MATHAÏOS 4:23 - Khasi CL Bible (BSI)

²³ U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

KA BAIBL

²³ Bad U Jisu u la leit kylleng ka Galilaïa baroh, u da hikai ha ki synagog jong ki, bad u da ïalap ïa ka gospel ka hima, u da pynkhiah de ïa ki jingpang baroh bad ïa ki jingkhrew baroh ruh ha ki briew.

MATHAÏOS 4:23 ပူးပေါင်းရင်းမြစ်များ

SALM 103:3

U map ïa ki pop jong nga baroh bad u pynkhiah ïa ki jingpang jong nga baroh.

SALM 74:8

Ki la kwah ban pynlwet thiaw ïa ngi; ki la thang ïa kawei pa kawei ka jaka bakhuid ha ka ri.

MATHAÏOS 11:5

kiba matlah ki lah ban ïohi, kiba dkoh ki lah ban ïaid, ïa kito kiba pang 'ñiangthohlieh la pynkhuid, kiba kyllut ki ïohsngew, ïa kiba ïap la pynim pat, bad ïa ka Khubor Babha la ïalap ha kiba duk.

MATHAÏOS 12:9

U Jisu u la mihnoh na kata ka jaka bad u la leit sha ka Synagog,

MATHAÏOS 13:19

Kito kiba ïohsngew ïa ka khubor shaphang ka Hima hynrei ki bymshemphang ïa ka, ki long kum ki symbai kiba la hap ha shi lynter ka lynti ïaid kjat. Uta u Basniew u wan bad u knieh noh ïa kaei kaba la bet hapoh jong ki.

MATHAÏOS 13:54

bad u la leit phai pat sha la ka shnong. U la hikai ha ka synagog, bad kito kiba ïohsngew ïa u ki la sngewlyngngoh. “Nangno u la ïoh kat kane ka jingstad?” ki la kylli. “Bad kumno shaphang ki kambah jong u?

MATHAÏOS 14:14

U Jisu u la hiar na ka lieng, bad haba u la ïohi ïa u paidbah babun, ïa ka dohnud jong u la pyndap da ka jingisynei ïa ki, bad u la pynkhiah ïa kito kiba la pang.

MATHAÏOS 24:14

Bad ïa kane ka Khubor Babha shaphang ka Hima yn ïalap ha kylleng ka pyrthei na ka bynta ka jingsakhi sha ki jaitbynriew baroh; bad nangta kaba kut kan wan.

MATHAÏOS 3:2

“To phai noh na ki pop jong phi,” u la ong, “naba ka Hima ki bneng ka la jan!”

MATHAÏOS 9:35

U Jisu u la leit jngoh kylleng ki nongbah bad ki nongrit. U la hikai ha ki synagog, u la ïalap ïa ka Khubor Babha shaphang ka Hima, bad u la pynkhiah ïa ki briew kiba don ki jingpang babun jait bad ki jingshitom.

MARKOS 1:14

Hadien ba la set ïa u Ïoannis ha ka byndi, U Jisu u la leit noh sha Galilaïa bad ïalap ïa ka Khubor Babha na U Blei.

MARKOS 1:21

U Jisu bad ki synran jong u ki la wan sha ka shnong Kapernam, bad ha ka sngi Sabbaton kaba bud, U Jisu u la leit sha ka synagog bad u la sdang ban hikai.

MARKOS 1:39

Kumta u la leit sha baroh ki jaka ha Galilaïa, da kaba ïalap ha ki synagog bad beh noh ïa ki ksuid.

MARKOS 3:10

U la lah pynkhiah ïa kiba bun ki briew, bad baroh kito kiba pang ki la ïai kyntur sha u khnang ba ïohktah ïa u.

MARKOS 6:2

Ha ka sngi Sabbaton u la sdang ban hikai ha ka synagog. Bun ki briew ki la don hangta; bad haba ki la ïohsngew ïa u, baroh ki la sngewlyngngoh. “Nangno u la ïoh ïa kane baroh?” ki la kylli. “Ka jingstad aïu kane ba la ai ha u? Kumno u leh ïa ki kambah?

MARKOS 6:6

U la sngewlyngngoh shikatdei, namar ki briew kim shym don jingngeit. Nangta U Jisu u la leit sha ki nongrit kiba don sawdong ha kata ka thain, u da hikai ïa ki briew.

LOUKAS 10:9

pynkhiah ïa kiba pang ha kata ka shnong, bad ong ha ki briew hangta, ‘Ka Hima U Blei ka la wan hajan jong phi.’

LOUKAS 13:10

Ha kawei ka sngi Sabbaton, U Jisu u dang hikai ha ka synagog.

LOUKAS 16:16

“Ka Hukum u Moses bad ki jingthoh jong ki nongïathuhlypa ki treikam haduh ka por jong u Ïoannis u Nongpynbaptis; naduh kata ïa ka Khubor Babha shaphang ka Hima U Blei la ïai ïathuh, bad uwei pa uwei u bsut jubor shapoh.

LOUKAS 20:1

Ha kawei ka sngi mynba U Jisu u don ha ka Templ, u da hikai ïa ki briew bad ïalap ïa ka Khubor Babha; ki rangbah lyngdoh bad ki nonghikai ka Hukum, lem bad ki tymmen ki san, ki la wan bad ong ha u,

LOUKAS 4:14

Nangta U Jisu u la wan phai sha Galilaïa, bad ka bor jong U Mynsiem Bakhuid ka la long bad u. Ka khubor shaphang jong u ka la par kylleng kata ka thain.

LOUKAS 5:17

Ha kawei ka sngi mynba U Jisu u dang hikai, katto katne ngut ki Pharisi bad ki nonghikai ka Hukum kiba la wan na kawei pa kawei ka shnong na Galilaïa bad Judia bad na Jerusalem; ki la ïashong hangta. Ka bor jong U Trai ka la don na ka bynta U Jisu ban pynkhiah ïa kiba pang.

LOUKAS 6:17

Haba U Jisu u la wan hiar na u lum lem bad ki apostol, u la ïeng ha ka jaka madan lem bad kiba bun ki synran jong u. U paid byllien u la don hangta na kylleng ka Judia bad na Jerusalem bad na ki nongbah Tyros bad Sidon kiba harud duriaw;

LOUKAS 6:6

Ha kawei pat ka sngi Sabbaton, U Jisu u la leit sha ka synagog bad u la hikai. La don u briew hangta uba ka kti kamon jong u ka la ïapshiliang.

LOUKAS 7:21

Ha kata ka por U Jisu u la pynkhiah ïa kiba bun ki briew na ki jingshitom jong ki, ki jingpang jong ki, bad na ki mynsiem bymkhuid, bad u la ai ka jingïohi pat ha kiba bun ki briew kiba matlah.

LOUKAS 7:22

U la jubab ïa ki nonglamktien jong u Ïoannis, “Khie leit noh bad ïathuh ïa u Ïoannis ïa kaei kaba phi la ïohi bad ïohsngew: Kiba matlah ki lah ban ïohi, kiba dkoh ki lah ban ïaid, kito kiba pang 'ñiangthohlieh ki la long khuid, kiba kyllut ki lah ban ïohsngew, ïa kiba ïap pynim pat, bad ïa ka Khubor Babha la ïalap ha kiba duk.

LOUKAS 8:1

Katto katne por hadien, U Jisu u la leit jingleit lyngba ki shnong bad ki nongrit, u da ïalap ïa ka Khubor Babha shaphang ka Hima U Blei. Ki khat-ar ngut ki synran ki la ïaleit bad u,

LOUKAS 9:11

Haba ki paidbah ki la ïohsngew shaphang kata, ki la bud ïa u. U la pdiang sngewbha ïa ki, u la kren ha ki shaphang ka Hima U Blei, bad u la pynkhiah ïa kito kiba donkam ïa ka.

LOUKAS 9:60

U Jisu u la jubab, “Ai ba kiba ïap kin tep ïa kiba ïap jong ki. Khie leit ma me bad pynbna ïa ka Hima U Blei.”

ÏOANNIS 18:20

U Jisu u la jubab, “Nga la ju kren ha kaba paw ha baroh; ki jinghikai jong nga baroh ki la long ha ki synagog bad ha ka Templ, ha kaba ki briew baroh ki ïawanlang. Ngam ju ong ïa kano kano ha kaba rieh.

ÏOANNIS 6:59

U Jisu u la ong ïa kane katba u dang hikai ha ka synagog ha Kapernam.

ÏOANNIS 7:1

Hadien kane, U Jisu u la nang ïaid ha ka Galilaïa; um shym kwah ban leit sha Judia, namar ba ki nongsynshar jong ki Jiw hangta ki la ïakwah ban pynïap ïa u.

KI KAM 10:38

Phi tip shaphang U Jisu uba na Nasareth bad kumno U Blei u la theh halor jong u ïa U Mynsiem Bakhuid bad ïa ka bor. U la leit kylleng, u da leh ki kam babha bad u da pynkhiah ïa baroh kiba la long hapoh ka bor jong u Ksuid, naba U Blei u la don lem bad u.

KI KAM 18:4

U la ïaphylliew jingmut hapoh synagog man la ka sngi Sabbaton, da kaba pyrshang ban pynkohnguh ïa ki Jiw bad ki Grik.

KI KAM 20:25

“Nga la ïaid kylleng hapdeng jong phi baroh, da kaba ïalap ïa ka Hima U Blei. Bad mynta nga tip ba ym don mano mano na phi ki ban dang ïohi shuh ïa nga.

KI KAM 28:31

U la ïalap shaphang ka Hima U Blei bad u la hikai shaphang U Jisu Khrist uba U Trai, da kaba kren ha ka jingshlur bad ha ka jinglaitluid baroh.

Ka Shithi U Paul Sha Ki Nong Rom 10:15

Bad kumno ïa ka khubor lah ban pynbna lada ïa ki nongrah-khubor ym shym la phah? Kumba ka Jingthoh Bakhuid ka ong, “Katno ka long kaba phylla ka jingwan jong ki nongrah-khubor kiba wallam ïa ka khubor babha!”