MATHAÏOS 4:5 - Khasi CL Bible (BSI)

⁵ Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

KA BAIBL

⁵ Ynda kumta, u Soitan u la ïalam ïa U sha ka nongbah ka bakhuid; bad u la buh ïa U halor jrong ka dong ka templ,

MATHAÏOS 4:5 ပူးပေါင်းရင်းမြစ်များ

2 KHRONIKL 3:4

Ka kamra rung ka heh kat ka pyngkiang jong ka Templ, khyndai mitar, bad ka jingjrong kaba sanphew saw mitar. Ïa ka bynta bashapoh jong ka kamra la suit da ka ksiar nylla.

NEHEMAÏAH 11:1

Ki nongïalam ki la shong la sah ha Jerusalem, bad kiba sah na ki briew, ki la kynting sbai ban jied kawei ka longïing na man ki shiphew tylli ki longïing ban leit shong leit sah ha ka nongbah bakhuid jong ka Jerusalem, katba kiwei pat kiba sah kin shong kin sah ha kiwei pat ki nongbah bad ki shnong.

ISAÏAH 48:2

Bad pynban phi sngewsarong ban ong ba phi long ki nongshong shnong jong ka nongbah bakhuid bad ba phi shaniah ha U Blei ki Israel, uba ka kyrteng jong u ka long U Trai Badonbor Baroh.

ISAÏAH 52:1

Ko Jerusalem, to long khlaiñ bad long khraw biang! Ko nongbah Bakhuid jong U Blei, to kup ïa lade da ka burom! Kiba mane blei thala kin ym ïohrung shuh da lei lei lyngba ki khyrdop jong pha.

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MATHAÏOS 27:53

Ki la iehnoh ïa ki jingtep bad hadien ba U Jisu u la mihpat na ka jingïap, ki la leit rung sha ka Nongbah Bakhuid, ha kaba shibun ki briew ki la ïohi ïa ki.

LOUKAS 4:9

Nangta u Soitan u la ïalam ïa u sha Jerusalem bad buh ïa u ha ka jaka kaba jrong tam jong ka Templ, bad u la ong ha u, “Lada me long U Khun U Blei, to pynnoh ïa lade sha tbian nangne.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

JINGPYNPAW 11:2

Hynrei wat thew ïa ki phyllaw kiba shabar, namar la ai noh ïa ki ha kiba mane blei thala, ki ban sa ïuhroit ïa ka Nongbah Bakhuid haduh sawphew ar bnai.