MATHAÏOS 3:4 - Khasi CL Bible (BSI)

⁴ Ïa ki jaiñ jong U Ïoannis la shna da u shñiuh jong ka ut; u la panpoh da u panpoh snieh ha ka syngkai jong u, bad ka jingbam jong u ka la long da ki puit bad ka ngap khlaw.

KA BAIBL

⁴ Te uta u Ïoannis u la don ka jaiñkup jong u na u shñiuh ut, bad ka panpoh snieh ha ka syngkai jong u; ka jingbam jong u ruh ka la long da ki puit bad ka ngap khlaw.

MATHAÏOS 3:4 ပူးပေါင်းရင်းမြစ်များ

2 SYIEM 1:8

“U phong ka jingkup kaba la shna na ki snieh mrad, ïa kaba la teh da u panpoh snieh,” ki jubab. “U dei u Elijah!” u syiem u la ong jam.

ISAÏAH 20:2

Lai snem mynshuwa, U Trai u la ong ïa u Isaïah u khun jong u Amos ban loit noh ïa ki juti jong u bad ïa ka jaiñ khain kaba u phong. U la kohnguh bad u la ïaid lyngkhuit bad da ka kjat suda.

LEBITIKOS 11:22

Phi lah ban bam ïa u puit bah, ïa u puit suh wah, bad ïa u puit tangkuli.

SEKHARAÏAH 13:4

Haba kata ka por ka poi, yn ym don nongïathuhlypa u ban sngewsarong ïa ki jingïohipaw jong u lane leh kum u nongïathuhlypa lane kup ïa ka jaiñkup bakhain jong u nongïathuhlypa khnang ban shukor ïa ki briew.

MALAKHI 4:5

“Hynrei ha shuwa ka sngi kaba khraw bad kaba shyrkhei jong U Trai kan wan, ngan phah ha phi ïa u Elijah u nongïathuhlypa.

MATHAÏOS 11:18

Haba u Ïoannis u la wan, u la shahjingit bad um shym dih waiñ, bad uwei uwei baroh u la ong, ‘Une uba shongksuid!’

MATHAÏOS 11:8

Ïa kaei phi ïaleit ban peit? Ïa u briew uba la kup da ki jaiñ ba-itynnat? Ki briew kiba riam kumta ki shong ki sah ha ki ïingsyiem!

MARKOS 1:6

U Ïoannis u la phong da ki jaiñ ba la shna na ki shñiuh ut, bad u panpoh snieh sawdong ïa ka syngkai jong u, bad ka jingbam jong u ka la long da ki puit bad ka ngap khlaw.

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

DEUTERONOMI 32:13

“U ai ba kin synshar ïa ki ri lum, bad ki bam ïa ki jingmih na ki lyngkha. Hapdeng ki mawsiang ki lap ïa ka ngap; ki diengsoh Olib jong ki, ki san ki plung ha ki jaka maw.

JINGPYNPAW 11:3

Ngan sa phah ïa ki sakhi jong nga ar ngut kiba kup da ki jaiñ khain, bad kin pynbna ïa ka khubor U Blei ha kita ki shihajar arspah hynriewphew sngi.”