MATHAÏOS 4:2 - Khasi CL Bible (BSI)

² Hadien ba u la pynlut sawphew sngi bad sawphew miet khlem jingbam, U Jisu u la thngan.

KA BAIBL

² Ynda U la shah jingit sawphew sngi bad sawphew miet, hadien kata, U la thngan.

MATHAÏOS 4:2 ပူးပေါင်းရင်းမြစ်များ

1 SYIEM 19:8

U Elijah u la khie joit, u bam bad u dih bad ka jingbam ka la ai bor ïa u ban ïaid sawphew sngi sha Sinai, u lum bakhuid.

EKSODOS 24:18

U Moses u la kiew ïa uta u lum sha uta u lyoh. U la sah hangta sawphew sngi bad sawphew miet.

EKSODOS 34:28

U Moses u la sah hangta bad U Trai sawphew sngi bad sawphew miet, khlem bam khlem dih. U thoh ruh ha kita ki mawlyngkniap ïa ki ktien jong kata ka jutang — ki Shiphew Hukum keiñ.

MATHAÏOS 21:18

Dang step phyrngab ha ka lynti ba u leit phai sha ka nongbah, U Jisu u la thngan.

MATHAÏOS 25:35

Nga la thngan bad phi la bsa ïa nga, nga la sliang bad phi la ai jingdih ïa nga; nga la long u nongwei bad phi la pdiang sngewbha ïa nga ha ki ïing jong phi,

MATHAÏOS 25:42

Nga la thngan, hynrei phim shym bsa ïa nga, nga la sliang, hynrei phim shym ai jingdih ïa nga;

MARKOS 11:12

Ha ka sngi kaba bud, katba ki dang wan phai pat na Bethania, U Jisu u la sngew thngan.

LOUKAS 4:2

ha kaba u la shah pynshoi ha u Soitan haduh sawphew sngi. Ha baroh kata ka por u khlem bam ei ei, ba kumta u la thngan eh haba ka la kut.

ÏOANNIS 4:6

Ka pukri u Jakob ka la don hangta, bad U Jisu, uba la thait na kata ka jingleit, u la shongthait harud kata ka pukri. Ka long kumba shiteng sngi.

DEUTERONOMI 18:18

Ngan phah ha ki ïa u nongïathuhlypa uba kum ma me napdeng ki para jait jong ki hi; ngan sa ïathuh ha u aïu un ong, bad un kren ha ki briew kat ïa kaba nga hukum.

DEUTERONOMI 9:18

Nangta sa shisien pat nga dem khrup ha khmat U Trai sawphew sngi bad sawphew miet, bad ngam shym la bam ne dih ei ei, namar ba phi la leh pop pyrshah ïa U Trai bad phi la pynbitar ïa u.

DEUTERONOMI 9:25

“Kumta nga la dem khrup ha khmat U Trai ha kita ki sawphew sngi bad sawphew miet, namar ba u la ong ba un pynjot ïa phi.

DEUTERONOMI 9:9

Nga kiew ïa uta u lum ban pdiang ïa ki mawlyngkniap ha kiba la thoh ïa ka jutang ba U Trai u la pynlong bad phi. Nga sah hangta sawphew sngi bad sawphew miet, bad ngam shym la bam ne dih ei ei.