MATHAÏOS 3:12 - Khasi CL Bible (BSI)

¹² U don la ka byrsha pynher stait ban shoh ïa u kew baroh. Un lumlang ïa u kew ha ka thiar jong u, hynrei un thang ïa u stait ha ka ding ka bym ju lip.”

KA BAIBL

¹² uba ka jingpeh jong u ka ha ka kti jong u, un pynkhuid bha ruh ïa ka kyntem jong u; bad un lum ïa u Kew jong u ha la ka thiar; hynrei, un thang ïa u stait da ka ding bymjulip.”

MATHAÏOS 3:12 ပူးပေါင်းရင်းမြစ်များ

Ka Kitab U Job 21:18

bad ban pyrsad noh ïa ki kum ïa ki phlangïap ha ka lyer, lane kum ïa u pui pui ba la rah noh ha ka 'erïong?

SALM 1:4

Hynrei ki briew kiba sniew kim long kumne da lei lei; ki long kum u phlangïap uba ka lyer ka beh noh.

SALM 35:5

Ai ba kin long kum u phlangïap ba rong ka lyer, katba u angel U Trai u nang beh kthong ïa ki!

ISAÏAH 1:31

Kumba u skum u kem ding da i phylliah ding, kumta ïa ki rangbah badonbor yn pynjot da ki kam sniew jong ki hi, bad ym don mano mano ba lah ban pynsangeh ïa ka jingpynjot.

ISAÏAH 17:13

Ki jaitbynriew ki ïaid shaphrang kum ki jingat phyllung kiba wan stet, hynrei U Blei u sneng ïa ki bad ki kynran, la beh noh ïa ki kum u pui pui ha ki sharing lum, kum u phlangïap ha ka 'erlangthari.

ISAÏAH 27:4

Ngam bitar shuh ïa ka bri sohwaiñ. Tang lada ki don ki shiah bad ki shiah buid ban hap ban ïakhun pyrshah, te ngan thang ïa ki baroh.

ISAÏAH 28:28

Um pynsniew noh ïa u kew da kaba peh palat ïa u, bad u tip kumno ban ïuh ïa u da kaba pynïaid ïa ka kali dieng halor jong u khlem pynkhlur noh ïa ki symbai.

ISAÏAH 30:24

Ki masi kyrtong bad ki kada kiba lur ïa ki lyngkha jong phi kin ïoh bam ïa u phlang bakynsai tam.

ISAÏAH 41:16

Men kynting ïa ki ha ka lyer; ka lyer kaba jur kan kit lut ïa ki, bad yn pynsaphriang ïa ki da ka 'erïong. Te men sa kmen namar nga long U Blei jong me; men ïaroh ïa nga, U Blei bakhuid ki Israel.

ISAÏAH 5:24

Kumta mynta, kumba u skum kba bad u phlang tyrkhong ki ran bad ing ha ka ding, ki thied jong phi kin pyut bad ki syntiew jong phi kin tyrkhong bad shah rong noh ha ka lyer, namar ba phi la kyntait ïa kaei kaba U Trai Badonbor Baroh, U Blei bakhuid ka Israel u la hikai ïa ngi.

ISAÏAH 66:24

“Katba ki dang leit phai noh kin ïohi ïa ki metïap jong kito kiba ïaleh pyrshah ïa nga. Ki ksaiñ kiba bam ïa ki kin ym ïap shuh, bad ka ding kaba thang ïa ki kan ym lip noh. Ka jingïohi ïa ki kan long kaba isaitmet ïa u bynriew baroh.”

JEREMAÏAH 15:7

Ha kawei pa kawei ka shnong ha ka ri nga la kynting ïa phi sha ka lyer kum ïa u phlangïap. Nga la pynjot ïa phi, ki briew jong nga, nga la pynïap ïa ki khun jong phi namar phim shym sangeh ïa ki rukom basniew jong phi.

JEREMAÏAH 17:27

Hynrei ki dei ban kohnguh ïa nga bad rakhe ïa ka Sabbaton kum ka sngi bakyntang. Kim dei ban kit kano kano ka jingkit lyngba ki khyrdop jong ka Jerusalem ha kata ka sngi, namar lada ki leh kumta, ngan buh ïa ki khyrdop jong ka Jerusalem ha ka ding. Ka ding kan bam duh ïa ki ïingsyiem jong ka Jerusalem, bad yn ym don mano mano ba lah ban pynlip ïa ka.”

JEREMAÏAH 4:11

Ka por ka wan ha kaba ïa ki briew jong ka Jerusalem yn ïathuh ba ka lyer khluit ka beh shapoh sha ki na ka ri shyiap. Kan ym long ka lyer kaba jai jai kaba shu beh pynher noh ïa u stait —

JEREMAÏAH 51:2

Ngan phah ïa ki nongwei ban pynjot ïa ka Babilonia kum ka lyer kaba pynher noh ïa u phlangïap. Haba kata ka sngi jong ka jingpynjot ka wan, kin tur ïaleh na baroh sawdong bad kin ieh syllen ïa ka ri.

JEREMAÏAH 7:20

Bad kumta ma nga, U Trai Nongsynshar, ngan theh ïa ka jingbitar shla jong nga halor kane ka Templ. Ngan theh ïa ka halor ki briew bad ki mrad kumjuh, bad wat halor ki dieng bad ki jingthung. Ka jingbitar jong nga kan long kum ka ding kaba ym don mano mano ba lah ban pynlip.

HOSIA 13:3

Bad kumta kine ki briew kin sa jah kum u lyoh khyndew mynstep, kum ka umjer kaba jah noh shen dang step phyrngab. Kin long kum u stait ba ka lyer ka rong noh na ka kyntem, kum ka tdem kaba mih na ka dpei.

AMOS 9:9

“Ngan ai ka hukum, bad ngan kyrsih ïa ki paid Israel kum ïa u kew. Ngan kyrsih ïa ki hapdeng ki jaitbynriew ban weng ïa kita baroh ki bymdondor.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MATHAÏOS 13:30

Ai ba u kew bad ki ñiut kin ïasan lang tad haduh ka aïom ot. Nangta ngan ong ha ki nongot ban rat nyngkong ïa ki ñiut, ban tehsong ïa ki bad ban thang ïa ki, bad nangta ban lumlang shapoh ïa u kew bad buh ïa u ha ka thiar jong nga.’ ”

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 13:42

bad kin bret ïa ki shapoh ka lawar ding baklang, ha kaba kin lynñiar bad kyr-iat bniat.

MATHAÏOS 13:43

Nangta ki briew jong U Blei kin tyngshaiñ kum ka sngi ha ka Hima jong U Kpa jong ki. To shahshkor, te, lada phi don ki shkor!

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

LOUKAS 3:17

U don bad u ka byrsha pynher stait, ban shoh ïa u kew baroh bad ban lumlang ïa u kew shapoh ka thiar jong u; hynrei un thang ïa u stait ha ka ding ka bym ju lip.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.