MATHAÏOS 4:22 - Khasi CL Bible (BSI)

²² bad shisyndon ki la iehnoh ïa ka lieng bad ïa la u kpa bad ki la ïaleit bad u.

KA BAIBL

²² Ki ruh de, haba ki la iehnoh dak ïa ka lieng bad ïa u kpa jong ki, ki la ïabud ïa u.

MATHAÏOS 4:22 ပူးပေါင်းရင်းမြစ်များ

MATHAÏOS 10:37

“Uno uno uba ieit kham bun shah ïa la u kpa lane ka kmie ban ïa nga um long uba bit ban long u synran jong nga; uno uno uba ieit kham bun shah ïa la u khun lane ka khun ban ïa nga, um long uba bit ban long u synran jong nga.

MATHAÏOS 4:21

U la nang ïaid u la ïohi ïa ar ngut kiwei pat shi para, ïa u Jakob bad u Ïoannis, ki khun jong u Sebedi. Ki la don ha ka lieng lem bad u Sebedi u kpa jong ki, ba ki dang ïapynkhreh ïa ki jar jong ki. U Jisu u la khot ïa ki,

MATHAÏOS 4:23

U Jisu u la leit kylleng ka Galilaïa, u da hikai ha ki Synagog, u da ïalap ïa ka Khubor Babha shaphang ka Hima ki Bneng, bad u da pynkhiah ïa ki briew kiba la don baroh ki jait jingpang bad jingshitom.

MARKOS 1:20

U Jisu u tang shu ïohi ïa ki, u la khot ïa ki; ki la iehnoh ïa la u kpa jong ki, u Sebedi ha ka lieng ryngkat bad ki rangbah kiba trei bylla, bad ki la leit bad U Jisu.

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

LOUKAS 14:33

Ha kajuh ka rukom,” U Jisu u la pynkut, “ym don uno uno na phi uba lah ban long u synran jong nga lymda u iehnoh ïa kiei kiei baroh kiba u don.

LOUKAS 5:11

Ki la tan ïa ki lieng sharud duriaw, ki la iehnoh ïa kiei kiei baroh bad ki la bud ïa U Jisu.

2 KORINTH 5:16

Namarkata, ngam bishar shuh ïano ïano da ka rukom briew. Wat la shisien ngi la bishar ïa U Khrist kat kum ka rukom briew, ngim leh shuh kumta.