MATHAÏOS 3:7 - Khasi CL Bible (BSI)

⁷ Haba u Ïoannis u la ïohi ïa shibun ki Pharisi bad ki Saddusi kiba la wan sha u ban shah pynbaptis, u la ong ha ki, “Phi ki bseiñ — uei uba la ïathuh ha phi ba phi lah ban lait na ka jingpynshitom kaba U Blei un sa phah?

KA BAIBL

⁷ Hynrei, haba u la ïohi ba bun na ki Pharisi bad ki Saddusi ki ïawan sha ka jingbaptis jong u, u la ong ha ki, “A phi ki khun ki ksiew ki bseiñ, uei ba la maham ïa phi ban phet ïap noh na kata ka jingbitar ka ban sa lap?

MATHAÏOS 3:7 ပူးပေါင်းရင်းမြစ်များ

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

PROBERB 28:4

Kito kiba lyndet ïa ka hukum ki ïaroh ïa ki bymman; hynrei kito kiba bat ïa ka ki ïaleh pyrshah ïa ki.

ISAÏAH 59:5

Ki jingïasylla bymman kiba phi pynlong ki long kiba shyrkhei kum ki pylleng jong ki bseiñ kiba don bih. Pynpait ïa kata ka pylleng, un mih u bseiñ.

JEREMAÏAH 51:6

To phet noh na Babilonia! Phet ban lait im! Wat ai ba yn shah pynïap na ka bynta ka pop jong ka Babilonia. Nga mynta nga siew kylliang bad pynshitom ïa ka kumba ka dei hok.

JEREMAÏAH 6:10

Nga la jubab, “Mano ban shahshkor ïa nga lada nga la kren ha ki bad maham ïa ki? Ki long kiba mutlop bad ki kyntait ban shahshkor ïa ka khubor jong me; ki rkhie ïa kaei kaba me ong ïa nga ban ong.

MATHAÏOS 12:24

Haba ki Pharisi ki la ïohsngew ïa kane, ki la jubab, “U la beh noh ïa ki ksuid tang namar ba u rangbah jong ki, u Beelsebul u ai bor ïa u ban leh kumta.”

MATHAÏOS 12:34

Phi ki bseiñ — kumno phi lah ban ong ïa kiei kiei kiba bha haba phi long kiba sniew? Namar ka shyntur ka kren ïa kaei kaba la shlei ha ka dohnud.

MATHAÏOS 15:12

Nangta ki synran ki la wan sha u bad ki la ong, “Hato me tip ba la pynmong ïa ki jingsngew jong ki Pharisi da kaei kaba me la ong?”

MATHAÏOS 16:1

Katto katne ngut ki Pharisi bad ki Saddusi kiba la wan sha U Jisu ki la kwah ban riam ïa u, kumta ki la kyrpad ïa u ban leh ïa ka kambah na ka bynta jong ki, ban pyn-i ba U Blei u la pdiang ïa u.

MATHAÏOS 16:6

U Jisu u la ong ha ki, “To sumar; to phikir ïa lade pyrshah ïa u thiat ki Pharisi bad ki Saddusi.”

MATHAÏOS 22:15

Ki Pharisi ki la leit noh bad ki la pynlong ka jingthmu ban riam ïa U Jisu da ki jingkylli.

MATHAÏOS 22:23

Ha kata kajuh ka sngi don na ki Saddusi ki la wan sha U Jisu bad ki la kam ba ki briew kin ym mihpat na ka jingïap.

MATHAÏOS 22:34

Haba ki Pharisi ki la ïohsngew ba U Jisu u la pynsngap jar ïa ki Saddusi, ki la ïawanlang,

MATHAÏOS 23:33

Phi ki bseiñ bad ki khun ki bseiñ! Kumno phi khmih lynti ban lait na ka jingshah pynrem sha ka dujok?

MATHAÏOS 5:20

Kumta, nga ong ïa phi, ba phin lah ban rung shapoh ka Hima ki bneng tang lada phi ïaineh skhem kham palat ban ïa ki nonghikai Aiñ bad ki Pharisi ha kaba leh ïa kaei kaba U Blei u dawa.

MARKOS 12:13

Ïa ki katto katne ngut ki Pharisi bad katto katne ngut ki dkhot na ka kynhun u Herod, la phah sha U Jisu ban riam ïa u da ki jingkylli:

MARKOS 12:18

Te katto katne ngut na ki Saddusi, kiba ong ba ki briew kin ym mihpat na ka jingïap, ki la wan ha U Jisu bad ki la ong,

MARKOS 8:15

“Sumar bha,” U Jisu u la maham ïa ki, “bad sumar ïa lade na u thiat jong ki Pharisi bad u thiat jong u Herod.”

LOUKAS 16:14

Haba ki Pharisi ki la ïohsngew ïa kane baroh, ki la rkhiebeiñ ïa U Jisu, namar ba ki ieit ïa ka pisa.

LOUKAS 18:11

“U Pharisi u la ïeng kyrpang la ka jong hi bad u la duwai, ‘Nga ainguh ïa me, a Blei, ba ngam long uba lalot, u bymhok, lane uba klim, kum uno uno uwei pat. Nga ainguh ba ngam long kum utai u nonglum khajna hangtai.

LOUKAS 7:30

Hynrei ki Pharisi bad ki nonghikai ka Hukum ki la kyntait ïa ka jingthmu jong U Blei na ka bynta jong ki hi bad ki la kyntait ban shah pynbaptis ha u Ïoannis.

ÏOANNIS 1:24

Ki nonglamktien, ïa kiba la phah da ki Pharisi, ki la kylli te ïa u Ïoannis, “Lada mem dei u Messaïah lane u Elijah lane u nongïathuhlypa, balei pat me pynbaptis?”

ÏOANNIS 8:44

Phi, phi long ki khun jong u kpa jong phi, u Ksuid, bad phi da kwah ban bud ïa kiba u kpa jong phi u sngewbha. Naduh kaba mynnyngkong u la long u nongpynïap briew bad um ju ïeng ha ka liang jong ka jingshisha, namar ha u kam don ka jingshisha. Haba u ïathuh ïa ka jingshukor, u leh ïa kaei kaba long tynrai ha u, namar u long uba lamler bad u kpa ki jingshukor baroh.

ÏOANNIS 9:40

Katto katne ngut na ki Pharisi kiba ïadon hangta lem bad u ki la ïohsngew ïa u ba u ong ïa kane bad ki la kylli ïa u, “Da shisha mem mut ba ngi ruh ngi matlah?”

KI KAM 15:5

Hynrei katto katne ngut ki parabangeit kiba long na ka kynhun jong ki Pharisi ki la ïeng bad ki la ong, “Ïa ki Jentil dei ban otsher bad bthah ban kohnguh ïa ka Hukum jong u Moses.”

KI KAM 20:31

To sharai, te, bad to kynmaw bad da ki ummat kiba bun, mynsngi bad mynmiet, nga la hikai ïa iwei pa iwei na phi haduh lai snem.

KI KAM 26:5

Ki la tip borabor, lada ki mon ban phla, ba naduh kaba nyngkong nga la im kum u dkhot jong ka seng kaba pyrkhing tam jong ka niam jong ngi, ki Pharisi.

KI KAM 5:17

Nangta u Rangbah Lyngdoh bad baroh kiba synran ïa u, ki dkhot jong ka kynhun ki Saddusi na kata ka jaka, ki la bishni shikatdei eh ïa ki apostol; kumta ki la kut jingmut ban leh ei ei.

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

Ka Shithi U Paul Sha Ki Nong Rom 5:9

Da ka jingïap ba aiti lut jong u, mynta la pynlong ka jingïadei hapdeng jong ngi bad U Blei; katno tam te, ngin long kiba lait im da u na ka jingbitar U Blei!

1 THESSALONI 1:10

bad ban ap ïa U Khun jong u ban wan na bneng — U Jisu, U Khun jong u, ïa uba u la pynmihpat na ka jingïap bad uba pyllait im ïa ngi na ka jingbitar jong U Blei ka ban sa wan.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 6:18

Te, don kine ar tylli kiei kiei ki bym lah ban kylla bad ïa kiba U Blei um lah ban lamler. Kumta ïa ngi kiba la shem ka jingshngain ha u la nang pynshlur shuh shuh ban batskhem ïa kata ka jingkyrmen ïa kaba la buh ha khmat jong ngi.

1 ÏOANNIS 3:10

Kane ka long ka jingïapher kaba shai kdar hapdeng ki khun U Blei bad ki khun u Soitan: Uno uno u bym leh ïa kaei kaba dei lane u bym ieit ïa la u hynmen u para um long u khun U Blei.