MATHAÏOS 4:1 - Khasi CL Bible (BSI)

¹ Nangta U Mynsiem u la ïalam ïa U Jisu sha ka ri shyiap ba yn pynshoi u da u Soitan.

KA BAIBL

¹ Ynda kumta, la ïalam noh ïa U Jisu da U Mynsiem sha ka ri khlaw, ba yn pynshoi ïa u da u Soitan.

MATHAÏOS 4:1 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

1 SYIEM 18:12

Kumno kan long lada U Mynsiem jong U Trai u rah noh ïa phi sha ka jaka bymtip tang mar ïamih ma nga? Nangta, haba ngan ïathuh ïa u Ahab ba phi don hangne, bad um lah ban shem ïa phi, un sa pynïap ïa nga. To kynmaw ba nga long uba mane hok ïa U Trai naduh ba nga dang khynnah.

2 SYIEM 2:16

bad ki ong, “Don sanphew ngut na ngi hangne, baroh ki rangbah bakhlaiñ. Ïa ngin leit bad wad ïa u kynrad jong phi. Lehse U Mynsiem jong U Trai u la rah noh ïa u bad iehnoh ïa u halor uno re uno u lumbah lane ha kano re kano ka them.” “Em, phim dei ban leit,” u Elisha u jubab.

ESEKIEL 11:1

U Mynsiem jong U Blei u la rah ïa nga shajrong bad u la ïalam ïa nga sha ka khyrdop mihngi jong ka Templ. Hangta hajan jong ka khyrdop nga la ïohi arphew san ngut ki rangbah kynthup ïa u Jaasanaïah u khun jong u Assur bad u Pelataïah u khun jong u Benaïah, ki ar ngut ki nongïalam jong ka jaitbynriew.

ESEKIEL 11:24

Ha ka jingïohipaw, U Mynsiem jong U Blei u la rah shajrong ïa nga bad wallam pat ïa nga sha kiba shah ringmraw ha Babilonia. Nangta ka jingïohipaw ka jah noh,

ESEKIEL 3:12

Te U Mynsiem jong U Blei u la rah joit ïa nga, bad nga la ïohsngew na shadien jong nga ïa ka jingsawa jam jong ka sur kaba ong, “To ïaroh ïa ka burom U Trai ha bneng shajrong!”

ESEKIEL 3:14

Ka bor jong U Trai ka la wan ha nga da ka borbah, bad katba U Mynsiem jong u, u rah noh ïa nga, nga la sngewkthang bad sngewbitar.

ESEKIEL 40:2

Ha ka jingïohipaw, U Blei u la rah ïa nga sha ka ri Israel, bad u la pynshong ïa nga halor uwei u lumbah uba jrong. Nga la ïohi ha khmat jong nga shi kynhun ki jingtei kiba i kum ka nongbah.

ESEKIEL 43:5

U Mynsiem U Trai u la rah ïa nga sha ka bynta kaba kham shapoh jong ka phyllaw, ha kaba nga la ïohi ba ïa ka Templ la pyndap da ka burom U Trai.

ESEKIEL 8:3

U la kner kaei kaei kaba i kum ka kti bad u shim trait ïa nga na u 'ñiuhkhlieh. Te ha kane ka jingïohipaw, U Mynsiem jong U Blei u la rah artet ïa nga ha ka lyer bad u ïalam ïa nga sha Jerusalem. U la rah ïa nga sha ka jaka rung kaba kham hapoh jong ka khyrdop kaba shaphang shatei jong ka Templ, ha kaba la don ka dur bleithaw kaba long ka jingpynbitar ïa U Blei.

ÏOANNIS 14:30

Ngam lah ban kren bad phi kham slem, namar u nongsynshar jong kane ka pyrthei un wan. Um donbor halor jong nga, hynrei, ka pyrthei ka dei ban tip ba nga ieit ïa U Kpa; na kata ka daw balei ba nga leh ïa kiei kiei baroh kumba u hukum ïa nga. “Ale, ïa ngin ïaleit noh na kane ka jaka.

KI KAM 8:39

Haba ki la wan kiew na kata ka um, U Mynsiem jong U Trai u la rah noh ïa u Philip. U rangbah synshar um shym la ïohi shuh ïa u, hynrei u la bteng ïa la ka jingleit, uba dap da ka jingkmen.

Ka Shithi U Paul Sha Ki Nong Rom 8:14

Kito ïa kiba la ïalam da U Mynsiem U Blei, ki long ki khun U Blei.

HEBRU 2:18

Bad mynta, u lah ban ïarap ïa kita kiba shah pynshoi, namar ma u hi u la shah pynshoi bad shahshitom.

JAKOB 1:14

Hynrei u briew u shah pynshoi haba u shah ring pah bad shah riam ha ki jingkwah brai jong u hi.