MATHAÏOS 4:24 - Khasi CL Bible (BSI)

²⁴ Ka khubor shaphang jong u ka la phriang kylleng ka ri Syria baroh kawei, ba ki briew ki la wallam ha u ïa baroh kito kiba pang, kiba shahshitom na ki jingpang babun jait, bad kiba pang bhur, bad kiba ïapshiliang — bad U Jisu u la pynkhiah ïa ki baroh.

KA BAIBL

²⁴ Te ka nam jong u ka la phriang ïa ka Syria baroh: bad ki la ïawallam ha u baroh kiba la pang, ïa kiba la ngat da ki bun jait ki jingpang bad ki jingkordit, bad ïa kiba shong ksuid, bad ïa ki bapang bhur, bad ïa ki bapang ïapshiliang de: te u la pynkhiah ïa ki.

MATHAÏOS 4:24 ပူးပေါင်းရင်းမြစ်များ

2 SAMUEL 8:6

Nangta u la pynïeng ki dara sah shipai ha ki ri jong ki, bad ki la kylla long ki raïot jong u bad ki siew khajna sha u. U Trai u la pynlong ïa u Dabid ban jop kylleng kylleng.

1 SYIEM 10:1

Ka Syiem jong ka ri Sheba ka bna shaphang ka nam u Solomon, bad ka leit sha Jerusalem ban tynjuh ïa u da ki jingkylli kiba eh.

1 SYIEM 4:31

U long uba stad tam na ki rangbah baroh: kham stad ban ïa u Ethan u nong Esrah, bad ïa u Heman, u Kalkol, bad u Darda, ki khun jong u Mahol, bad ka nam jong u ka phriang kylleng ki ri kiba marjan baroh.

1 KHRONIKL 14:17

Ka nam u Dabid ka saphriang kylleng, bad U Trai u pynlong ïa ki hima baroh ban sheptieng ïa u.

1 KHRONIKL 29:2

Nga la leh katba nga lah ban pynbiang ki tiar ki tar na ka bynta ka Templ — Ka ksiar, ka rupa, ka rnong, ka nar, ki dieng, ki mawkordor, bad ki mawlynnai, ki maw na ka bynta ki jingthaw dur, bad shibun u maw marbl.

EKSODOS 15:26

U la ong, “Lada phi kohnguh ïa nga naduh ka dohnud da kaba leh ïa kata kaba nga ñiew ba ka long kaba dei, bad da kaba sumar ïa ki hukum jong nga, ngan ym pynshitom ïa phi da kano kano ka jingpang kaba nga la pynngat ha ki nong Ijipt. Nga long U Trai uba pynkhiah ïa phi.”

MATHAÏOS 12:22

Nangta katto katne ngut ki briew ki la wallam sha U Jisu ïa u briew uba la matlah bad u bymnang kren namar u la shongksuid. U Jisu u la pynkhiah ïa u briew, ba kumta u la lah ban kren bad ïohi.

MATHAÏOS 14:1

Ha kata ka por, u Herod, u nongsynshar jong ka Galilaïa, u la ïohsngew shaphang U Jisu.

MATHAÏOS 15:22

Ka kynthei nong Kanaan kaba shong ba sah ha kata ka thain ka la wan sha u. “Ko khun u Dabid!” ka la pyrta jam. “To isynei ïa nga, ko Kynrad! Ka khun jong nga ka don u ksuid bad ka don ha ka jinglong bashyrkhei.”

MATHAÏOS 17:15

bad u la ong, “Ko Kynrad, to isynei ïa u khun jong nga! U long uba pang ring bad u la don ka jingkhie ring kaba shyrkhei eh ba bunsien u hap ha ka ding lane ha ka um.

MATHAÏOS 17:18

U Jisu u la hukum ïa u ksuid, bad u la mihnoh shabar jong u khynnah, bad ha kata ka khyllipmat la pynkhiah ïa u.

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MATHAÏOS 8:28

Haba U Jisu u la wan sha ka thain Gadara ha kawei pat ka liang jong ka duriaw, la ïashem ïa u da ki ar ngut ki rangbah kiba la wan mih na ki krem jingtep kiba don hangta. Kine ki rangbah ki la don ki ksuid hapoh jong ki bad ki la long kiba itriem shikatdei ba ym don mano mano ba nud ban leit na kata ka lynti.

MATHAÏOS 8:33

Ki rangbah kiba ap ïa ki sniang ki la phet noh bad ki la leit shapoh ka shnong, ha kaba ki la ïathuh ïa ka jingjia baroh kawei bad ïa kaei kaba la jia ha ki rangbah kiba shongksuid.

MATHAÏOS 8:6

“Ko Kynrad, u shakri jong nga u thiah pang ha ïing, um lah ban khih bad u da shitom jur eh.”

MATHAÏOS 9:26

Ka khubor shaphang kane ka la saphriang ha kylleng baroh jong kata ka bynta jong ka ri.

MATHAÏOS 9:35

U Jisu u la leit jngoh kylleng ki nongbah bad ki nongrit. U la hikai ha ki synagog, u la ïalap ïa ka Khubor Babha shaphang ka Hima, bad u la pynkhiah ïa ki briew kiba don ki jingpang babun jait bad ki jingshitom.

MARKOS 1:28

Bad kumta ka khubor shaphang U Jisu ka la phriang stet kylleng ka probins jong ka Galilaïa.

MARKOS 1:32

Hadien ba ka sngi ka la sep bad ba ka janmiet ka la poi, ki briew ki la wallam sha U Jisu ïa baroh kiba pang bad kito kiba shongksuid.

MARKOS 2:3

haba saw ngut ki rangbah ki la poi, ki da rah ïa u briew uba pang ïapshiliang sha U Jisu.

MARKOS 2:4

Na ka daw jong u paidbah, kim shym la lah ban wallam ïa uta u briew sha u. Kumta ki la weng ïa ka jingsop na ka tnum ïing hamar ka jaka ba U Jisu u don. Haba ki la dep weng ïa ka jingsop ïing, ki la pynhiar ïa uta u briew shapoh, u da thiah ha ka jingthiah jong u.

MARKOS 2:9

Hato ka long kaba kham suk ban ong ha une u briew uba la ïapshiliang, ‘Ïa ki pop jong me la map’ ne ban ong, ‘To ïeng, to rah ïa la ka jingthiah, bad to ïaid’?

LOUKAS 2:2

Haba kane ka jingkheiñbriew kaba nyngkong ka la jia, u Kyrinios u long u lyngskor jong ka Syria.

LOUKAS 4:14

Nangta U Jisu u la wan phai sha Galilaïa, bad ka bor jong U Mynsiem Bakhuid ka la long bad u. Ka khubor shaphang jong u ka la par kylleng kata ka thain.

LOUKAS 4:38

U Jisu u la mih na ka synagog bad u la leit sha ïing jong u Simon. Ka kiaw kurim jong u Simon ka la pang bad ka jingpang shit kaba jur, bad ki la ïathuh ha U Jisu shaphang jong ka.

LOUKAS 5:15

Hynrei ka khubor shaphang U Jisu ka la kham phriang kylleng, bad ki paid byllien ki la wan ban sngap ïa u bad ban ïoh jingpynkhiah na ki jingpang jong ki.

LOUKAS 5:24

Ngan pynshisha ha phi, te, ba U Khun U Briew u don ka bor ha ka pyrthei ban map ïa ki pop.” Kumta u la ong ha u briew uba ïapshiliang, “Nga ong ha me, to khie joit, shim ïa la ka jingthiah, bad khie leit noh sha ïing!”

LOUKAS 7:17

Kane ka khubor shaphang U Jisu ka la phriang kylleng jong ka ri bad sha ki thain kiba don sawdong.

ÏOANNIS 10:21

Hynrei kiwei pat ki la ïa-ong, “U briew uba shongksuid um lah ban kren kumne! Kumno u ksuid u lah ban ai jingïoh imat pat ïa ki briew kiba matlah?”

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 15:23

bad ki la phah ïa kane ka shithi harum lyngba jong ki: “Ma ngi, ki apostol bad ki nongsharai balang, ki hynmen ki para jong phi, ngi phah ki jingkhublei ïa ki hynmen ki para jong ngi kiba la kha na ki Jentil kiba shong basah ha Antiokh, ha Syria bad ha Kilikia.

KI KAM 15:41

U la leit lyngba ka Syria bad ka Kilikia, u da pynkhlaiñ ïa ki balang.

KI KAM 28:9

Haba kane ka la jia, baroh kiwei pat ki briew kiba pang kiba don ha ka dewlynnong ki la ïawan, bad la pynkhiah ïa ki.

KI KAM 8:7

Ki mynsiem bymman ki la mihnoh na kiba bun ki briew da kaba lynñiar jam, bad ïa kiba bun kiba pang ïapshiliang bad kiba dkoh la pynkhiah.

JOSHUA 6:27

Kumta U Trai u la don ryngkat lem bad u Joshua, bad ka nam jong u ka saphriang kylleng kata ka ri.