa U Jisu, “Hato ngim shym la ong ïa kaba dei, ba me dei u nong Samaria bad ba me don u ksuid hapoh jong me?”

KI KAM 17:18

Katto katne ngut ki nonghikai na ka skul jong ki Epikuri bad ki Stoik ki la ïatainia ruh bad u. Katto katne ngut na ki, ki la kylli, “Aïu une u sarong bieit u pyrshang ban kren?” Kiwei pat ki jubab, “U i kumba u kren shaphang ki blei nongwei.” Ki la ong ïa kane namar ba u Paul u la ïalap shaphang U Jisu bad ka jingmihpat.

KI KAM 22:30

U rangbah ai hukum u la kwah ban tip thikna ïa kaei ba ki Jiw ki mudui ïa u Paul; kumta ha ka sngi kaba bud u la phah weng noh ïa ki kynjri na u Paul bad u la hukum ïa ki rangbah lyngdoh bad ïa ka Dorbar baroh ban ïakynduh lang. Nangta u la ïalam ïa u Paul bad u la pynïeng ïa u ha khmat jong ki.

KI KAM 23:1

U Paul u la peit shlip sha ka Dorbar bad u la ong, “Ko ki para nong Israel jong nga! Ka jingïatiplem jong nga ka sngur shaphang ka rukom ha kaba nga la im ha khmat U Blei haduh kane ka sngi.”

KI KAM 24:20

Lane shah ïa kine kiba don hangne ban ïathuh kaei ka kam runar kaba ki la shem ba nga shah pynrem haba nga la ïeng ha khmat ka Dorbar —

KI KAM 4:15

Kumta ki la ong ïa ki ban mihnoh na ka kamra ka Dorbar, bad nangta ki la sdang ïaphylliew jingmut para ma ki.

KI KAM 5:21

Ki apostol ki la kohnguh, bad haba dang byrngut ki la rung sha ka Templ bad ki la sdang ban hikai. U Rangbah Lyngdoh bad kiba synran ïa u ki la khot lang ïa ki tymmen ki san jong ki Jiw na ka bynta ka jingïalang ba-pura jong ka Dorbar; nangta ki la phah hukum sha ka byndi ban wallam ïa ki apostol ha khmat jong ki.

KI KAM 5:27

Ki la wallam shapoh ïa ki apostol, ki la pynïeng ïa ki ha ka Dorbar, bad u Rangbah Lyngdoh u la kylli ïa ki.

KI KAM 6:12

Ha kane ka rukom ki la pynkhih ïa u paidbah, ïa ki tymmen ki san, bad ïa ki nonghikai ka hukum. Ki la kem ïa u Stephan bad ki la ïalam ïa u ha khmat ka Dorbar.

KI KAM 6:15

Kita baroh kiba shong ha ka Dorbar ki la khmih shlip ha u Stephan bad ki la ïohi ba ka durkhmat jong u ka la long kum ka durkhmat jong u angel.

KI KAM 7:37

U Moses u long uta uba la kren ha ki paid Israel, ‘U Blei un phah ha phi ïa u nongïathuhlypa, kumba u la phah ïa nga, bad un long uba napdeng ki briew jong phi.’

Ka Shithi U Paul Sha Ki Nong Rom 12:10

To ieit iwei ïa iwei ha ka jingrhem mynsiem kum ki parabangeit, bad to long kiba da kwah hir hir ban pyn-i ka jingburom iwei ïa iwei pat.

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

1 KORINTH 6:6

Pynban, uwei u parabangeit u leit sha ka ïingbishar pyrshah ïa uwei pat bad u ailad ïa u bymngeit ban bishar ïa ka kam!

DEUTERONOMI 15:11

Yn don hi man la ka por ki Israel kiba duk bad kiba kyrduh, bad kumta nga hukum ïa phi ban lehsbun ïa ki.

DEUTERONOMI 16:18

“Thung ïa ki nongbishar bad kiwei pat ki rangbah synshar ha man la ka shnong ba U Trai U Blei jong phi u ai ha phi. Kine kin bishar hok ïa ki briew.

1 THESSALONI 4:6

Ha kane ka rukom, te, uno uno u briew un ym dei ban leh bymdei ïa la u parabangeit lane shim kabu ïa u. Ngi la ïathuh ïa phi ïa kane mynshuwa, bad ngi maham jur ïa phi ba U Trai un pynshitom ïa kito kiba leh ïa kata.

TITOS 3:2

Ong ïa ki ban ym kren sniew ïano ïano, hynrei ban long kiba shongsuk bad ïadei paralok, bad ban pyn-i borabor da ka jinglong bajemnud sha baroh.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 5:9

Haba la pynlong janai ïa u, u la jia long ka tynrai jong ka jingim bymjukut na ka bynta kito baroh kiba kohnguh ïa u,

JAKOB 2:20

Phi kiba bieit! Hato phi kwah ban da pyn-i ba ka jingngeit khlem ki kam ka long ka bymmyntoi?

JAKOB 3:6

Bad u thylliej u long kum ka ding. U long ka pyrthei jong ka jingsniew, uba shim ïa ka jaka ha ki met jong ngi bad uba pynphriang ïa kaba sniew ha ka met baroh kawei. U wiang ding ïa ka jingïaid lynti jong ka jingim da ka ding kaba wan sha u na ka dujok hi.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

1 PETROS 3:9

Wat siew kylliang ïa kaba sniew da kaba sniew lane ïa ka jingtim da ka jingtim; pynban, to siew kylliang da ka jingkyrkhu, namar ka jingkyrkhu ka long kaei kaba U Blei u la kular ban ai ïa phi mynba u la khot ïa phi.

1 ÏOANNIS 2:9

Uno uno uba ong ba u don ha ka jingshai, pynban u isih ïa la u hynmen u para, u don ha ka jingdum haduh kane hi ka kynta.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.

1 ÏOANNIS 5:16

Lada phi ïohi ïa la u parabriew ba u leh ïa ka pop ka bym ïalam sha ka jingïap, phi dei ban duwai ha U Blei, u ban ai ha u ïa ka jingim. Kane ka ïadei ïa kito kiba ki pop jong ki, kim ïalam sha ka jingïap. Hynrei ka don ka pop kaba ïalam sha ka jingïap, bad ngam ong ba phi dei ban duwai sha U Blei shaphang kata.

JUDAH 1:9

Wat u Mikhael, u angel rangbah um shym la leh ïa kane. Ha ka jingïakajia jong u bad u Soitan, mynba ki la ïania shaphang uei u ban ïoh ïa ka met u Moses, u Mikhael um shym nud ban pynrem ïa u Soitan da ki ktien ban krenbeiñ, hynrei u la ong, “U Trai un da sneng ïa me!”

JINGPYNPAW 20:14

Nangta ïa ka jingïap bad ïa ka Hades la bret ha ka pung ka ding. (Kane ka pung ka ding ka long ka jingïap kaba ar.)