MATHAÏOS 3:17 - Khasi CL Bible (BSI)

¹⁷ Nangta ka sur ktien ka la ong na bneng, “Une u long U Khun uba ieit eh jong nga, ha uba nga sngewbha eh.”

KA BAIBL

¹⁷ Ha khmih ruh ka ktien na ki bneng, ka da ong, “Une u long U Khun jong nga uba ieit, ha uba nga sngewbha eh.”

MATHAÏOS 3:17 ပူးပေါင်းရင်းမြစ်များ

SALM 2:7

“Ngan pynbna,” ong u syiem, “ïa kaei kaba U Trai u la pynbna. U ong ha nga: ‘Me long u khun jong nga; ha kane ka sngi nga la long u kpa jong me.

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 42:21

U Trai u long U Blei uba kwah eh ban pynim, kumta u kyntiew ïa ki aiñ bad ki jinghikai jong u, bad u kwah ba ki briew jong u ki burom ïa ki.

LEBITIKOS 15:15

U lyngdoh un kñia ïa kawei na ki kum ka jingkñia namar ka pop bad ïa kawei pat kum ka jingainguh thang. Ha kane ka rukom un pyndep ïa ka jinglehniam kaba ïadei bad ka jingpynkhuid ïa uta u briew.

MATHAÏOS 12:18

“Une hangne u long u shakri jong nga, ïa uba nga la jied, uta uba nga ieit, bad ha uba nga sngewbha eh. Ngan phah ïa U Mynsiem jong nga halor jong u, bad un pynbna ïa ka jingbishar jong nga ha ki jaitbynriew.

MATHAÏOS 17:5

Katba u dang kren, u lyoh uba tyngshaiñ u la wan halor jong ki, bad ka sur na u lyoh ka la ong, “Une u long U Khun uba ieit jong nga, ha uba nga sngewbha eh — to shahshkor ïa u!”

MARKOS 1:11

Bad ka sur ka la wan na bneng, “Me long U Khun ba-ieit jong nga hi. Nga sngewbha ïa me.”

MARKOS 9:7

Nangta u lyoh u la paw bad u la tap ïa ki da ka syrngiew jong u, bad ka sur ka la wan na u lyoh, “Une u long U Khun ba-ieit eh jong nga — to shahshkor ïa u!”

LOUKAS 3:22

bad U Mynsiem Bakhuid u la hiar halor jong u ha ka dur kum ka paro. Bad ka sur ka la wan na bneng, “Me long u khun ba-ieit jong nga. Nga la sngewbha bad me.”

LOUKAS 9:35

Ka sur ka la kren na u lyoh, “Une u long U Khun jong nga, uba nga la jied — shahshkor ïa u!”

ÏOANNIS 5:20

Naba U Kpa u ieit ïa U Khun bad u pyn-i ha u ïa baroh kaba ma u hi u leh. Un pyn-i ha u wat ïa kiei kiei kiba kham khraw kiba un leh ban ïa kane, bad baroh phin sngewlyngngoh.

ÏOANNIS 5:37

Bad U Kpa, uba la phah ïa nga, u ruh u phla na ka bynta jong nga.

EPHESOS 1:6

To ngin ïaroh ïa U Blei namar ka jingaiei ba-dap da ka burom jong u, ïa ka jingai ei u la ai ha ngi ha U Khun uba ieit jong u!

KOLOSSAI 1:13

U la pyllait ïa ngi na ka bor jong ka jingdum bad u la wallam ha ka jingsuk ïa ngi sha ka hima jong U Khun ba-ieit jong u,

2 PETROS 1:17

Ngi la don hangta mynba la ai ïa ka burom bad ïa ka jingpyndonburom ha u da U Blei uba U Kpa, haba ka sur ka la wan sha u na ka Burom Bahakhlieh Tam Eh, kaba ong, “Une u long U Khun ba-ieit jong nga hi, ha uba nga sngewbha eh!”

1 ÏOANNIS 5:9

Ngi ngeit ïa ka jingphla jong u briew; hynrei ka jingphla U Blei ka long kaba kham khlaiñ, bad u la ai ïa kane ka jingphla shaphang U Khun jong u.

JINGPYNPAW 14:2

Bad nga la ïohsngew ïa ka sur na bneng kaba sawa kum ka jingkyrhuh jong ka kshaid, bad kum ka jingtied jam jong u pyrthat. Ka sawa kum ka sur jingtem ba la tem da ki nongtem kiba tem ïa la ki duitara.