MATHAÏOS 28:6 - Khasi CL Bible (BSI)

⁶ Um don hangne; la pynmihpat ïa u, kumba u la ong. Ale hangne bad peit ïa ka jaka ha kaba u la thiah.

KA BAIBL

⁶ um don hangne, naba u la mih noh, kumba u la ong. Ale, to khmih ïa ka jaka ha kaba u la thiah U Trai.

MATHAÏOS 28:6 ပူးပေါင်းရင်းမြစ်များ

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

MATHAÏOS 16:21

Naduh kata ka por U Jisu u la sdang ban kren shai ha la ki synran, “Nga dei ban leit sha Jerusalem bad shahshitom shibun na ki tymmen ki san, ki rangbah lyngdoh bad ki nonghikai ka Hukum. Ïa nga yn pynïap, hynrei hadien lai sngi yn sa pynmihpat ïa nga.”

MATHAÏOS 17:23

ki ban pynïap ïa u, hynrei hadien lai sngi yn sa pynmihpat ïa u.” Ki synran ki la sngewsih eh.

MATHAÏOS 17:9

Katba ki dang wan hiar na u lumbah, U Jisu u la hukum ïa ki, “Wat ïathuh hano hano ruh ïa kane ka jingïohipaw kaba phi la ïohi tad haduh ba ïa U Khun U Briew la pynmihpat na ka jingïap.”

MATHAÏOS 20:19

Kin pynrem ïa u sha ka jingïap bad kin aiti ïa u ha ki Jentil, ki ban krenbeiñ ïa u, kin sympat ïa u, bad kin sahnarphna ïa u; hynrei hadien lai sngi yn sa pynmihpat ïa u.”

MATHAÏOS 27:63

bad ki la ong, “Ko Kynrad, ngi kynmaw ba katba uta u nongshukor u dang im u la ong, ‘Yn sa pynmihpat ïa nga hadien lai sngi.’

MARKOS 16:6

“Wat sheptieng,” u la ong. “Nga tip ba phi ïawad ïa U Jisu uba na Nasareth, ïa uba la sahnarphna. Um don hangne — u la mihpat! Ha khmih, hangne ka jaka ha kaba ki la buh ïa u.

MARKOS 8:31

Nangta U Jisu u la sdang ban hikai ïa ki synran jong u: “U Khun U Briew u dei ban shahshitom shibun bad ban shah kyntait da ki tymmen ki san, ki rangbah lyngdoh, bad da ki nonghikai ka Hukum. Un sa shah pynïap, hynrei hadien lai sngi yn sa pynmihpat ïa u.”

LOUKAS 24:12

Hynrei u Petros u la ïeng joit bad u la mareh sha ka jingtep; u la dem shapoh bad u la ïohi ïa ki jingsop linen hynrei ym kano kano kawei pat. Nangta u la leit phai pat sha ïing da ka jinglyngngoh ïa kaei kaba la jia.

LOUKAS 24:23

Ki la wan phai pat da kaba ong ba ki la ïohi ka jingïohipaw ïa ki angel kiba la ïathuh ha ki ba u im.

LOUKAS 24:44

Nangta u la ong ha ki, “Kine ki long kita kiei kiei kiba nga la ïathuh ha phi mynba nga dang don lem bad phi: Kaei kaei baroh kaba la thoh shaphang jong nga ha ka Hukum u Moses, ha ki jingthoh jong ki nongïathuhlypa, bad ha Ki Salm ka dei ban urlong shisha.”

ÏOANNIS 10:17

“U Kpa u ieit ïa nga namar ba nga kloi ban aiti ïa la ka jingim, khnang ba nga lah ban ïohpdiang pat ïa ka.

ÏOANNIS 2:19

U Jisu u la jubab, “Pynpra ïa kane ka Templ, bad ha ki lai sngi ngan tei pat ïa ka.”

KI KAM 2:24

Hynrei U Blei u la pynmihpat ïa u na ka jingïap, da kaba pyllaitluid ïa u na ka bor jong ka, namar ka long ka bym lah long ba ka jingïap kan bat ïa u.