MATHAÏOS 5:11 - Khasi CL Bible (BSI)

¹¹ “Suk ma phi haba ki briew ki krenbeiñ bad pynshitom beiñ ïa phi, bad ong bun jait ki jinglamler basniew pyrshah ïa phi namar ba phi long ki nongbud jong nga.

KA BAIBL

¹¹ “Suk ma phi haba kin ïakrenbeiñ, bad pynshitom ïa phi, bad ba kin ong ki ktien bymman baroh ruh ïa phi na ka bynta jong nga, haba ki shu lamler.

MATHAÏOS 5:11 ပူးပေါင်းရင်းမြစ်များ

SALM 35:11

Ki riewbymman ki sakhi pyrshah ïa nga; ki mudui ïa nga shaphang ki kam runar kiba ngam tip ei ei.

SALM 44:22

Hynrei ka dei na ka bynta jong me, ba ïa ngi la pynïap noh man la ka por, ba la pynlong ïa ngi kum ki langbrot ba dei ban shah pynïap.

ISAÏAH 25:8

U Trai Nongsynshar un pynkut noh ïa ka jingïap junom! Un ñiad noh ïa ki ummat na ki khmat jong baroh bad un weng noh ïa ka jingjahburom kaba ki briew jong u ki la shah ha kylleng ka pyrthei. U Trai hi da lade u la kren!

ISAÏAH 51:7

“To shahshkor ïa nga, phi kiba tip ïa kaei kaba dei, kiba don ka jinghikai jong nga kaba neh ha la ki dohnud. Wat sheptieng haba ki briew ki pynsalia bad krenbeiñ ïa phi;

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

JEREMAÏAH 37:14

Nga la jubab, “Kam long kumta! Ngam phet noh.” Hynrei u Irijah um sngap ïa nga. Pynban, u la kem ïa nga bad ïalam ïa nga sha ki rangbah synshar.

MATHAÏOS 10:18

Na ka bynta jong nga phin shah tian bishar ha khmat ki nongsynshar bad ki syiem, ban ïathuh ïa ka Khubor Babha ha ki bad ha ki Jentil.

MATHAÏOS 10:22

Baroh kin isih ïa phi namar jong nga. Hynrei uno uno uba ïeng skhem haduh kaba kut un lait im.

MATHAÏOS 10:25

Kumta uba shah hikai u dei ban sngewhun ban long kum u nonghikai jong u, bad u mraw kum u kynrad jong u. Lada ïa u khlieh jong ka longïing la khot u Beelsebul, ïa ki dkhot jong ka longïing yn khot da ki kyrteng kiba kham sniew!

MATHAÏOS 10:39

Uno uno uba pyrshang ban pynïoh myntoi ïa la ka jingim un duh noh ïa ka, hynrei uno uno uba duh noh ïa la ka jingim na ka bynta jong nga un ïoh ïa ka.

MATHAÏOS 19:29

Bad uno uno uba la iehnoh ïa ki ïing ki sem lane ïa ki hynmen ki para lane ïa u kpa lane ïa ka kmie lane ïa ki khun ki kti lane ïa ki lyngkha na ka bynta jong nga, un ïohpdiang shispah shah tam ïa kata, bad yn ai ha u ïa ka jingim bymjukut.

MATHAÏOS 24:9

“Nangta ïa phi yn kem bad yn aiti ban shah pynshitom bad ban shah pynïap. Ki jaitbynriew baroh kin isih ïa phi namar jong nga.

MATHAÏOS 27:39

Ki briew kiba ïaid lynti nangta ki pynkhih ïa la ki khlieh bad ki da ther ki jingkrenbeiñ ïa U Jisu:

MARKOS 13:13

Baroh kin shun ïa phi na ka bynta jong nga. Hynrei uta uba ïaineh haduh kaba kut, un ïohlait im.

MARKOS 13:9

“Ma phi ïa lade hi phi dei ban long kiba sumar bha. Phin shah kem bad shah ïalam sha ka ïingbishar. Ïa phi yn sa shoh ha ki synagog; phin sa ïeng ha khmat ki nongsynshar bad ki syiem na ka bynta jong nga ban ïathuh ha ki ïa ka Khubor Babha.

MARKOS 4:17

Hynrei ka khubor kam ngam jylliew hapoh jong ki, bad kim neh slem. Kumta haba ka jingeh lane ka jingpynshitom beiñ ka wan namar ka khubor, tang kumta hi ki phai dien noh.

MARKOS 8:35

Naba uno uno uba kwah ban pynim ïa la ka jong ka jingim un duh noh ïa ka; hynrei uno uno u ban duh noh ïa la ka jingim na ka bynta jong nga bad na ka bynta ka Gospel un pynim ïa ka.

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

LOUKAS 21:17

Uwei uwei baroh un shun ïa phi namar jong nga.

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

LOUKAS 9:24

Naba uno uno uba kwah ban pynim ïa la ka jong ka jingim un duh noh ïa ka, hynrei uno uno uba duh ïa ka jingim na ka bynta jong nga un pynim ïa ka.

ÏOANNIS 15:21

Hynrei kin leh ïa kane baroh ïa phi namar ba phi long ki jong nga; naba kim ithuh ïa uta uba la phah ïa nga.

ÏOANNIS 9:28

Ki la tim ïa u bad ki da ong, “Me long u synran jong une u briew: Hynrei, ngi long ki synran u Moses.

KI KAM 9:16

Bad nga hi ngan pyn-i ha u ïa baroh kaba u dei ban shah na ka bynta jong nga.”

Ka Shithi U Paul Sha Ki Nong Rom 8:36

Kumba ka Jingthoh Bakhuid ka ong, “Na ka bynta jong phi ngi la long ha ka jingma jong ka jingïap ha ki por baroh; la leh ïa ngi kum ïa ki langbrot ba la ïalam sha ka jingpynïap.”

1 KORINTH 4:10

Na ka bynta U Khrist ngi long kiba bieit; hynrei, phi long kiba stad ha U Khrist! Ngi long kiba tlot, hynrei phi long kiba khlaiñ! Ngi long kiba la ibeiñ, hynrei phi long kiba la pyndonburom!

2 KORINTH 4:11

Ha shi lynter ka jingim, ngi don ha tmier jong ka jingïap na ka bynta U Jisu, khnang ba yn ïohi ïa ka jingim jong u ha kane ka met baïap jong ngi.

PHILIPPI 1:29

Naba ïa phi la ai ka lad ban shakri ïa U Khrist, ym tang ban ngeit ha u, hynrei ban shahshitom ruh na ka bynta jong u.

1 PETROS 2:23

Haba la krenbeiñ ïa u, um shym pynphai ktien kylliang da kaba krenbeiñ; haba u shahshitom, um shym la byrngem, hynrei u la buh ïa la ki jingkyrmen ha U Blei, u Nongbishar bahok.

1 PETROS 4:14

Suk ma phi haba phi shah krenbeiñ namar ba phi long ki nongbud jong U Khrist; kane ka mut ba U Mynsiem ka burom, U Mynsiem jong U Blei, u don ha phi.

JINGPYNPAW 2:3

Pha long kaba ïaishah, pha la shahshitom na ka bynta jong nga, bad pham shym la kynran dien.