MATHAÏOS 3:6 - Khasi CL Bible (BSI)

⁶ Ki la phla ïa la ki pop, bad u la pynbaptis ïa ki ha ka wah Jordan.

KA BAIBL

⁶ bad la pynbaptis ïa ki da u ha wah Jordan; ki da ïaphla noh ïa ki pop jong ki.

MATHAÏOS 3:6 ပူးပေါင်းရင်းမြစ်များ

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

ESEKIEL 36:25

Ngan synreit ïa phi da ka um khuid, bad ngan pynkhuid ïa phi na ki bleithaw jong phi bad na baroh kiei kiei kiba la pyntngit ïa phi.

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

LEBITIKOS 16:21

Un buh ïa la ki kti baroh ar ha ka khlieh jong uta u 'langsohmoh, bad halor jong u un phla ïa ki jingbymman, ïa ki pop, bad ïa ki jingïaleh pyrshah baroh jong ki Israel, bad da kumta un pynkit ïa ki ha ka khlieh jong uta u 'langsohmoh. Nangta dei ban ñiah noh ïa uta u 'langsohmoh sha ka ri shyiap da u briew uba la jied kyrpang na ka bynta kata.

LEBITIKOS 26:40

“Hynrei ki khun ki ksiew jong phi kin phla ïa la ki pop jong ki bad ki pop jong ki kpa tymmen jong ki, kiba pyneh ïa nga bad ïaleh pyrshah ïa nga,

JINGKHEIÑ 5:7

u dei ban phla ïa la ka pop bad buria lut, bad ai tam sa shi bynta na ka san bynta ha uta u briew uba la shah leh bymdei.

MATHAÏOS 3:11

Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

MARKOS 1:5

Bun ki briew na ka probins jong ka Judia bad ka nongbah Jerusalem ki la leit ban ïohsngew ïa u Ïoannis. Ki la phla ïa la ki pop, bad u la pynbaptis ïa ki ha ka wah Jordan.

LOUKAS 1:16

bad un wallam pat ïa ki briew babun sha U Trai U Blei jong ki.

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

KI KAM 1:5

U Ïoannis u la pynbaptis da ka um, hynrei ha ki khyndiat sngi yn sa pynbaptis ïa phi da U Mynsiem Bakhuid.”

KI KAM 11:16

Te nga la kynmaw ïa kaei kaba U Trai u la lah ong, ‘U Ïoannis u la pynbaptis da ka um, hynrei ïa phi yn pynbaptis da U Mynsiem Bakhuid.’

KI KAM 19:18

Kiba bun na kiba ngeit ki la ïawan, ki da phla ha kaba paw bad ki da pynpaw ïa kaei kaba ki la leh.

KI KAM 22:16

Bad mynta, balei me pyntud? To ïeng joit bad shah ba yn pynbaptis ïa me bad sait noh ïa ki pop jong me da kaba duwai sha u.’

1 KORINTH 10:2

Ha uta u lyoh bad ha kata ka duriaw la pynbaptis ïa ki baroh kum ki nongbud u Moses.

KOLOSSAI 2:12

Naba haba la pynbaptis ïa phi, la tep ïa phi bad U Khrist, bad ha ka jingpynbaptis la pynmihpat ruh ïa phi bad U Khrist da ka jingngeit jong phi ha ka bor ba-ïaitrei jong U Blei, uba la pynmihpat ïa u na ka jingïap.

HEBRU 6:2

ha kaba hikai shaphang ki jingpynbaptis, bad kaba buh ïa ki kti; shaphang ka jingmihpat jong kiba ïap bad shaphang ka jingbishar bymjukut.

HEBRU 9:10

namar ba ki ïadei tang bad ka jingbam, ka jingdih bad ki niam ki rukom pynkhuid babun jait. Kine baroh ki long ki aiñ kiba tang shabar, kiba ïadei tang haduh ka por ba U Blei un seng nongrim da kaei kaba thymmai.

JAKOB 5:16

Namarkata, to phla ïa la ki pop iwei ha iwei pat, khnang ba yn pynkhiah ïa phi. Ka jingduwai jong u briew uba hok ka don ka bor kaba khraw.

JOSHUA 7:19

U Joshua u ong ha u, “Ko khun shynrang jong nga, ïathuh ïa ka jingshisha hangne ha khmat U Trai, U Blei ki Israel, bad phla. Ïathuh ha nga mynta ïa kaei kaba me la leh. Wat pyrshang ban buhrieh ïa ka na nga.”

1 PETROS 3:21

kaba long ka dak kaba kdew sha ka jingpynbaptis, kaba pyllait im ïa phi mynta. Kam dei ka jingsait noh ïa ka jakhlia na ka met, hynrei ka jingkular ba la pynlong sha U Blei na ka jingïatiplem babha. Ka pynim ïa phi da ka jingmihpat jong U Jisu Khrist,

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.