MATHAÏOS 5:12 - Khasi CL Bible (BSI)

¹² To kmen, to sngewkmen, namar ïa ka bainong bakhraw la buh na ka bynta jong phi ha ki bneng. Kane ka long da kumno la pynshitom beiñ ïa ki nongïathuhlypa kiba la im ha shuwa jong phi.

KA BAIBL

¹² To ïakmen, to ïashadkmen ruh: namar ka bakhraw ka bainong jong phi ha ki bneng: naba kumta ki la ïa-pynshitom ïa ki nongïathuhlypa kiba la mynshuwa jong phi.”

MATHAÏOS 5:12 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

1 SYIEM 18:13

Phim shym ïohsngew ba katba ka Jesebel ka dang pynïap ïa ki nongïathuhlypa jong U Trai, nga la buhrieh shispah ngut na ki ha ki krem, ha ki ar kynhun kiba sanphew ngut kawei kawei ka kynhun, bad pynbiang jingbam bad um ïa ki?

1 SYIEM 18:4

bad haba ka Jesebel ka dang pynïap ïa ki nongïathuhlypa jong U Trai, u Obadaïah u la shim bad pynrieh ïa ki shispah ngut ki nongïathuhlypa ha ki krem, da kaba phiah ïa ki ha ki ar kynhun kiba sanphew ngut ha kawei kawei ka kynhun, bad u la pynbiang jingbam bad um ïa ki.)

1 SYIEM 19:2

Ka la phah khubor sha u Elijah: “Ai ba ki blei kin pynïap ïa nga lashai kum ha kane ka por lada ngam leh ïa kajuh kaba me la leh ïa ki nongïathuhlypa.”

1 SYIEM 21:20

Haba u Ahab u ïohi ïa u Elijah, u ong “Me u nongshun jong nga, me la lap mo ïa nga?” “Ho-oid, nga la lap,” u Elijah u jubab, “Me la aiti lut ïa lade ban leh ïa kaei ka bymdei ha khmat U Trai.

1 SYIEM 22:8

U Ahab u jubab, “Don sa uwei, u Mikaïah u khun jong u Imlah. Hynrei nga isih ïa u, namar um ju ïathuhlypa ïa kaba bha shaphang jong nga, borabor ka dei tang ïa kaba sniew suda.” “Phim dei ban ong kumta!” U Jehoshaphat u jubab.

2 SYIEM 1:9

Nangta u la phah ïa u rangbah pynïaidkam lem bad sanphew ngut ki rangbah ban wanlam ïa u Elijah. U rangbah pynïaidkam u shem ïa u ba u shong halor u lum bad u ong ha u, “Ko briew jong U Blei, u syiem u hukum ïa phi ban wan hiar shane.”

2 KHRONIKL 16:10

Kane ka la pynlong ïa u Asa ban bitar haduh katta katta ïa u nongïathuhlypa bad phah teh kynjri ïa u. Ka la long ha kane kajuh ka por ba u Asa u sdang ban lehbeiñ tyngeh ïa katto katne ngut ki briew.

2 KHRONIKL 36:16

Hynrei ki rkhiebeiñ ïa ki nonglamktien jong U Blei, kim suidñiew ïa ki ktien jong u bad ki rkhiebeiñ ïa ki nongïathuhlypa, ha kaba kut ka jingbitar U Trai pyrshah ïa la ki briew ka long kaba jur katta katta kat ban ym don lad shuh ban lait na ka.

NEHEMAÏAH 9:26

“Hynrei ki briew jong me ki ïaleh pyrshah bad leh bymkohnguh ïa me; ki phai dien noh na ka Hukum jong me. Ki pynïap ïa ki nongïathuhlypa kiba maham ïa ki,

SALM 19:11

Ki ai jingtip ïa nga, u shakri jong me; la ainong ïa nga namar ka jingkohnguh ïa ki.

SALM 58:11

Ki briew kin ong, “Kiba hok da shisha ki la ïoh ïa ka bainong; da shisha don U Blei uba bishar ïa ka pyrthei.”

PROBERB 11:18

Ki briew kiba bymman da shisha kim ïohnong ei ei, hynrei lada phi leh ïa kaei kaba dei, ka pynthikna ba phin ïoh ïa ka bainong.

ISAÏAH 3:10

Ki briew kiba hok kin kmen, bad kiei kiei baroh kin bit kin biang ïa ki. Kin ïoh ban lehkmen ïa kaei kaba ki la trei.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 26:8

bad hamar ba nga la pyndep ïa baroh kaba U Trai u la hukum ïa nga ban kren, ki la kem ïa nga bad pyrta, “Me dei ban shah pynïap namar kane!

JEREMAÏAH 37:14

Nga la jubab, “Kam long kumta! Ngam phet noh.” Hynrei u Irijah um sngap ïa nga. Pynban, u la kem ïa nga bad ïalam ïa nga sha ki rangbah synshar.

MATHAÏOS 16:27

Naba U Khun U Briew u la jan wan ha ka burom jong U Kpa jong u lem bad la ki angel, bad nangta un ainong ïa uwei pa uwei kat kum ki kam jong u.

MATHAÏOS 6:16

“Bad haba phi shahjingit, wat leh 'mat sngewsih kumba ki riewarsap ki leh. Kim kheiñ ïa kaba paw shabar jong ki khnang ba baroh kin ïohi ba ki shahjingit. Nga pynthikna ïa phi, ki la ïoh lypa ïa ka jingsiew kaba pura.

LOUKAS 13:34

“A Jerusalem, Jerusalem! Pha pynïap ïa ki nongïathuhlypa, pha lynthem maw ïa ki nonglamktien kiba U Blei u la phah sha pha! Katno sien nga la kwah ban kdup ki briew jong pha, kumba ka syiar ka kdup ïa la ki khun hapoh ki thapniang jong ka, hynrei phan ym shah ïa nga!

LOUKAS 6:23

To kmen haba kata ka jia, bad to shad da ka jingkmen, namar ïa ka bainong kaba khraw la buh na ka bynta jong phi ha bneng. Naba ki kpa tymmen jong ki, ki la leh ïa kajuh ha ki nongïathuhlypa.

LOUKAS 6:35

Em! Ieit ïa ki nongshun jong phi bad lehbha ïa ki; to ai kylliang bad wat khmih lynti ban ïoh ei ei pat. Te phin ïoh ka bainong kaba khraw, bad phin long ki khun jong U Blei Uba Hakhlieh Tam Eh. Naba u long uba bha ïa u bymsngewnguh bad ïa uba bymman.

KI KAM 16:25

Kumba shiteng synñia, u Paul bad u Silas ki dang duwai bad rwai ki jingrwai ïaroh ïa U Blei bad kiwei pat ki koidi ki dang shahshkor ïa ki.

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

Ka Shithi U Paul Sha Ki Nong Rom 5:3

Ngi sngewsarong ruh ïa ki jingshah shitom jong ngi, namar ngi tip ba ka jingshah shitom ka pynmih ïa ka jingïaishah,

1 KORINTH 3:8

Ym don jingïapher hapdeng u briew uba bet bad u briew uba ai um; U Blei un ai bainong ïa uwei pa uwei kat kum ka kam kaba u la leh.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

PHILIPPI 2:17

Lehse ïa ka snam jong ka jingim jong nga la dei ban theh noh kum ka jingainguh halor ka jingkñia kaba long ka jingngeit jong phi ba ai sha U Blei. Lada kata ka long kumta, nga shadkmen bad nga ïasam bynta lem ïa ka jingkmen jong nga bad phi baroh.

KOLOSSAI 1:24

Bad mynta nga kmen shaphang ki jingshahshitom jong nga na ka bynta jong phi, naba da ki jingshahshitom jong nga ha ka doh, nga ïarap ban pyndep ïa kaei kaba dang sah na ki jingshahshitom jong U Khrist na ka bynta ka balang, kaba long ka met jong u.

KOLOSSAI 3:24

Kynmaw ba U Trai un ai ha phi kum ka bainong ïa kaei kaba u la buh na ka bynta ki briew jong u. Naba U Khrist u dei U Kynrad bashisha uba phi shakri.

1 THESSALONI 2:15

kiba la pynïap ïa U Trai Jisu bad ïa ki nongïathuhlypa, bad ki la pynshitom beiñ ïa ngi. A kumno ki la long ki bym pynsngewbha ïa U Blei! A kumno ki la long kiba shun iwei ïa iwei!

HEBRU 10:34

Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

HEBRU 11:26

U la ñiew ba ka jingshah krenbeiñ na ka bynta U Messaïah ka long kaba kham kordor bun shah ban ïa ka spah baroh jong ka ri Ijipt, naba u khmih lynti ïa ka bainong ka ban sa wan.

HEBRU 11:33

Da ka jingngeit ki la ïaleh pyrshah ïa baroh ki hima bad ki la jop. Ki la leh ïa kaei kaba dei hok bad ki la ïohpdiang ïa kaei kaba U Blei u la kular.

HEBRU 11:6

Ym don uno uno uba lah ban pynsngewbha ïa U Blei khlem ka jingngeit, naba uta uba wan sha U Blei u dei ban don ka jingngeit ba U Blei u don, bad ba u ainong ïa kita kiba wad ïa u.

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

JAKOB 5:10

Ko parabangeit jong nga, to kynmaw ïa ki nongïathuhlypa kiba la kren ha ka kyrteng jong U Trai. To shim ïa ki kum ki nuksa jong ka jingïaineh ba-ïaishah hapdeng ka jingshahshitom.

1 PETROS 4:13

Pynban to shadkmen ba phi ïoh bynta lem ha ki jingshahshitom U Khrist, khnang ba phi lah ban long kiba dap da ka jingkmen haba ïa ka burom jong u yn pynpaw.

RUTH 2:12

To U Trai un ainong ïa phi namar kaei kaba phi la leh. Ai ba phin ïoh ka bainong kaba pura na U Trai U Blei ki Israel, sha uba phi la wan ban ïoh jingïada.”