MATHAÏOS 4:18 - Khasi CL Bible (BSI)

¹⁸ Katba U Jisu u dang ïaid harud ka Duriaw Galilaïa, u la ïohi ïa ki ar ngut shi para kiba long ki nongtong dohkha, u Simon (ïa uba la khot u Petros) bad u para jong u, u Andriw, ba ki dang tong dohkha ha ka duriaw da ka jar.

KA BAIBL

¹⁸ Haba U Jisu u ïaid harud ka duriaw Galilaïa, u la ïohi ar ngut shipara, u Simon ïa uba khot “u Petros”, bad u Andriw u para jong u, ba ki dang ïabred ïa ka jar ha kata ka duriaw; naba ki ju long ki nongtong dohkha.

MATHAÏOS 4:18 ပူးပေါင်းရင်းမြစ်များ

EKSODOS 3:1

Ha kawei ka sngi katba u Moses u dang ap ïa ka kynhun langbrot jong u Jethro, u kthaw kurim jong u, u lyngdoh ka Midian, u ïalam ïa kata ka kynhun lyngba ka ri shyiap, bad u wan poi ha Sinai, u lum uba khuid.

EKSODOS 3:10

Mynta nga phah ïa me sha u Pharaoh khnang ba men ïalam noh ïa ki Israel, ki briew jong nga, na Ijipt.”

ESEKIEL 47:10

Na ki Umpohliew ka Engedi shi lynter sha ki Umpohliew ka Eneglaim, kin don ki nongtong dohkha ha ki rud duriaw, bad kin phriang ïa la ki jar hangta ban rkhiang. Kin don bun jait ki dohkha katba don ha ka Duriaw Mediterranian.

JINGKHEIÑ 34:11

Nangta un leit shaphang shathie sha Harbel, sha mihngi jong ka Ain, bad nangta sha ki lum harud ka Duriaw Galilaïa shaphang mihngi,

MATHAÏOS 10:2

Kine ki long ki kyrteng jong ki khat-ar ngut ki apostol: uba nyngkong, U Simon (ïa uba la khot u Petros) bad u para jong u, u Andriw; u Jakob bad u para jong u, u Ïoannis, ki khun jong u Sebedi;

MATHAÏOS 15:29

U Jisu u la mihnoh nangta bad u la leit narud ka duriaw Galilaïa. U la kiew ïa u lumrit bad u la shong.

MATHAÏOS 16:18

Bad kumta nga ong ha me, ko Petros: me long u mawsiang, bad halor kane ka nongrim mawsiang ngan tei ïa ka balang jong nga, bad wat ka jingïap hi kan ym lah ban jop ïa ka.

MATHAÏOS 4:19

U Jisu u la ong ha ki, “To wan bad nga, bad ngan hikai ïa phi ban tong briew.”

MARKOS 7:31

U Jisu nangta u la mihnoh na ka thain jong ka Tyros bad u la ïaid lyngba ïa ka Sidon sha ka duriaw Galilaïa, da kaba ïaid lyngba ïa ka Dekapolis.

LOUKAS 6:14

U Simon (ïa uba u la ai kyrteng, u Petros) bad u Andriw u para jong u, u Jakob bad u Ïoannis, u Philip bad u Bartholomai,

ÏOANNIS 21:1

Hadien kane, U Jisu u la paw sa shisien pat ha la ki synran hajan ka duriaw Tiberias. Kane ka long kumno ka la jia.

ÏOANNIS 6:1

Hadien kane, U Jisu u la leit sha shiliang ka duriaw Galilaïa (ïa kaba ju la khot ruh, ka duriaw Tiberias).

ÏOANNIS 6:8

Uwei pat na ki synran jong u, u Andriw, uba long u para jong u Simon Petros, u la ong,

DEUTERONOMI 3:17

Shaphang sepngi, ka ri jong ki ka poi haduh wah Jordan, naduh ka pung Galilaïa shaphang shatei, arsut haduh ka Duriaw Baïap shaphang shathie, bad nangta shaduh ka kjat lum Pisgah shaphang mihngi.