MATHAÏOS 3:16 - Khasi CL Bible (BSI)

¹⁶ Hadien ba U Jisu u la shah pynbaptis, u la wan kiew noh na ka um. Nangta ïa ka bneng la plie ha u, bad u la ïohi ïa U Mynsiem jong U Blei uba wan hiar kum ka paro bad ka da wan shong halor jong u.

KA BAIBL

¹⁶ U Jisu te, ynda la pynbaptis ïa u, u la kiew noh kumne kumne na ka um: ha khmih ruh, la plie ïa ki bneng ïa u, bad u la ïohi ïa U Mynsiem U Blei ba u da hiar kum ka paro, ba u da wan shong ruh ha u.

MATHAÏOS 3:16 ပူးပေါင်းရင်းမြစ်များ

ISAÏAH 11:2

U Mynsiem jong U Trai un ai ha u ka jingstad bad ka jingtip bad ka jingtbit ban synshar ïa ki briew jong u. Un tip ïa ka mon jong U Trai bad un pyndonburom ïa u,

ISAÏAH 42:1

U Trai u ong, “Une u long u shakri jong nga, uba nga pynshaitbor — Uta uba nga la jied, ha u nga shem sngewbha. Nga la pyndap ïa u da U Mynsiem jong nga, bad un wallam jingbishar hok ha man la ka jaitbynriew.

ISAÏAH 59:21

Bad ngan pynlong ka Jutang bad phi: Nga la ai ha phi ïa ka bor jong nga bad ki jinghikai jong nga kin long bad phi junom, bad naduh mynta phi dei ban kohnguh ïa nga bad hikai ïa ki khun jong phi bad ïa ki pateng jong phi ban kohnguh ïa nga ha ki por baroh ki ban wan.”

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

ESEKIEL 1:1

Ha ka sngi kaba san jong u bnai uba saw jong ka snem kaba laiphew, ma nga, u Esekiel u lyngdoh, u khun jong u Busi, nga dang ïashong ïasah ryngkat bad ki Jiw ba la shah ringmraw harud ka wah Khebar ha Babilonia. Ka bneng ka la plie wang, bad nga la ïohi ïa U Blei ha ka jingïohipaw.

MARKOS 1:10

U Jisu u tang shu mih na ka um, u la ïohi ïa ka bneng ba la plie bad U Mynsiem ba u wan hiar halor jong u kum ka paro.

ÏOANNIS 1:51

Bad u la ong ha ki, “Nga ïathuh ha phi ïa ka jingshisha: Phin sa ïohi ïa ka bneng ba la plie bad ki angel jong U Blei ba ki ïakiew bad ïahiar ha U Khun U Briew.”

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 7:56

“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”

1 ÏOANNIS 5:6

U Jisu Khrist u long uta uba la wan da ka um jong ka jingpynbaptis jong u bad ka snam jong ka jingïap jong u. U la wan ym tang da ka um, hynrei, da ka um bad ka snam ruh. Bad U Mynsiem da lade hi u phla ba kane ka long kaba shisha, namar U Mynsiem u long ka jingshisha.