MATHAÏOS 28:7 - Khasi CL Bible (BSI)

⁷ Khie leit bran bran mynta, bad ïathuh ha ki synran jong u, ‘La pynmihpat ïa u na ka jingïap, bad mynta u dang leit sha Galilaïa ha shuwa jong phi; hangta phin ïohi ïa u!’ To kynmaw ïa kaei kaba nga la ïathuh ïa phi.”

KA BAIBL

⁷ To khie noh kloi kloi ruh, to ïathuh ruh ha ki synran jong u, ba u la mih noh na ki baïap; ha khmih ruh, u leit sha shuwa jong phi sha Galilaïa; hangta phin ïohi ïa u: ha khmih, nga la ïathuh ha phi.”

MATHAÏOS 28:7 ပူးပေါင်းရင်းမြစ်များ

ISAÏAH 44:8

Wat sheptieng, ko ki briew jong nga! Phi tip ba naduh ki por mynbarim haduh mynta nga la ïathuhlypa ïa baroh ka ban sa jia, bad phi long ki sakhi jong nga. Hato don uno uno uwei pat U Blei? Hato don kiwei pat ki blei badonbor ba ngam shym ïohsngew?”

ISAÏAH 45:21

Ale bad ai ïa ka kam jong phi ha ka ïingbishar; ai ba ki nongïasaid kin ïasyllok uwei ïa uwei pat. Mano ba la ïathuhlypa slem mynshuwa kaei ban jia? Hato ym dei ma nga, U Trai, U Blei uba pynim ïa la ki briew? Ym don uwei pat U Blei.

MATHAÏOS 24:25

To shahshkor! nga la ïathuh ha phi ïa kane ha shuwa ba ka por kan poi.

MATHAÏOS 26:32

Hynrei hadien ba la pynmihpat ïa nga, ngan leit sha Galilaïa ha shuwa jong phi.”

MATHAÏOS 28:10

“Wat sheptieng,” U Jisu u la ong ha ki. “Khie leit bad ïathuh ïa ki para jong nga ban leit sha Galilaïa bad hangta kin ïohi ïa nga.”

MATHAÏOS 28:8

Kumta ki la mihnoh ha ka jingkyrkieh na ka jingtep, da ka jingsheptieng bad pynban kiba la pyndap da ka jingkmen, bad ki la mareh ban ïathuh ha ki synran jong u.

MARKOS 14:28

Hynrei hadien ba nga la mihpat, ngan leit sha Galilaïa ha shuwa jong phi.”

MARKOS 16:10

Ka la leit bad ïathuh ïa ki nongbud jong u. Ki dang ïasngewsih bad ïam; bad haba ki la ïohsngew ïa ka, ba ka ong ba U Jisu u im bad ba ka la lah ïohi ïa u, kim shym la ngeit ïa ka.

MARKOS 16:13

Ki la wan phai bad ki la ïathuh ha kiwei pat, hynrei kim shym la ngeit ïa kata.

LOUKAS 24:34

“U Trai u la mihpat da shisha! U la paw ha u Simon!”

ÏOANNIS 14:29

Nga la ïathuh ha phi ïa kane mynta ha shuwa ba baroh kan jia, ba kumta haba kata kan jia, phin ïoh ngeit.

ÏOANNIS 16:4

Hynrei nga la ïathuh ha phi ïa kane, ba haba ka por ka poi ïa ki ban leh ïa kine kiei kiei, phin sa kynmaw ba nga la ïathuh ïa phi. “Ngam shym la ïathuh ha phi ïa kine kiei kiei ha kaba mynnyngkong, naba nga la don lem bad phi.

1 KORINTH 15:4

ba la tep ïa u bad ba la pynmihpat ïa u hadien lai sngi, kumba la thoh ha ki Jingthoh Bakhuid;

1 KORINTH 15:6

Nangta u la paw ha palat sanspah ngut ki nongbud jong u ha kajuh ka por, kiba kham bun na ki, ki dang im, wat la katto katne ngut ki la ïap.