MATHAÏOS 3:11 - Khasi CL Bible (BSI)

¹¹ Nga pynbaptis ïa phi da ka um ban pyn-i ba phi la kylla-kaba-mut, hynrei uta uba wan hadien jong nga un pynbaptis ïa phi da U Mynsiem Bakhuid bad da ka ding. U long uba kham khraw ban ïa nga; bad ngam long uba bit wat tang ban rah ïa ki juti jong u.

KA BAIBL

¹¹ “Nga shisha nga pynbaptis ïa phi da ka um ïa ka ban kylla-ka-bamut: hynrei, uta uba wan nadien jong nga u long uba kham khraw bor ïa nga, uba kam dei ïa nga ban rah wat tang ïa ki juti jong u: uta keiñ, un pynbaptis ïa phi da U Mynsiem Bakhuid bad da ka ding:

MATHAÏOS 3:11 ပူးပေါင်းရင်းမြစ်များ

ISAÏAH 4:4

Da la ka bor U Trai un bishar bad pynkhuid ïa ka jaitbynriew bad sait noh ïa ka jingpalat jong ka Jerusalem, bad ïa ka snam kaba la pynmih noh hangta.

ISAÏAH 44:3

“Ngan ai um ïa ka ri basliang bad pynlong ïa ki wahduid ban tuid ha ka khyndew ba-tyrkhong. Ngan theh noh ïa U Mynsiem jong nga ha ki khun jong phi bad ka jingkyrkhu jong nga ha ki khun ki ksiew jong phi.

SEKHARAÏAH 13:9

Bad ngan tynjuh ïa ka bynta kaba lai kaba dang lait im bad ngan pynkhuid ïa ki kumba phrang ïa ka rupa da ka ding. Ngan tynjuh ïa ki kumba la ju tynjuh ïa ka ksiar. Nangta kin duwai ha nga, bad ngan jubab ïa ki. Ngan ïathuh ïa ki ba ki long ki briew jong nga, bad kin phla ba nga long U Blei jong ki.”

MATHAÏOS 3:6

Ki la phla ïa la ki pop, bad u la pynbaptis ïa ki ha ka wah Jordan.

MARKOS 1:4

Kumta u Ïoannis u la wan sha ka ri shyiap, da kaba pynbaptis bad ïalap. “To phai noh na ki pop jong phi bad to shah pynbaptis,” u la ong ïa ki briew, “bad U Blei un map noh ïa ki pop jong phi.”

LOUKAS 1:17

Un leit ha shuwa jong U Trai, uba khlaiñ bad uba khrawbor kum u Elijah u nongïathuhlypa. Un pynïasuk pat ïa ki kpa bad ki khun; un pynphai pat ïa ki briew ki bymkohnguh sha ka rukom pyrkhat jong kiba hok; un pynkhreh ïa ki briew jong U Trai na ka bynta jong U.”

LOUKAS 3:16

Kumta u Ïoannis u la ong ha ki baroh, “Nga pynbaptis ïa phi da ka um, hynrei don uwei pat uba wan uba kham khraw ban ïa nga. Ngam long uba bit wat ban loit ïa ki juti jong u. Un pynbaptis ïa phi da U Mynsiem Bakhuid bad da ka ding.

LOUKAS 3:3

Kumta u Ïoannis u la leit kylleng ka thain baroh jong ka wah Jordan, u da ïalap, “To phai noh na ki pop jong phi bad to shah ba yn pynbaptis, bad U Blei un map ïa ki pop jong phi.”

ÏOANNIS 1:15

U Ïoannis u la kren shaphang jong u. U la pyrta jam, “Une u long uta ïa uba nga la kren shaphang jong u, mynba nga la ong, ‘U wan hadien jong nga, hynrei u kham khraw ban ïa nga, namar u la don shuwa ban kha ïa nga.’ ”

ÏOANNIS 1:30

Une u long uta ïa uba nga la kren mynba nga la ong, ‘U briew uba wan hadien jong nga, hynrei u long uba kham khraw ban ïa nga, namar u la don shuwa ban kha ïa nga.’

KI KAM 1:5

U Ïoannis u la pynbaptis da ka um, hynrei ha ki khyndiat sngi yn sa pynbaptis ïa phi da U Mynsiem Bakhuid.”

KI KAM 19:4

U Paul u la ong, “Ka jingpynbaptis u Ïoannis ka long na ka bynta kito kiba la phai noh na ki pop jong ki; bad u la ïathuh ha ki paid Israel ban ngeit ha uta u ban sa wan hadien jong u — kata, ha U Jisu.”

KI KAM 8:36

Katba ki nang ïaleit ha lynti, ki la poi ha ka jaka ha kaba la don khyndiat ka um, bad uta u rangbah synshar u la ong, “Hangne ka don ka um. Kaei kaba khang ïa nga na kaba shah pynbaptis?”

KI KAM 8:38

Uta u rangbah synshar u la hukum ban pynsangeh ïa ka kali kulai, bad baroh ar ngut, u Philip bad uta u rangbah synshar ki la ïaleit hiar sha ka um, bad u Philip u la pynbaptis ïa u.

1 KORINTH 12:13

Ha kajuh ka rukom, baroh na ngi, la ngi long ki Jiw ne ki Jentil, ki mraw ne kiba laitluid, la pynbaptis ha kawei ka met da ujuh U Mynsiem, bad la ai ha ngi ïa ujuh U Mynsiem ban ïoh dih.

EPHESOS 3:8

Nga long uba rit na kiba rit tam na ki briew jong U Blei baroh; pynban, U Blei u la ai ha nga ïa kane ka kabu ban ïalap sha ki Jentil ïa ka Khubor Babha shaphang ka jingkynrei spah bymkut shuh jong U Khrist, bad ban pynlong ïa ki briew baroh ban ïohi kumno ba la pyntreikam ïa ka jingthmu bamaïan U Blei.

TITOS 3:5

Ym namar kano kano na ki kam babha kiba ma ngi hi ngi la leh, hynrei namar ka jingisynei jong u hi ba u la pynim ïa ngi, lyngba U Mynsiem Bakhuid, uba ai ïa ngi ka jingkha thymmai bad ka jingim kaba thymmai da kaba sait ïa ngi.

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”