MATHAÏOS 5:16 - Khasi CL Bible (BSI)

¹⁶ Ha kajuh ka rukom ka jingshai jong phi ka dei ban shai ha khmat ki briew, khnang ba kin ïohi ïa kiei kiei kiba bha kiba phi leh bad ïaroh ïa u Kpa jong phi uba ha bneng.

KA BAIBL

¹⁶ To pynshai kumta ïa ka jingshai jong phi ha khmat ki briew, ba kin ïohi ïa ki jingleh babha jong phi bad ïoh ïaroh ruh ïa U Kpa jong phi uba ha ki bneng.”

MATHAÏOS 5:16 ပူးပေါင်းရင်းမြစ်များ

EKSODOS 34:35

bad ki ïohi ba ka khmat jong u ka tyngshaiñ. Kumta u buh biang ïa kata ka jaiñtapkhmat haduh ba un da leit ïakren pat bad U Trai.

PROBERB 4:18

Ka lynti kaba kiba hok ki ïaid ka long kum ka jingmih ka sngi; ka nang phyrnai nang phyrnai haduh ba kan da shai bha kum mynsngi.

ISAÏAH 58:8

“Te ka jinglehieit jong nga kan tyngshaiñ ha phi kum ka sngi mynstep, bad ki jingmong jong phi kin sa koit kloi. Ngan don ryngkat bad phi borabor ban pyllait ïa phi; ka jingdon ryngkat jong nga kan ïada ïa phi ha ki liang baroh.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

MATHAÏOS 23:5

Ki leh ïa kiei kiei baroh khnang ba ki briew kin ïohi ïa ki. Peit ïa ki jingteh 'sai snieh kiba don ki jingthoh bakhuid ïa kiba ki teh ha ki shyllangmat bad ki ksang'ti jong ki, bad khmih haduh katno ki long kiba heh! Khmih ruh katno kiba jrong ki ksai jyrthiaw ha ki jaiñkup jong ki!

MATHAÏOS 23:9

Bad phim dei ban khot ïano ïano ha kane ka pyrthei ‘u Kpa,’ namar ba phi don tang uwei u Kpa ha bneng.

MATHAÏOS 5:45

khnang ba phi lah ban long ki khun jong U Kpa jong phi uba ha bneng. Namar u pynlong ïa ka sngi kaba u la thaw ban tyngshaiñ ha ki briew kiba sniew bad kiba bha kumjuh, bad u ai slap ha kito kiba leh ïa kaba bha bad ha kito kiba leh ïa kaba sniew.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

MATHAÏOS 9:8

Haba ki briew ki la ïohi ïa kata, ki la sheptieng, bad ki la ïaroh ïa U Blei uba la ai kum kata ka iktiar ha ki briew.

LOUKAS 11:2

U Jisu u la ong ha ki, “Haba phi duwai, to ong ïa kane: “ ‘Ko Kpa: Ai ba ka kyrteng jong me kan long kaba la pyndonburom; ai ban wan ka Hima jong me.

ÏOANNIS 15:8

Ka burom U Kpa jong nga ka paw da ka jingseisoh ba bun jong phi; bad ha kane ka rukom phi long ki synran jong nga.

KI KAM 9:36

Ha Joppa la don ka briew kaba kyrteng ka Tabitha, kaba long ka riewngeit. (Ka kyrteng jong ka ha ka Ktien Grik ka long ka Dorkas, kaba mut “ka skei.”) Ka la pynlut ïa ka por jong ka baroh ha kaba leh babha bad ha kaba ïarap ïa kiba duk.

1 KORINTH 14:25

Yn bishar ïa u da kiei kiei baroh kiba u ïohsngew; ïa ki jingpyrkhat barieh jong u yn pynpaw madan, bad un dem ngon bad mane ïa U Blei, da kaba phla, “Da shisha U Blei u don hangne hapdeng jong phi.”

2 KORINTH 9:13

Bad namar ka jingpynshisha ïa kaba kane ka jingshakri jong phi ka wallam, bun ki ban ai burom ïa U Blei na ka bynta ka jingïaineh jong phi ha ka gospel U Khrist, ïa kaba phi ïaphla, bad ïa ka jinglehsbun jong phi ha kaba ïasam bynta lem bad ki bad uwei pa uwei ruh.

GALATIA 1:24

Bad kumta ki la ïaroh ïa U Blei namar jong nga.

EPHESOS 2:10

U Blei u la pynlong ïa ngi kumba ngi long, bad ha U Khrist Jisu u la pynlong ïa ngi ban im na ka bynta ki kam babha, ïa kiba u la pynkhreh lypa ba ngin leh ïa ki.

EPHESOS 5:8

Phi hi phi la ju long mynno mynno ha ka jingdum, hynrei namar phi la long ki briew jong U Trai, phi long ha ka jingshai. Kumta phi dei ban im kum ki briew kiba don ha ka jingshai,

1 THESSALONI 2:12

Ngi la pynshlur ïa phi, ngi la pyntngen ïa phi, bad ngi ïai kyrpad ïa phi ban im ka jingim kaba pynsngewbha ïa U Blei, uba khot ïa phi ban ïa-ïoh bynta lem ha ka Hima bad ka burom jong u hi.

1 TIMOTHI 5:10

Nalor kata ka dei ban long kaba la shongkurim tang shisien bad donnam ha ki kam babha: Ka briew kaba la pynsan pynrangbah bha ïa la ki khun, kaba pdiang ïa ki nongwei ha ka ïing jong ka, kaba leh ïa ki kam rit na ka bynta ki parabangeit, kaba ïarap ïa ki briew kiba don ha ka jingjynjar, bad kaba aiti ïa lade ha kaba leh ïa kaba bha.

1 TIMOTHI 5:25

Ha kajuh ka rukom ki kam babha ki paw shai kdar, bad wat ïa kito ki bym da paw shai ym lah ban buhrieh.

1 TIMOTHI 6:18

To hukum ïa ki ba kin leh ïa kaba bha, ban man kyrhai ha ki kam babha, ban long kiba sbun bad kiba kloi ban ïasam bad kiwei.

TITOS 2:14

U la aiti ïa lade na ka bynta jong ngi, ban pyllait ïa ngi na ka jingbymman baroh bad ban pynlong ïa ngi ki briew kiba khuid kiba dei ki jong U hi bad kiba kwah hir hir ban leh ïa kaba bha.

TITOS 2:7

Ha kiei kiei baroh phi dei ban long ka nuksa jong ka jinglong babha. To long kiba minot bad kiba kitkhia ha ka jinghikai jong me.

TITOS 3:14

Ki briew jong ngi ki dei ban nang ban pynlut ïa la ka por ha kaba leh babha, khnang ba ki lah ban pyndap ïa ki jingdonkam bashisha; kim dei ban im ka jingim ka bymlarkam.

TITOS 3:4

Hynrei haba la pynpaw ïa ka jingsbun bad ka jingieit U Blei U Nongpynim jong ngi, u la pynim ïa ngi.

HEBRU 10:24

To ngin pyrkhat khia uwei ïa uwei pat, ban ïarap uwei ïa uwei pat, ban pynpaw ïa ka jingïa-ieit bad ban lehbha.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 2:9

Hynrei ma phi, phi long ka kynja ba la jied, ki lyngdoh jong U Syiem, ka jaitbynriew bakhuid, ki briew kiba dei jong U Blei hi, ba la jied ban pynbna ïa ki kam baphylla jong U Blei, uba la khot noh ïa phi na ka jingdum sha ka jingshai baphylla jong u hi.

1 PETROS 3:1

Ha kajuh ka rukom, phi ki kynthei, to da pynkohnguh ïa lade ha la ki tnga, khnang ba lada don uno uno napdeng jong ki, ki bymngeit ïa ka ktien U Blei, ka jinglong jingim jong phi kan jop ïa ki ban ngeit.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

1 PETROS 4:11

Uno uno uba ïalap, u dei ban ïalap ïa ki khubor jong U Blei; uno uno uba shakri, u dei ban shakri da ka bor kaba U Blei u ai ïa u, khnang ba ha kiei kiei baroh yn ai ïa ka jingïaroh sha U Blei da U Jisu Khrist, ha uba ka burom bad ka bor ki long ki jong u junom la junom, Amen.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.