MATHAÏOS 5:10 - Khasi CL Bible (BSI)

¹⁰ Suk kito kiba shah pynshitom beiñ namar ba ki leh ïa kaei kaba U Blei u dawa; ka Hima ki bneng ka long ka jong ki!

KA BAIBL

¹⁰ “Suk kiba ïoh pynshitom na ka bynta ka hok: naba jong ki, long ka hima ki bneng.

MATHAÏOS 5:10 ပူးပေါင်းရင်းမြစ်များ

SALM 37:12

U briew bymman u sylla pyrshah ïa u briew babha, bad u peitsuh ïa u da ka jingisih;

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

MATHAÏOS 10:23

Haba kin pynshitom beiñ ïa phi ha kawei ka shnong, to phet sha kawei pat. Nga pynthikna ïa phi ba phin ym pat lah ban pyndep ïa ka kam jong phi ha baroh ki shnong jong ka Israel ha shuwa ba U Khun U Briew un wan.

MATHAÏOS 19:14

U Jisu u la ong, “Shah ïa ki khynnah ba kin wan sha nga bad wat khang ïa ki, namar ka Hima ki bneng ka long ïa kiba kum kine.”

MATHAÏOS 25:34

Nangta u Syiem un ong ha ki briew kiba ha ka liang kamon jong u, ‘To wan, phi kiba la kyrkhu da U Kpa jong nga! To wan bad to ïoh ïa ka hima kaba la pynkhreh na ka bynta jong phi naduh kaba pynlong ïa ka pyrthei.

MATHAÏOS 5:3

“Suk kito kiba tip ba ki long kiba duk ha kaba kynja mynsiem; ka Hima ki bneng ka long ka jong ki!

MARKOS 10:14

Haba U Jisu u la ïohi ïa kane, u la sngewbitar bad u la ong ïa ki synran jong u, “Shah ïa ki khynnah ban wan ha nga, bad wat khang ïa ki, namar ka Hima U Blei ka long na ka bynta kum kine.

MARKOS 10:30

Un ïohpdiang shispah shah shuh shuh ki ïing, ki hynmen ki para shynrang ne kynthei, ki kmie, ki khun bad ki lyngkha — bad ki jingshah pynshitom beiñ ruh kumjuh; bad ha ka pateng ka ban sa wan un ïoh ka jingim bymjukut.

LOUKAS 21:12

Pynban, ha shuwa ba kine kiei kiei baroh kin jia, ïa phi yn kem bad pynshitom beiñ; yn aiti ïa phi ban shah tian bishar ha ki synagog bad ban shah thep ha ka byndi; yn wallam ïa phi ha khmat ki syiem bad ki nongsynshar na ka bynta jong nga.

LOUKAS 22:29

bad kumba U Kpa jong nga u la ai ha nga ka bor ban synshar, kumta ngan ai ha phi ïa kajuh ka bor.

LOUKAS 6:20

U Jisu u la khmih ha la ki synran bad u la ong, “Suk phi kiba duk; ka Hima U Blei ka long ka jong phi!

LOUKAS 6:22

“Suk ma phi haba ki briew ki isih ïa phi; kiba kyntait ïa phi, ki krenbeiñ ïa phi, bad ki ong ba phi long uba sniew, baroh namar U Khun U Briew!

ÏOANNIS 15:20

To kynmaw ïa kaei kaba nga la ong ha phi: ‘U mraw um long kham khraw ban ïa la u Kynrad.’ Lada ki pynshitom ïa nga, kin pynshitom ïa phi ruh; lada ki la kohnguh ïa ka jinghikai jong nga, kin kohnguh ïa ka jong phi ruh.

KI KAM 5:40

Ki la khot shapoh ïa ki apostol, ki la phah sympat ïa ki, bad hukum ïa ki ban ym kren shuh da lei lei ha ka kyrteng jong U Jisu; bad nangta ki la pyllait noh ïa ki.

KI KAM 8:1

Bad u Saul u la mynjur ïa ka jingpynïap ïa u Stephan. Ha kata hi ka sngi, ka balang ha Jerusalem ka la sdang ban mad ïa ka jingpynshitom beiñ kaba shyrkhei. Baroh ki riewngeit, lait noh ki apostol, ki la sakma sha kylleng jong ki thain ka Judia bad ka Samaria.

2 KORINTH 4:17

Bad kane ka jingshahshitom kaba khyndiat bad kaba tang shipor kaba ngi shah kan wallam ha ngi ïa ka burom bakhraw bad ba bymjukut, kaba kham khraw palat ban ïa kata ka jingjynjar.

PHILIPPI 1:28

Wat sheptieng ïa ki nongshun jong phi; long borabor kiba shlur, bad kane hi kan pynshisha ha ki, ba kin shah rem bad ba phin jop, namar dei U Blei uba ai ïa phi ka jingjop.

2 TIMOTHI 2:12

Lada ngi ïai bteng ban ïaishah, ngin sa synshar ruh lem bad u. Lada ngin len ïa u, u ruh un len ïa ngi.

2 TIMOTHI 3:11

Me tip lut ïa baroh kaba la jia ha nga ha Antiokh, Ikoniom, bad Lystra, ki jingpynshitom bashyrkhei kiba nga la ïaishah! Hynrei u Trai u la pyllait ïa nga na ki baroh.

JAKOB 1:12

Suk uta u briew uba ïaineh hapdeng ki jingtynjuh, namar ynda u jop haba u la ïaid lyngba ïa kaba kum kata ka jingtynjuh, un ïohpdiang kum ka bainong jong u ïa ka jingim kaba U Blei u la kular ha kito kiba ieit ïa u.

JAKOB 5:11

Ngi khot ïa ki kiba suk namar ki la long kiba ïaishah. Phi la ïohsngew ïa ka jingïaishah u Job, bad phi tip kumno U Trai u la pyndap ïa u ha kaba kut. Naba U Trai u long uba dap da ka jinglehisynei bad jinglehsbun.

1 ÏOANNIS 3:12

Ngim dei ban long kum u Kain; u la long jong u Basniew bad u la pynïap ïa u Abel, u para jong u. Balei u Kain u la pynïap ïa u? Namar kiei kiei kiba u la leh da lade hi ki la long ki bym dei, hynrei kiei kiei kiba u para jong u, u la leh ki la long kiba dei.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.