MATHAÏOS 4:10 - Khasi CL Bible (BSI)

¹⁰ Te U Jisu u la jubab, “Khie leit noh, ko Soitan! Ka Jingthoh Bakhuid ka ong, ‘To mane ïa U Trai U Blei jong me bad shakri tang ïa u hi!’ ”

KA BAIBL

¹⁰ Ynda kumta, U Jisu u la ong ha u, “Khie leit noh, me u Soitan: naba la thoh: “ ‘Men mane ïa U Trai uba U Blei jong me, tang ïa u hi ruh men shakri.’ ”

MATHAÏOS 4:10 ပူးပေါင်းရင်းမြစ်များ

1 KHRONIKL 21:1

U Soitan u la kwah ban wallam jingjynjar ha ki paid Israel, kumta u la pynlong ïa u Dabid ban rai ban shim ka jingkheiñbriew.

Ka Kitab U Job 1:12

“Kam pher,” U Trai u ong ïa u Soitan, “baroh kaba u don ki long hapoh ka bor jong me, hynrei men ym pynmong ïa u Job hi.” Te u Soitan u la leit noh.

Ka Kitab U Job 1:6

Haba la poi ka sngi ha kaba ki jingthaw ha bneng ki wanpaw ha khmat U Trai, u Soitan u la don lang hapdeng jong ki.

Ka Kitab U Job 2:1

Haba la poi ka sngi ha kaba ki jingthaw ba-im ha bneng ki wanpaw biang ha khmat U Trai, u Soitan u la don lang hapdeng jong ki.

SALM 109:6

To jied ïa uno uno u nongbishar uba bamsap ban bishar ïa u nongshun jong nga, bad to ai ba uwei na ki nongshun jong u hi un pharep ïa u.

EKSODOS 23:25

Lada phi mane ïa nga U Trai U Blei jong phi, te ngan kyrkhu ïa phi da ka bam bad ka um, bad ngan weng noh ruh ïa ki jingpang jong phi baroh.

ISAÏAH 30:22

Phin shim ïa ki bleithaw jong phi ba la sop da ka rupa bad ïa ki blei jong phi ba la tap da ka ksiar, bad phin bret noh ïa ki kum ïa ka jakhlia, bad phin pyrta, “Wat don shuh ha khmat jong nga!”

MATHAÏOS 16:23

U Jisu u la phai bad u la ong ha u Petros, “Khie noh na nga, ko Soitan! Me long u maw jynthut ha ka lynti jong nga, namar kine ki jingpyrkhat jong me kim shym wan na U Blei, hynrei na u briew.”

MARKOS 1:13

ha kaba u la shong hangta sawphew sngi, da kaba shah pynshoi ha u Soitan. Ki mradkhlaw ki la don ruh hangta, hynrei ki angel ki la wan bad ïarap ïa u.

LOUKAS 10:18

U Jisu u la jubab ïa ki, “Nga la ïohi ïa u Soitan uba hap kum ka leilieh na bneng.

LOUKAS 11:18

Kumta lada ka hima jong u Soitan ka don ki kynhun kiba ïaleh kawei ïa kawei pat, kumno kan neh? Phi ong ba nga beh noh ïa ki ksuid namar ba u Beelsebul u ai ha nga ka bor ban leh kumta.

LOUKAS 13:16

Mynta hangne, kane ka briew kaba hiarpateng na u Abraham ïa kaba u Soitan u la khum la khatphra snem; hato ym dei ban pyllait ïa ka ha ka sngi Sabbaton?”

LOUKAS 22:3

Nangta u Soitan u la rung hapoh u Judas, ïa uba la khot u Iskariot, uba long uwei na ki khat-ar ngut ki synran.

LOUKAS 22:31

“Ko Simon, Simon! Sngap! U Soitan u la ïoh jingbit ban tynjuh ïa phi baroh, ban pynïakhlad ïa kaba bha na kaba sniew, kumba u nongrep u pynïakhlad ïa u kew na u stait.

LOUKAS 4:8

U Jisu u la jubab, “Ka Jingthoh Bakhuid ka ong, ‘To mane ïa U Trai uba U Blei jong me bad shakri tang ïa u!’ ”

ÏOANNIS 13:27

U Judas tang mar ïashim ïa uta u kpu, u Soitan u la rung hapoh jong u. U Jisu u la ong ha u, “Leh noh kloi ïa kaei kaba men sa leh!”

KI KAM 26:18

Me dei ban pynpeit ïa ki khmat jong ki bad pynphai ïa ki na ka jingdum sha ka jingshai, bad na ka bor jong u Soitan sha U Blei, khnang ba da ka jingngeit jong ki ha nga kin ïoh ka jingmap noh ïa ki pop jong ki bad ïohpdiang ïa la ka jaka hapdeng ki briew kiba la jied jong U Blei.’

KI KAM 5:3

U Petros u la ong ha u, “Ko Ananias, balei me la shah ïa u Soitan ban bat synshar ïa me bad pynlong ïa me ban lamler ïa U Mynsiem Bakhuid da kaba bat noh katto katne ka pisa kaba me la ïohpdiang na kaba die ïa ka jaka?

1 KORINTH 5:5

Haba phi ïaseng lang, bad haba nga ïashem ïa phi ha ka mynsiem jong nga, da ka bor jong U Jisu uba U Trai jong ngi uba don ryngkat bad ngi, phi aiti noh ïa une u briew sha u Soitan ban pynjot ïa ka met jong u, khnang ba ïa ka mynsiem yn ïoh pynim ha ka Sngi jong U Trai.

1 KORINTH 7:5

Wat ju kyrngah iwei ïa iwei pat, lait noh tang haba phi la ïamynjur shuwa ban leh kumta shipor khnang ba phi lah ban pynlut ïa ka por jong phi ha ka jingduwai; hynrei nangta ban phai biang sha ka jingïadei para ma phi. Ha kane ka rukom yn ïada ïa phi na ki jingpynshoi jong u Soitan namar ka jingbymlah jong phi ban synshar ïa lade.

2 KORINTH 11:14

Ngin lyngngoh lei ïa kata? Wat u Soitan hi u lah ban thawdur ïa lade ban paw kum u angel ka jingshai!

2 KORINTH 12:7

Hynrei ban pyllait ïa nga na kaba dap da ka jingsarong namar kiei kiei kiba bun kiba phylla ba nga la ïohi, la buh ha nga ïa ka jingpang kaba jur ha ka met, kaba long kum u nonglamktien jong u Soitan ban pynshitom ïa nga bad ban pyllait ïa nga na ka jingsngew sarong.

DEUTERONOMI 10:20

Kohnguh ïa U Trai U Blei jong phi bad mane ruh tang ïa u. Ïaineh ha u bad kular skhem tang ha ka kyrteng jong u.

JAKOB 4:7

Kumta te, to pyndem ha U Blei. To ïaleh pyrshah ïa u Bymman, bad un phet ïap noh na phi.

JOSHUA 24:14

“Mynta te,” u Joshua u bteng, “pyndonburom ïa U Trai, bad shakri ïa u da kaba sngur bad kaba shisha. Iehnoh syndon ïa ki blei ba ki kpa tymmen jong phi ki la ju mane ha Mesopotamia bad ha Ijipt, bad shakri tang ïa U Trai.

1 PETROS 5:9

To long kiba skhem ha ka jingngeit jong phi bad to ïaleh pyrshah ïa u, namar phi tip ba ki parabangeit jong phi ha ka pyrthei baroh ki ïaid lyngba ïa kajuh ka rukom shahshitom.

1 SAMUEL 7:3

U Samuel u ong ha ki paid Israel, “Lada phin phai sha U Trai da ka dohnud jong phi baroh, phi dei ban bret noh ïa ki blei nongwei baroh bad ïa ki dur jong ka blei Astarte. Pynkyntang lut ïa lade sha U Trai bad mane tang ïa u, te un pyllait ïa phi na ka bor ki Philistia.”