MATHAÏOS 5:18 - Khasi CL Bible (BSI)

¹⁸ To kynmaw ba katba ka bneng bad ka pyrthei ki dang sah, ym don iwei i dak iba rit tam lymne i bynta iba rit tam na ka Hukum ïa iba yn pyndam noh — ym haduh kaba kut jong kiei kiei baroh.

KA BAIBL

¹⁸ Naba shisha nga ong ha phi: Ha ban da leit noh ka bneng bad ka khyndew, kat iwei i dak rit lane iwei iba khun khyndiat eh na Ka Hukum in ym leit noh, tad ynda yn pyndep baroh.

MATHAÏOS 5:18 ပူးပေါင်းရင်းမြစ်များ

SALM 102:26

Kin sa jah noh, hynrei me te men sah; ma ki baroh kin kylla rim kum ki jaiñphong, Men kyntait noh ïa ki kum ki jaiñphong bad kin jah noh.

SALM 111:8

Ki neh slem ha ki por baroh; la ai ïa ki ha ka jingshisha bad ha ka hok.

SALM 119:152

La slem bah nga la tip ïa ki jingbthah jong me; me la thaw ïa ki ban neh junom.

ISAÏAH 40:8

Ho-oid, u phlang u ïapstai bad ki syntiew ki jlop, hynrei ka ktien jong U Blei jong ngi ka neh bymjukut.”

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

ISAÏAH 51:6

Khmih sha ki bneng; peit ha ka pyrthei! Ki bneng kin jah noh kum ka tdem; ka pyrthei kan jot noh kum ki jaiñ ba la rim, bad ki briew jong ka baroh kin ïap kum ki skain. Hynrei ka jingpyllait kaba nga wallam kan neh junom; ka jingjop jong nga kan long kaba kut.

MATHAÏOS 10:15

Nga pynthikna ïa phi ba ha ka Sngi ka Jingbishar, U Blei un pyn-i kham bun ka jingisynei ïa ki briew ka Sodom bad Gomorrah ban ïa ki briew jong kata ka nongbah!

MATHAÏOS 10:23

Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

MATHAÏOS 10:42

Phi lah ban sngewthikna ba uno uno uba ai dih wat shi khuri ka umkhriat ha uwei uba rit tam na kine ki nongbud jong nga namar ba u dei u nongbud jong nga, un ïohpdiang da shisha ïa ka bainong.”

MATHAÏOS 11:11

Nga pynthikna ïa phi ba u Ïoannis u Nongpynbaptis u long uba kham khraw ban ïa uno uno u briew uba la ju im. Hynrei uta uba rit tam ha ka Hima ki bneng u long uba kham khraw ban ïa u Ïoannis.

MATHAÏOS 13:17

Nga pynthikna ïa phi ba bun ki nongïathuhlypa bad bun ki briew ki jong U Blei ki la kwah shikatdei eh ban ïohi ïa kaei kaba phi ïohi, hynrei kim lah ïohi, bad ban ïohsngew ïa kaei kaba phi ïohsngew, hynrei kim shym la lah ïohsngew.

MATHAÏOS 16:28

Nga pynthikna ïa phi ba don katto katne hangne ki ban ym ïap tad haduh ba kin da ïohi ba U Khun U Briew u wan kum u Syiem.”

MATHAÏOS 17:20

“Ka la long namar phim don ka jingngeit kaba biang,” la jubab U Jisu. “Nga pynthikna ïa phi ba lada phi don ka jingngeit kaba heh kat u symbai tyrso, phi lah ban ong ïa une u lumrit, ‘Khie leit noh nangne shatai!’ bad un leit. Phi lah ban leh ïa kano kano!”

MATHAÏOS 18:18

“Bad kumta nga ong ha phi baroh: ïa kaei kaba phi khang ha ka pyrthei yn khang ha bneng, bad ïa kaei kaba phi shah ha ka pyrthei yn shah ha bneng.

MATHAÏOS 18:3

bad u la ong, “Nga pynthikna ïa phi ba lymda phi kylla bad long kum ki khynnah, phin ym ïohrung da lei lei shapoh ka Hima ki bneng.

MATHAÏOS 19:23

Nangta U Jisu u la ong ha la ki synran, “Nga pynthikna ïa phi: kan long kaba eh than ïa ki briew bariewspah ban rung shapoh ka Hima ki bneng.

MATHAÏOS 19:28

U Jisu u la ong ha ki, “Phi lah ban thikna ba haba U Khun U Briew u shong ha ka khet badonburom jong u ha ka Ïa kaba thymmai, te ma phi ki khat-ar ngut ki nongbud jong nga phin ïashong ruh ha ki khet, ban synshar ïa ki khat-ar ki jait Israel.

MATHAÏOS 21:21

U Jisu u la jubab, “Nga pynthikna ïa phi ba lada phi ngeit bad phim sngew artatien, phin lah ban leh ïa kaei kaba nga la leh ïa une u dieng Dumbur. Bad ym tang kane, hynrei phin lah wat ban ong ha une u lum, ‘Khie joit bad pynnoh ïa lade sha duriaw,’ bad un leh kumta.

MATHAÏOS 21:31

Uno na kine ar ngut uba la leh ïa kaei kaba u kpa u la kwah?” “Uta uba kham san,” ki la jubab. Kumta U Jisu u la ong ha ki, “Nga ong ha phi: Ki nonglum khajna bad ki nuti ki leit rung shapoh ka Hima U Blei ha shuwa jong phi.

MATHAÏOS 23:36

Nga ong shisha ha phi: Ka jingpynshitom na ka bynta kine ki jingpynïap baroh kan hap halor ki briew jong kane ka juk!

MATHAÏOS 24:2

“Ho-oid,” u la ong, “phi lah ban khmih ïa kine baroh. Nga ong ha phi ïa kane: Yn ym don uwei u maw hangne u ban dang neh ha la ka jaka; uwei pa uwei na ki un shah pynhap.”

MATHAÏOS 24:47

Da shisha, nga ong ha phi, u kynrad un buh ïa uta u shakri ban khmih ïa ka jingdon jingem jong u baroh.

MATHAÏOS 25:12

‘Da lei lei ruh em! ngam ithuh ïa phi,’ u nongleitkurim u la jubab.”

MATHAÏOS 25:40

U Syiem un jubab, ‘Nga ong ha phi, ba man ba phi leh ïa kane na ka bynta uno uno uba rit tam na kine ki dkhot jong ka longïing jong nga, phi la leh ïa kane na ka bynta jong nga!’

MATHAÏOS 25:45

U Syiem un jubab, ‘Nga ong ha phi, ha man ba phi kyntait ban ïarap ïa iwei na kine kiba rit tam, phi kyntait ban ïarap ïa nga.’

MATHAÏOS 5:26

Hangta phin shong, nga ong ïa phi, tad haduh ba phin da siew dep ïa ka pisa bakhatduh jong ka jingshahdaiñ kuna.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:2

“Kumta haba phi ai ei ei ha u briew uba kyrduh, wat pynsawa jam ïa ka, kumba ki riewarsap ki leh ha ki synagog bad ha ki lynti bah. Ki leh ïa ka khnang ba ki briew kin ïaroh ïa ki. Nga pynthikna ïa phi, ba ki la da ïoh ka jingsiew ba-pura.

MATHAÏOS 8:10

Haba U Jisu u la ïohsngew ïa kane, u la lyngngoh bad u la ong ha ki briew kiba bud ïa u, “Nga ong ha phi, ngam pat ju shem ïano ïano ha Israel lem bad ka jingngeit kaba kum kane.

MARKOS 10:15

Nga kren skhem ïa phi ba uno uno u bym pdiang ïa ka Hima U Blei kum u khynnah un ym lah lano lano ruh ban rung hapoh jong ka.”

MARKOS 10:29

“Ho-oid,” U Jisu u la ong ïa ki, “bad nga ong ïa phi ba uno uno uba iehnoh ïa ka ïing ne ki hynmen ki para shynrang ne kynthei lane ka kmie lane u kpa lane ki khun lane ki lyngkha na ka bynta jong nga bad na ka bynta ka gospel, un ïohpdiang kham palat ha kane ka pateng ba mynta.

MARKOS 11:23

Nga ong skhem ha phi ba uno uno uba ong ha une u lum ban ïeng bad pynnoh ïa lade sha ka duriaw bad u bym don jingartatien ha ka dohnud jong u, hynrei ba u da ngeit ïa kaei kaba u ong kan long, yn leh na ka bynta jong u.

MARKOS 12:43

U la khot lang ïa ki synran jong u baroh bad u la ong ïa ki, “Nga ong ïa phi ba kane ka riewkynthei kaba duk, ka la pynnoh kham bun ha ka synduk jingainguh ban ïa baroh kiwei pat.

MARKOS 13:30

To kynmaw ba kine kiei kiei kin jia shuwa ba ki briew kiba dang im mynta, ki la ïap noh.

MARKOS 14:18

Katba ki dang don ha ka miej ban ïabam, U Jisu u la ong, “Nga ong ïa phi, ba uwei na phi un shetkylla ïa nga — uta uba dang ïabam bad nga.”

MARKOS 14:25

Nga ong ha phi, ngan ym dih shuh na kane ka waiñ tad haduh kata ka sngi ba nga dih na ka waiñ bathymmai ha ka Hima U Blei.”

MARKOS 14:30

U Jisu u la ong ha u Petros, “Nga ong ïa me ba ha shuwa ba u syiar un kyn-ih ar sien mynta ka miet, men sa ong lai sien ba mem ithuh ïa nga.”

MARKOS 14:9

Mynta, nga ong skhem ha phi, ba shano shano ba yn ïalap ïa ka Gospel ha kylleng ka pyrthei, ïa kaei kaba ka la leh yn ïathuh ban kynmaw ïa ka.”

MARKOS 3:28

“Nga ong skhem ïa phi ba ïa ki briew lah ban map ïa ki pop jong ki baroh, bad ïa baroh kiei kiei kiba sniew kiba ki lah ban ong.

MARKOS 6:11

Lada phi wan poi ha ka shnong kaba ki briew kim khot sngewbha ïa phi lane kim sngap ïa phi, mihnoh na ka bad kynther noh ïa u pui pui na ki kjat jong phi. Kata kan long ka jingmaham ïa ki!”

MARKOS 8:12

Hynrei U Jisu u la ud jylliew bad u la ong, “Balei ba ki briew mynta ki kwah ban ïohi kambah? Em, nga ong ïa phi! Yn ym ai kum kata ka jingpynshisha ha kine ki briew!”

MARKOS 9:1

Bad u la ong shuh shuh, “Nga ong ïa phi, ki don katto katne ngut hangne ki ban ym ïap haduh ba kin da ïohi ïa ka Hima U Blei ba ka wan ha ka bor.”

MARKOS 9:41

Nga ong skhem ïa phi ba uno uno uba ai ïa phi ka um ban dih namar ba phi long ha ka liang jong nga, un ïoh da shisha ïa la ka bainong.

LOUKAS 11:51

naduh ka jingpynïap ïa u Abel haduh ka jingpynïap ïa u Sekharaïah, uba la shah pynïap hapdeng ka duwan bad ka Jaka Bakyntang. Ho-oid, nga ong ha phi, ba ïa ki briew jong kane ka juk yn pynshitom na ka bynta jong ki baroh!

LOUKAS 12:37

A katno kiba kmen long kito ki shakri kiba u kynrad jong ki u shem ba ki dang peitmat bad kiba la kloi haba u wan! Nga ong ha phi, ba un law ïa la ka jaiñkup, un ong ïa ki ban shong, bad un shakri ïa ki.

LOUKAS 13:35

Bad kumta ïa ka Templ jong pha yn iehnoh. Nga pynthikna ïa pha ba phan ym ïohi ïa nga tad ynda ka por ka poi haba phan ong, ‘U Blei u kyrkhu ïa uta uba wan ha ka kyrteng jong U Trai.’ ”

LOUKAS 16:17

Hynrei ka kham jem ïa ka bneng bad ka pyrthei ban jah noh ban ïa kaba iehnoh ïa ka bynta kaba rit tam jong ka Hukum.

LOUKAS 18:17

Kynmaw ïa kane! Uno uno u bym pdiang ïa ka Hima U Blei kum u khynnah un ym rung shapoh jong ka da lei lei ruh.”

LOUKAS 18:29

“Ho-oid,” U Jisu u la ong ha ki, “bad nga pynthikna ïa phi ba uno uno uba iehnoh ïa ka ïing lane ïa ka tnga lane ïa ki hynmen ki para lane ïa ki kmie ki kpa lane ïa ki khun na ka bynta ka Hima U Blei

LOUKAS 23:43

U Jisu u la ong ha u, “Nga kular ïa me ba ha kane ka sngi men don ha ka Paradais bad nga.”

LOUKAS 4:24

Nga ong ha phi ïa kane,” U Jisu u la bynrap, “ïa u nongïathuhlypa ym ju pdiang sngewbha ha la ka shnong.

ÏOANNIS 1:51

Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

ÏOANNIS 10:1

U Jisu u la ong, “Nga ong ha phi ïa ka jingshisha: U briew u bym rung sha ka sem ki langbrot na ka jingkhang, hynrei uba shu kiew nawei pat, u long u nongtuh bad u nonglute.

ÏOANNIS 10:7

Kumta U Jisu u la ong biang, “Nga ïathuh ha phi ïa ka jingshisha: Nga long ka jingkhang jong ki langbrot.

ÏOANNIS 12:24

Nga ïathuh ïa phi ïa ka jingshisha: U symboh kew u ïaisah hi tang shi symboh lymda la pynhap ïa u ha ka khyndew bad u ïap. Lada u da ïap, te u sei shibun ki sohkew.

ÏOANNIS 13:16

Nga ong ha phi ïa ka jingshisha: U mraw um long kham khraw ban ïa u kynrad jong u, bad u nonglamktien um long kham khraw ban ïa uta uba la phah ïa u.

ÏOANNIS 13:38

U Jisu u la jubab, “Hato me long ba la kloi shisha ban ïap na ka bynta jong nga? Nga ïathuh ha me ïa ka jingshisha: Ha shuwa ba u syiar un kyn-ih men len ïa nga lai sien ba mem ithuh ïa nga.

ÏOANNIS 14:12

Nga ïathuh ha phi ïa ka jingshisha: Uno uno uba ngeit ha nga un leh ïa kaei kaba nga leh — ho-oid, un leh wat ïa ki kiei kiei kiba kham khraw, namar ngan leit sha U Kpa.

ÏOANNIS 16:20

Nga ong ha phi ïa ka jingshisha: Phin ïam bad phin ïamkthang, hynrei, ka pyrthei kan shadkmen; phin ïasngewsih, hynrei ka jingsngewsih jong phi kan kylla sha ka jingkmen.

ÏOANNIS 16:23

“Haba kata ka sngi ka poi, phin ym pan ei ei na nga. Nga ïathuh ha phi ïa ka jingshisha: U Kpa un ai ha phi ïa kaei kaei kaba phi pan na u ha ka kyrteng jong nga.

ÏOANNIS 21:18

Nga ïathuh ha me ïa ka jingshisha: Haba me dang samla, me ju long uba la pynkhreh bad me leit kat shaba me mon; hynrei haba me la tymmen, men kner la ki jong ki kti bad uwei pat un teh un khum ïa me bad un ïalam ïa me sha kaba mem kwah ban leit.”

ÏOANNIS 3:11

Nga ïathuh ha me ïa ka jingshisha: Ngi kren ïa kaei kaba ngi tip bad ngi ïathuh ïa kaei kaba ngi la ïohi, pynban, ym don na phi uba mon ban pdiang ïa ka khubor jong ngi.

ÏOANNIS 3:3

U Jisu u la jubab, “Nga ïathuh ha me ïa ka jingshisha: Ym don uba lah ban ïohi ïa ka Hima U Blei lymda kha pat ïa u.”

ÏOANNIS 3:5

“Nga ïathuh ha me ïa ka jingshisha,” U Jisu u la jubab, “Ym don uba lah ban rung sha ka Hima U Blei khlem da kha na ka um bad na U Mynsiem.

ÏOANNIS 5:19

Kumta U Jisu u la jubab ïa ki, “Nga ong ha phi ïa ka jingshisha: U Khun um lah ban leh ei ei na lade; u leh tang ïa kaei kaba u ïohi ba U Kpa jong u, u leh. Ïa kaei kaba U Kpa u leh, U Khun ruh u leh.

ÏOANNIS 6:26

U Jisu u la jubab, “Nga ong ha phi ïa ka jingshisha: Phi ïawad ïa nga namar ba phi la bam ïa u kpu bad phi la ïoh baroh kaba phi kwah, ym namar ba phi la sngewthuh shai ïa ki kambah jong nga.

ÏOANNIS 6:32

“Nga ong ha phi ïa ka jingshisha,” U Jisu u la ong, “kaei kaba u Moses u la ai ha phi kam dei u kpu na bneng; dei U Kpa jong nga uba ai ha phi ïa u kpu bashisha na bneng.

ÏOANNIS 6:47

Nga ong ha phi ïa ka jingshisha: Uta uba ngeit u don ka jingim bymjukut.

ÏOANNIS 6:53

U Jisu u la ong ha ki, “Nga ong ha phi ïa ka jingshisha: Lada phim bam ïa ka doh jong U Khun U Briew bad dih ïa ka snam jong u, phin ym don ïa ka jingim ha lade.

ÏOANNIS 8:34

U Jisu u la ong ha ki, “Nga ong ha phi ïa ka jingshisha: Uno uno uba leh pop u long u mraw ka pop.

ÏOANNIS 8:51

Nga ong ha phi ïa ka jingshisha: Uno uno uba kohnguh ïa ka jinghikai jong nga un ym ïap lano lano ruh.”

ÏOANNIS 8:58

“Nga ong ha phi ïa ka jingshisha,” U Jisu u la phai ktien. “Ha shuwa ban kha ïa u Abraham, ‘Nga la long.’ ”

1 PETROS 1:25

hynrei ka ktien jong U Trai ka ïaineh junom.” Kane ka ktien ka long ka Khubor Babha ïa kaba la pynbna ha phi.

JINGPYNPAW 20:11

Nangta nga la ïohi ïa ka khet balieh kaba khraw bad ïa uta uba shong ha ka. Ka pyrthei bad ka bneng ki la phet na khmat jong u bad ym shym la ïohi shuh ïa ki.