MATHAÏOS 3:10 - Khasi CL Bible (BSI)

¹⁰ Ïa u sdie la pynkhreh ban khet ïa ki dieng na ki thied; ïa uwei pa uwei u dieng u bym sei ki soh babha yn khet noh bad bret ha ka ding.

KA BAIBL

¹⁰ Hynrei, mynta ruh la thew ïa ka wait ha u thied ki dieng; namar kata, ïa u dieng baroh u bymsei soh babha yn khet noh, bad yn bred sha ka ding.

MATHAÏOS 3:10 ပူးပေါင်းရင်းမြစ်များ

2 SAMUEL 23:7

Phi hap ban pyndonkam da ka tiar nar lane da u sum; yn thang lut khoit ïa ki.

SALM 1:3

Ki long kum ki dieng kiba mih harud ka wahduid, kiba seisoh ha ka por kaba dei, bad kiba ki sla jong ki kim tyrkhong. Ki jop ha kiei kiei baroh kiba ki leh.

SALM 140:10

Ai ba ki rnga barhem kin hap halor jong ki; ai ba kin shah bret shapoh ka thliew bad kin ym lah shuh ban mih.

SALM 92:12

Kiba hok kin roi kum ki dieng Tlai; kin san kum ki dieng Kedar ka Lebanon.

ISAÏAH 27:11

Ki tnat jong ki dieng ki la stai bad kdiah noh, bad ki kynthei ki ïatam ïa ki ban pynlong diengthang. Namar ba ki briew kim sngewthuh ei ei, U Blei U Nongthaw jong ki un ym sngewlem ïa ki lane pyn-i ïa ki kano kano ka jingisynei.

ISAÏAH 61:3

ban ai ha kito kiba ïam sngewsih ha Seïon ïa ka jingkmen bad jingsngewbha ha ka jaka ka jingsngewsih, ka jingrwai jong ka jingïaroh ha ka jaka ki ummat kthang. Kin long kum ki dieng ba U Trai da lade hi u la thung. Baroh kin leh ïa kaei kaba dei. Bad ïa U Blei yn ai ka jingïaroh ïa kaei ba u la leh.

JEREMAÏAH 17:8

U long kum u dieng uba mih hajan ka wahduid bad uba ki thied ki ksam sha ka um. Um sheptieng haba ka jingshit ka suiñbneng ka wan, namar ki sla jong u ki sah jyrngam; um don jingkhuslai haba ym don slap; u ïai pynmih soh.

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

MALAKHI 4:1

U Trai Badonbor Baroh u ong, “Ka sngi ka la nang wan ha kaba ïa kiba sarong baroh bad ïa ki briew kiba sniew yn thang kum u phlangïap. Ha kata ka sngi kin shah thang lut, bad yn ym don kaba sah na ki.

MATHAÏOS 21:19

U la ïohi ïa u dieng Dumbur harud ka lynti bad u la leit sha u, hynrei um shem ei ei ha u lait noh tang ki sla. Kumta u la ong ha u dieng, “Men ym pynmih soh shuh!” Mar kumta hi u dieng Dumbur u la ïap tyrkhong.

MATHAÏOS 7:19

Bad ïa uno uno u dieng u bym pynmih u soh uba bha la ju khet noh bad bret hapoh ka ding.

LOUKAS 23:31

Naba lada ïa kiba kum kine kiei kiei la leh haba u dieng u dang jyrngam, kaei ka ban jia haba u la tyrkhong?”

LOUKAS 3:9

U sdie u la khreh ban khet ïa ki dieng na ki thied; ïa uno uno u dieng baroh u bym sei u soh babha yn khet noh bad bret ha ka ding.”

ÏOANNIS 15:2

U ngor noh ïa kano kano ka tnat kaba don ha nga ka bymseisoh, bad u khyllad ïa kano kano ka tnat kaba seisoh, khnang ba kan long khuid bad kan kham seisoh.

ÏOANNIS 15:6

Ïa uno uno u bymïaineh ha nga yn bret noh ïa u kum ka tnat bad u ïap tyrkhong; kum ïa kita ki tnat, la lumlang bad la bret noh ha ka ding, ha kaba la thang ïa ki.

HEBRU 12:25

Te, to sumar bad wat kyntait ban shahshkor ïa uta uba kren. Kita kiba kyntait ïa uta uba ïathuh ïa ka khubor ba kynja bneng ha pyrthei kim shym lait im. Sa katno tam ma ngi, ngin ïohlait im, te, lada ngi phai noh na uta uba kren na bneng.

HEBRU 6:8

Hynrei lada ka pynmih ïa ki shiah bad ïa ki ñiut, kam dondor ei ei; ka don ha ka, ka jingma naba U Blei un tim bad pynjot da ka ding.