MATHAÏOS 5:20 - Khasi CL Bible (BSI)

²⁰ Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

KA BAIBL

²⁰ Naba nga ong ha phi, ba lada ka hok jong phi kam da long kaba kham palat shikatdei ïa ka jong ki nongthoh bad ki Pharisi, phin ym ïoh rung satia ha ka hima ki bneng.”

MATHAÏOS 5:20 ပူးပေါင်းရင်းမြစ်များ

MATHAÏOS 16:12

Nangta ki synran ki la shemphang ba um shym la maham ïa ki ban sumar ïa lade na u thiat uba pyndonkam ha u kpu, hynrei na ka jinghikai ki Pharisi bad ki Saddusi.

MATHAÏOS 18:5

Bad uno uno uba pdiang sngewbha ha ka kyrteng jong nga ïa uwei uba kum une u khynnah, u pdiang ïa nga.

MATHAÏOS 3:10

Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

MATHAÏOS 7:21

“Ym u briew baroh uba khot ïa nga, ‘A Trai, A Trai’ u ban ïohrung shapoh Ka Hima ki bneng, hynrei tang kito kiba leh ïa kaei kaba U Kpa jong nga uba ha bneng u kwah ïa ki ban leh.

MARKOS 10:15

Nga kren skhem ïa phi ba uno uno u bym pdiang ïa ka Hima U Blei kum u khynnah un ym lah lano lano ruh ban rung hapoh jong ka.”

MARKOS 10:25

Ka long kaba kham eh ïa u briew uba riewspah ban rung sha ka Hima U Blei ban ïa ka ut ban rung lyngba i thliew thyrnia.”

LOUKAS 11:44

A katno kaba shyrkhei ïa phi! Phi long kum ki lum jingtep ki bym don dien shuh ha kaba ki briew ki ïaid nalor khlem tip ïa ka.”

LOUKAS 12:1

Katba da ki hajar ngut ki briew ki dang ïalumlang, ba kumta ki la ïa-ïuh para ma ki, U Jisu u la ong nyngkong ha la ki synran, “To sumar na u thiat jong ki Pharisi — nga mut ïa ka jingarsap jong ki.

LOUKAS 18:17

Kynmaw ïa kane! Uno uno u bym pdiang ïa ka Hima U Blei kum u khynnah un ym rung shapoh jong ka da lei lei ruh.”

2 KORINTH 3:9

Ka rukom pynïaid kaba wanrah ïa ka jingpynrem ka la long kaba donburom; kaba katno tam kaba kham donburom kata ka jingtrei kaba wanrah ïa ka jingpynim!

2 KORINTH 5:17

Uno uno ïa uba la pynïasoh ha U Khrist u long u jingthaw uba thymmai; kaba rim ka la leit noh, kaba thymmai ka la wan.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

HEBRU 12:14

Ïaleh ban ïashongsuk bad ki briew baroh, bad pyrshang ban im ka jingim kaba khuid, namar khlem kata uno uno un ym lah ban ïohi ïa U Trai.

JINGPYNPAW 21:27

Hynrei ym don kano kano ka bymkhuid ka ban ïohrung sha ka nongbah, lymne uno uno uba leh ïa kino kino kiba sngewlehrain lane uba ïathuh lamler. Tang kito ïa kiba ki kyrteng jong ki la thoh ha ka kitab kiba im jong U Khunlangbrot kin ïohrung sha kata ka nongbah.