MATHAÏOS 5:15 - Khasi CL Bible (BSI)

¹⁵ Ym don uno uno uba thang ïa ka sharak bad buh ïa ka hapoh ka shang; hynrei u buh ïa ka halor u diengpynïeng sharak, na kaba ka ai jingshai ïa baroh kiba hapoh ka ïing.

KA BAIBL

¹⁵ Lymne kim ju thang ïa ka sharak, bad buh ïa ka hapoh ka shang, hynrei, ha ka dieng pynïeng sharak; te ka pynshai ïa baroh kiba ha ka ïing.

MATHAÏOS 5:15 ပူးပေါင်းရင်းမြစ်များ

EKSODOS 25:37

Thaw hynñiew tylli ki sharak na ka bynta u diengpynïeng sharak, bad buh ïa ki ba kin ai jingshai ïa ka jaka kaba ha khmat jong u.

SEKHARAÏAH 4:2

“Kaei me ïohi?” U la kylli. “U diengpynïeng sharak ba la shna da ka ksiar,” nga la jubab. Ha ka kliar ka don ka pliang na ka bynta ka umphniang. “Halor u diengpynïeng sharak don hynñiew tylli ki sharak, kawei kawei bad ki jaka na ka bynta ki hynñiew tylli ki ksai sharak.

JINGKHEIÑ 8:2

“Ïathuh ha u Aaron ba haba u buh ïa ki hynñiew tylli ki sharak ha u diengpynïeng sharak, un buh ïa ki ha kata ka rukom ba kin shat jingshai sha khmat.”

MARKOS 4:21

U Jisu u la bteng, “Hato ju don uno uno uba wallam ïa ka sharak bad buh ïa ka hapoh ka shang lane ha khrum jingthiah? Hato um buh ïa ka ha u diengpynïeng sharak?

LOUKAS 11:33

“Ym don uba thang ïa ka sharak bad nangta u buhrieh ïa ka lane buh ïa ka hapoh ka shang; pynban, u buh ïa ka halor u diengpynïeng sharak, khnang ba ki briew ki lah ban ïohi ïa ka jingshai katba ki wan rung shapoh.

LOUKAS 11:36

Lada ka met jong phi baroh kawei ka dap da ka jingshai, khlem kano kano ka bynta jong ka ha kaba dum, kan long kaba phyrnai ha baroh, kum haba ka sharak ka tyngshaiñ ha phi da ka jingphyrnai jong ka.”

LOUKAS 8:16

“Ym don mano mano ba thang ïa ka sharak bad tap ïa ka da ka shang lane buh ïa ka ha khrum jingthiah. Pynban, u buh ïa ka halor u diengpynïeng sharak, khnang ba ki briew kin ïohi ïa ka jingshai katba ki dang wan rung.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

HEBRU 9:2

Ïa ka Ïingjaiñ la pynïeng, ka bynta kaba ha khmat, ïa kaba la khot ka Jaka Bakyntang. Ha ka la buh ïa u diengpynïeng sharak bad ka miej lem bad u kpu ïa uba la ainguh sha U Blei.

JINGPYNPAW 2:5

Pyrkhat katno jngai pha la hap! Phai noh na ki pop jong pha bad leh ïa kaei kaba pha la leh ha kaba mynnyngkong. Lada pham phai noh na ki pop jong pha, ngan wan sha pha bad ngan shim noh ïa u diengpynïeng sharak na ka jaka jong u.